ਡੀ.ਏ.ਵੀ. ਕਾਲਜ ਦੀ ਐਨ.ਸੀ.ਸੀ. ਕੈਡਿਟ ਭੁਪਿੰਦਰ ਕੌਰ ਨੂੰ ਮਿਲਿਆ ‘ਬੈਸਟ ਕੈਡਿਟ ਆਫ਼ ਦੀ ਈਯਰ’ ਸਨਮਾਨ
ਪੁਨੀਤ ਅਰੋੜਾ
ਨਕੋਦਰ, 31 ਜਨਵਰੀ 2025 - ਕੇ.ਆਰ.ਐਮ. ਡੀ.ਏ.ਵੀ. ਕਾਲਜ, ਨਕੋਦਰ ਦੇ ਪ੍ਰਿੰਸੀਪਲ ਡਾ. ਅਨੂਪ ਕੁਮਾਰ ਦੀ ਅਗਵਾਈ ਅਤੇ ਐਨ.ਸੀ.ਸੀ. ਇੰਚਾਰਜ ਪ੍ਰੋ. (ਡਾ.) ਨੇਹਾ ਵਰਮਾ ਦੀ ਦੇਖ-ਰੇਖ ਹੇਠ ਐਨ.ਸੀ.ਸੀ. ਕੈਡਟ ਭੁਪਿੰਦਰ ਕੌਰ ਨੇ ਬੈਸਟ ਕੈਡਿਟ ਆਫ਼ ਦੀ ਈਯਰ ਸਨਮਾਨ ਹਾਸਲ ਕੀਤਾ। ਪ੍ਰਿੰਸੀਪਲ ਡਾ. ਅਨੂਪ ਕੁਮਾਰ ਨੇ ਐਨ.ਸੀ.ਸੀ. ਇੰਚਾਰਜ ਪ੍ਰੋ. (ਡਾ.) ਨੇਹਾ ਵਰਮਾ ਤੇ ਐਨ.ਸੀ.ਸੀ. ਕੈਡਿਟ ਭੁਪਿੰਦਰ ਕੌਰ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਬੈਸਟ ਕੈਡਿਟ ਆਫ਼ ਦਾ ਈਯਰ ਸਨਮਾਨ ਕਾਲਜ ਦੀ ਐਨ.ਸੀ.ਸੀ. ਕੈਡਿਟ ਸੀਨੀਅਰ ਅੰਡਰ ਅਫ਼ਸਰ ਭੁਪਿੰਦਰ ਕੌਰ ਦੀ ਪੂਰੇ ਸਾਲ ਦੀ ਕਾਰਗੁਜਾਰੀ ਨੂੰ ਦੇਖਦਿਆਂ ਹੋਇਆ 2 ਪੰਜਾਬ ਗਰਲਜ਼ ਬਟਾਲੀਅਨ ਜਲੰਧਰ ਦੇ ਕਮਾਂਡਿੰਗ ਅਫ਼ਸਰ ਕਰਨਲ ਮਨਿੰਦਰ ਸਿੰਘ ਸਚਦੇਵ ਵਲੋਂ ਭੇਟ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਕਾਲਜ ਦੇ ਐਨ.ਸੀ.ਸੀ. ਇੰਚਾਰਜ ਡਾ. ਨੇਹਾ ਵਰਮਾ ਦੇ ਸਹਿਯੋਗ ਨਾਲ ਐਨ.ਸੀ.ਸੀ. ਕੈਡਿਟਸ ਵੱਖ-ਵੱਖ ਗਤੀਵਿਧੀਆਂ ’ਚ ਭਾਗ ਲੈ ਕੇ ਚੰਗੀ ਕਾਰਗੁਜਾਰੀ ਵਿਖਾ ਰਹੇ ਹਨ। ਇਸ ਕਾਲਜ ਦੀ ਐਨ.ਸੀ.ਸੀ. ਕੈਡਿਟ ਨੂੰ ਬੈਸਟ ਕੈਡਿਟ ਆਫ਼ ਦਾ ਈਯਰ ਸਨਮਾਨ ਮਿਲਣਾ ਇਲਾਕੇ ਲਈ ਬੜੇ ਮਾਣ ਵਾਲੀ ਗੱਲ ਹੈ।