← ਪਿਛੇ ਪਰਤੋ
ਪੌਣੇ ਦੋ ਕਰੋੜ ਬੱਚਿਆਂ 'ਚੋਂ ਪਹਿਲਾ ਰੈਂਕ ਹਾਸਲ ਕਰਨ ਵਾਲੇ 10 ਸਾਲ ਦੇ ਪੇਂਟਰ ਕ੍ਰਿਸ਼ਨਵ ਵਿੱਚ ਝਲਕਦੀ ਹੈ ਦੇਸ਼ ਭਗਤੀ
ਰੋਹਿਤ ਗੁਪਤਾ
ਗੁਰਦਾਸਪੁਰ 31 ਜਨਵਰੀ 2025- ਬਚਪਨ ਵਿੱਚ ਕਾਗਜ਼ਾਂ ਤੇ ਲਕੀਰਾਂ ਉਕੇਰਣ ਅਤੇ ਪੇਂਟਿੰਗ ਕਰਨ ਦਾ ਸ਼ੌਂਕ ਰੱਖਣ ਵਾਲਾ 10 ਸਾਲ ਦੇ ਬੱਚਾ ਕ੍ਰਿਸ਼ਨਵ ਪੂਰੇ ਭਾਰਤ ਦੇ ਸਕੂਲੀ ਬੱਚਿਆਂ ਵਿੱਚੋਂ ਸਰਵ ਸ੍ਰੇਸ਼ਠ ਪੇੰੰਟਰ ਬਣ ਕਿ ਉਭਰਿਆ ਹੈ ਤੇ ਕੇਂਦਰੀ ਰੱਖਿਆ ਮੰਤਰਾਲੇ ਵੱਲੋਂ ਕਰਵਾਏ ਗਏ ਵੀਰ ਗਾਥਾ ਕੰਪਟੀਸ਼ਨ ਵਿੱਚ ਕੇਂਦਰੀ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੇ ਹੱਥੋਂ ਸਨਮਾਨਤ ਹੋ ਕੇ ਆਇਆ ਹੈ। ਇਹੋ ਨਹੀਂ ਉਸਦੀ ਇਸ ਪ੍ਰਾਪਤੀ ਕਾਰਨ ਉਸ ਦੇ ਪਰਿਵਾਰ ਨੂੰ ਵੀ ਦਿੱਲੀ ਵਿਖੇ 26 ਜਨਵਰੀ ਦੀ ਕੌਮੀ ਪਰੇਡ ਨੂੰ ਵੀਆਈਪੀ ਬਣ ਕੇ ਵੇਖਣ ਦਾ ਮਾਣ ਹਾਸਲ ਹੋਇਆ ਹੈ ਅਤੇ ਕ੍ਰਿਸ਼ਨਾ ਦੇ ਮਾਤਾ-ਪਿਤਾ ਹੀ ਨਹੀਂ ਪੂਰਾ ਗੁਰਦਾਸਪੁਰ ਸ਼ਹਿਰ ਇਸ ਬੱਚੇ ਤੇ ਦਿਲ ਵਿੱਚ ਵੱਸਦੀਆਂ ਦੇਸ਼ ਭਗਤੀ ਦੀਆਂ ਭਾਵਨਾਵਾਂ ਦੀ ਪ੍ਰਸ਼ੰਸਾ ਕਰ ਰਿਹਾ ਹੈ। ਕ੍ਰਿਸ਼ਨਵ ਨੇ ਵੀਰ ਗਾਥਾ ਕੰਪੀਟੀਸ਼ਨ ਵਿੱਚ ਪੁਲਵਾਮਾ ਵਿਖੇ ਅੱਤਵਾਦੀਆਂ ਨੂੰ ਮਾਰਨ ਤੋਂ ਬਾਅਦ ਸ਼ਹੀਦ ਹੋਏ ਕੈਪਟਨ ਤੁਸ਼ਾਰ ਮਹਾਜਨ ਦੀ ਇੱਕ ਭਾਵੁਕ ਪੇਂਟਿੰਗ ਉਕੇਰੀ ਸੀ ਜੋ ਵੀਰ ਗਾਥਾ ਕੰਪੀਟੀਸ਼ਨ ਦੀ ਪੇਂਟਿੰਗ ਕੈਟਾਗਰੀ ਵਿੱਚ ਪਹਿਲੇ ਨੰਬਰ ਤੇ ਆਈ ਹੈ।
Total Responses : 1603