11ਵੀਂ ਸਦੀ ਦੀਆਂ ਸ਼ਾਨਦਾਰ ਚੀਜਾਂ - ! Netherlands ਤੋਂ ਭਾਰਤ ਆਉਣਗੀਆਂ ਚੋਲਾ ਕਾਲ ਦੀਆਂ ਇਤਿਹਾਸਕ ਤਾਂਬੇ ਦੀਆਂ ਪਲੇਟਾਂ
ਦ ਹੇਗ/ਨਵੀਂ ਦਿੱਲੀ:
ਭਾਰਤ ਦੇ ਸੱਭਿਆਚਾਰਕ ਅਤੇ ਇਤਿਹਾਸਕ ਵਿਰਸੇ (Cultural Heritage) ਲਈ ਅੱਜ ਦਾ ਦਿਨ ਬੇਹੱਦ ਇਤਿਹਾਸਕ ਅਤੇ ਮਾਣਮੱਤਾ ਸਾਬਤ ਹੋਇਆ ਹੈ। 11ਵੀਂ ਸਦੀ ਦੇ ਚੋਲਾ ਰਾਜਵੰਸ਼ (Chola Dynasty) ਨਾਲ ਸਬੰਧਤ ਬੇਹੱਦ ਕੀਮਤੀ 'ਤਾਂਬੇ ਦੀਆਂ ਪਲੇਟਾਂ' (Chola Copper Plates) ਹੁਣ ਨੀਦਰਲੈਂਡ ਤੋਂ ਭਾਰਤ ਵਾਪਸ ਲਿਆਂਦੀਆਂ ਜਾ ਰਹੀਆਂ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਨੀਦਰਲੈਂਡ ਦੌਰੇ ਦੌਰਾਨ ਦ ਹੇਗ ਵਿਖੇ ਹੋਏ ਇੱਕ ਖ਼ਾਸ ਸਮਾਰੋਹ ਵਿੱਚ ਇਹ ਵੱਡਾ ਫੈਸਲਾ ਲਿਆ ਗਿਆ। ਇਸ ਮੌਕੇ ਨੀਦਰਲੈਂਡ ਦੇ ਪ੍ਰਧਾਨ ਮੰਤਰੀ Rob Jetten (ਰੌਬ ਜੇਟਨ) ਅਤੇ Leiden University ਦੇ ਅਧਿਕਾਰੀ ਵਿਸ਼ੇਸ਼ ਤੌਰ 'ਤੇ ਮੌਜੂਦ ਸਨ। ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਨੂੰ 'ਹਰ ਭਾਰਤੀ ਲਈ ਖੁਸ਼ੀ ਦਾ ਪਲ' ਦੱਸਦਿਆਂ ਨੀਦਰਲੈਂਡ ਸਰਕਾਰ ਅਤੇ ਲੀਡੇਨ ਯੂਨੀਵਰਸਿਟੀ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਹੈ, ਜਿੱਥੇ ਇਹ ਪਲੇਟਾਂ 19ਵੀਂ ਸਦੀ ਦੇ ਮੱਧ (ਸਾਲ 1862) ਤੋਂ ਸੁਰੱਖਿਅਤ ਰੱਖੀਆਂ ਹੋਈਆਂ ਸਨ।
ਪ੍ਰਧਾਨ ਮੰਤਰੀ ਮੋਦੀ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਸਾਂਝੀ ਕਰਦਿਆਂ ਲਿਖਿਆ ਕਿ ਭਾਰਤ ਨੂੰ ਚੋਲਾ ਸ਼ਾਸਕਾਂ, ਉਨ੍ਹਾਂ ਦੇ ਸ਼ਾਨਦਾਰ ਸੱਭਿਆਚਾਰ ਅਤੇ ਖ਼ਾਸ ਕਰਕੇ ਉਨ੍ਹਾਂ ਦੀ ਸ਼ਕਤੀਸ਼ਾਲੀ ਸਮੁੰਦਰੀ ਤਾਕਤ (Maritime Prowess) 'ਤੇ ਹਮੇਸ਼ਾ ਬਹੁਤ ਮਾਣ ਰਿਹਾ ਹੈ। ਲਗਭਗ 1000 ਸਾਲ ਪਹਿਲਾਂ ਚੋਲਾ ਸਾਮਰਾਜ ਨੇ ਆਪਣੀ ਜਲ ਸੈਨਾ ਦੇ ਦਮ 'ਤੇ ਦੱਖਣ-ਪੂਰਬੀ ਏਸ਼ੀਆ ਤੱਕ ਭਾਰਤ ਦੇ ਵਪਾਰਕ ਅਤੇ ਕੂਟਨੀਤਕ ਸਬੰਧਾਂ ਨੂੰ ਮਜ਼ਬੂਤ ਕੀਤਾ ਸੀ। ਹੁਣ ਜਦੋਂ ਇਹ ਪਲੇਟਾਂ ਭਾਰਤ ਵਾਪਸ ਆ ਰਹੀਆਂ ਹਨ, ਤਾਂ ਇਨ੍ਹਾਂ ਨੂੰ ਭਾਰਤੀ ਪੁਰਾਤੱਤਵ ਸਰਵੇਖਣ (Archaeological Survey of India - ASI) ਨੂੰ ਸੌਂਪਿਆ ਜਾਵੇਗਾ, ਜੋ ਇਹ ਤੈਅ ਕਰੇਗਾ ਕਿ ਭਾਰਤ ਦੇ ਲੋਕਾਂ ਨੂੰ ਇਨ੍ਹਾਂ ਦੇ ਦਰਸ਼ਨ ਕਰਵਾਉਣ ਲਈ ਇਨ੍ਹਾਂ ਨੂੰ ਕਿਸ ਮਿਊਜ਼ੀਅਮ ਵਿੱਚ ਪ੍ਰਦਰਸ਼ਿਤ ਕੀਤਾ ਜਾਵੇਗਾ। ਇਹ ਘਟਨਾ ਭਾਰਤ ਅਤੇ ਨੀਦਰਲੈਂਡ ਦੇ ਸੱਭਿਆਚਾਰਕ ਸਬੰਧਾਂ ਵਿੱਚ ਇੱਕ ਨਵਾਂ ਮੀਲ ਪੱਥਰ ਸਾਬਤ ਹੋਵੇਗੀ।
- Download Babushahi App
-
-
