ਇੱਕ ਵਾਰ ਦੀ ਗੱਲ ਹੈ ਕਿ ਜੰਗਲ ਦੇ ਰਾਜੇ ਸ਼ੇਰ ਨੇ ਜੰਗਲ ਵਿੱਚ ਇੱਕ ਸਭਾ ਬੁਲਾਉਂਦਿਆਂ ਕਿਹਾ ਕਿ ਸਾਰੇ ਹੀ ਸੁਣ ਲਓ। ਮੈਂ ਵਿਚਾਰ ਕੀਤਾ ਹੈ ਕੀ ਆਪਾਂ ਜੰਗਲ ਦੇ ਵਿੱਚ ਇੱਕ ਖੂਨਦਾਨ ਕੈਂਪ ਲਗਾਈਏ ਅਤੇ ਇਸ ਮਹਾਨ ਕੰਮ ਵਿੱਚ ਆਪਾਂ ਵੀ ਸਾਰੇ ਵੱਧ ਚੜ ਕੇ ਹਿੱਸਾ ਪਾਈਏ।
ਸ਼ੇਰ ਦੀ ਇਹ ਗੱਲ ਸੁਣਦਿਆਂ ਸਾਰ ਹੀ ਸਾਰੇ ਜੰਗਲ ਵਿੱਚ ਸਲਾਹਾਂ ਤੇ ਵਿਚਾਰਾਂ ਦਾ ਦੌਰ ਚੱਲ ਪਿਆ, ਚੂਹੇ ਨੇ ਬਿੱਲੀ ਦੇ ਕੰਨ ਵਿੱਚ ਕਿਹਾ, ਕਿ ਬਿੱਲੀ ਮਾਸੀ ਮੈਂ ਕਿਵੇਂ ਖੂਨ ਦਾਨ ਕਰੂੰਗਾ। ਜੇਕਰ ਮੇਰਾ ਖੂਨ ਕੱਢਿਆ ਗਿਆ ਤਾਂ ਹੋ ਸਕਦਾ ਮੈਂ ਮਰ ਹੀ ਜਾਵਾਂ, ਚੂਹੇ ਤੇ ਬਿੱਲੀ ਦੀਆਂ ਗੱਲਾਂ ਸੁਣ ਕੇ ਸ਼ੇਰ ਨੇ ਗੁੱਸੇ ਵਿੱਚ ਕਿਹਾ, ਦੱਸ ਬਿਲੀਏ, ਕੀ ਆਖ ਰਿਹਾ ਏ ਚੂਹਾ ਸੁਦਾਈ।
ਦੋਵੇਂ ਜਣੇ ਸ਼ੇਰ ਦਾ ਗੁੱਸਾ ਵੇਖ ਕੇ ਡਰਨ ਲੱਗੇ ਤੇ ਕੰਬਣੀ ਵੀ ਛਿੜ ਗਈ ਦੋਹਾਂ ਨੂੰ, ਬਿੱਲੀ ਨੇ ਡਰ ਦਿਆਂ - ਡਰਦਿਆਂ ਕਿਹਾ ਮਹਾਰਾਜ ਜੀ ਚੂਹਾ ਖੂਨ ਦਾਨ ਕਰਨ ਤੋਂ ਬਹੁਤ ਡਰ ਰਿਹਾ ਹੈ ਤੇ ਆਖ ਰਿਹਾ ਹੈ, ਕਿ ਮੈਂ ਤਾਂ ਮਰ ਵੀ ਸਕਦਾ ਹਾਂ। ਜੇਕਰ ਮੈਂ ਖੂਨ ਦਾਨ ਕੀਤਾ।
ਉਹਨਾਂ ਦੋਹਾਂ ਦੀਆਂ ਗੱਲਾਂ ਸੁਣ ਕੇ ਬਾਂਦਰ ਬਹੁਤ ਹੱਸਿਆ ਅਤੇ ਕਿਹਾ ਪਾਗਲੋ ਖੂਨ ਦਾਨ ਕਰਿਆ ਕੋਈ ਨਹੀਂ ਮਰਦਾ, ਤੁਸੀਂ ਸਾਰੇ ਸੁਣ ਲਓ ਆਪਣੇ ਵਿੱਚ ਖਰਗੋਸ਼ ਡਾਕਟਰ ਬੈਠਾ ਜੋ ਡਾਕਟਰੀ ਕਰ ਰਿਹਾ ਹੈ। ਇਸ ਤੋਂ ਵੀ ਪੁੱਛ ਸਕਦੇ ਹੋ, ਬਾਂਦਰ ਦੀ ਗੱਲ ਦਾ ਜਵਾਬ ਦਿੰਦਿਆਂ, ਡਾਕਟਰ ਖਰਗੋਸ਼ ਨੇ ਕਿਹਾ ਤੁਸੀਂ ਸਾਰੇ ਹੀ ਸੁਣ ਲਵੋ,ਅੱਜ ਤੱਕ ਖੂਨ ਦੇਣ ਤੇ ਕਿਸੇ ਦੀ ਵੀ ਮੌਤ ਨਹੀਂ ਹੋਈ।
ਇਹ ਸਭ ਸਾਡਾ ਵਹਿਮ ਹੈ, ਡਾਕਟਰ ਖਰਗੋਸ਼ ਦੀਆਂ ਗੱਲਾਂ ਸਾਰੇ ਹੀ ਧਿਆਨ ਨਾਲ ਸੁਣ ਰਹੇ ਸੀ। ਖਰਗੋਸ਼ ਨੇ ਕਿਹਾ ਕਿ ਜੋ ਵੀ ਸਰੀਰਕ ਪੱਖੋਂ ਤੰਦਰੁਸਤ ਹੋਵੇ,ਉਹ ਆਪਣਾ ਖੂਨ ਦੇ ਸਕਦਾ ਹੈ। ਅਸੀਂ ਜੋ ਵੀ ਖੂਨਦਾਨ ਕਰਦੇ ਹਾਂ ਉਹ ਕਈਆਂ ਦੀਆਂ ਜਿੰਦਗੀਆਂ ਬਚਾਉਂਦਾ ਹੈ ਅਤੇ ਖੂਨਦਾਨ ਕੀਤਾ ਹੋਇਆ ਪਲਾਂ ਵਿੱਚ ਹੀ ਪੂਰਾ ਹੋ ਜਾਂਦਾ ਹੈ। ਡਾਕਟਰ ਖਰਗੋਸ ਦੀਆਂ ਗੱਲਾਂ ਸਾਰਿਆਂ ਨੂੰ ਸਮਝ ਆ ਗਈਆਂ ਤੇ ਸਾਰਿਆਂ ਨੇ ਖੂਨਦਾਨ ਕਰਨ ਦੀ ਹਾਮੀ ਭਰੀ ਅਤੇ ਖੁਸ਼ੀ ਖੁਸ਼ੀ ਸਾਰੇ ਹੀ ਇਸ ਕੈਂਪ ਵਿੱਚ ਜਾਣ ਲਈ ਤਿਆਰ ਹੋ ਗਏ।
-
ਗੁਰਪ੍ਰੀਤ ਸਿੰਘ ਜਖਵਾਲੀ, ਲੇਖਕ
jakhwali89@gmail.com
98550 36444
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.