ਸਕੇ-ਸਬੰਧੀ- ਰਛਪਾਲ ਸਿੰਘ ਰੈਸਲ
(ਨਿੱਕੀ ਕਹਾਣੀ)
ਭਾਵੇਂ ਬਚਨ ਸਿਉਂ ਨੂੰ ਹਸਪਤਾਲ ਵਿੱਚ ਦਾਖਲ ਹੋਇਆਂ ਹਫਤੇ ਤੋਂ ਉੱਪਰ ਦਾ ਸਮਾਂ ਹੋ ਚੱਲਿਆ ਸੀ ਪਰ ਅਜੇ ਤੱਕ ਉਸਦਾ ਹਾਲ-ਚਾਲ ਪੱਛਦਿਆਂ ਮੈਂ ਇੱਕ-ਦੋ ਬੰਦਿਆ ਤੋਂ ਵੱਧ ਕਿਸੇ ਨੂੰ ਨਹੀਂ ਸੀ ਵੇਖਿਆ । ਦੂਜੇ ਪਾਸੇ ਸਰਦਾਰ ਗੁਰਬਖ਼ਸ ਸਿੰਘ ਦੇ ਬੈਡ 'ਤੇ ਕਿਸੇ ਖੁੰਡ ਚਰਚਾ ਵਾਂਗ ਚਾਰ ਬੰਦੇ ਜੁੜੇ ਹੀ ਰਹਿੰਦੇ ਸਨ।
ਨਵੀਂ ਆਈ ਨਰਸ ਨੇ ਰਸਮੀ ਤੌਰ 'ਤੇ ਪੁੱਛਿਆ ਬਾਬਾ ਜੀ! ਕੀ ਹਾਲ ਹੈ ਤੁਹਾਡਾ? ਬਚਨ ਸਿਉਂ ਨੇ ਦੋਵੇ ਹੱਥ ਜੋੜਦਿਆਂ ਕਿਹਾ, "ਠੀਕ ਐ ਬਿਬੀ ਜੀ,ਕ੍ਰਿਪਾ ਐ ਮਾਲਕ ਦੀ" ਫਿਰ ਬਚਨ ਸਿਉਂ ਨੂੰ ਇਕੱਲਾ ਜਿਹਾ ਮਹਿਸੂਸ ਕਰਦਿਆਂ ਟੀਕਾ ਭਰਦੀ ਨਰਸ ਨੇ ਪੁੱਛਿਆ, " ਬਾਬਾ ਤੇਰਾ ਕੋਈ ਸਕਾ ਸੰਬੰਧੀ ਨੀ ਇੱਥੇ ਤੇਰੇ ਨਾਲ?"
ਉਹ ਇੱਕ ਦਮ ਬੋਲਿਆ ਹੈਗਾ।
ਬਚਨ ਸਿਉਂ ਨੇ ਸੁਰਾਹਣੇ ਪਈ ਸੋਟੀ ਨੂੰ ਹੱਥ 'ਚ ਫੜਦਿਆਂ ਠੀਕ ਹੋ ਕੇ ਬੈਠਦਿਆਂ ਕਿਹਾ ਧੀ ਮੇਰੀ ‘ਸੋਟੀ' ਅਤੇ ਪੁੱਤ ਮੇਰਾ ਹੌਂਸਲਾ ।
ਹੁਣ ਨਰਸ ਨਿਰਸ਼ਬਦ ਸੀ।
ਰਛਪਾਲ ਸਿੰਘ ਰੈਸਲ
ਨਾਭਾ(ਪਟਿਆਲਾ)
94178-97576
-
ਰਛਪਾਲ ਸਿੰਘ ਰੈਸਲ, writer
rachhpal504@gmail.com
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.