ਬੇਸ਼ਕ ਰਿਆਇਸ਼ੀ ਇਲਾਕੇ ਨਹੀਂ ਕੀਤੇ ਤਬਾਹ ਪਰ ਹਜ਼ਾਰਾਂ ਏਕੜ ਜਮੀਨ ਨਿਗਲ ਚੁੱਕਿਆ ਹੈ ਬਿਆਸ ਦਰਿਆ
ਕਿਨਾਰੇ ਦੇ 19 ਪਿੰਡ ਹੋਏ ਪ੍ਰਭਾਵਤ , ਕਈ ਕਿਸਾਨ ਹੋਏ ਬੇਜਮੀਨੇ
ਰੋਹਿਤ ਗੁਪਤਾ
ਗੁਰਦਾਸਪੁਰ 20 ਸਤੰਬਰ
ਬੇਸ਼ੱਕ ਜਿਲਾ ਗੁਰਦਾਸਪੁਰ ਵਿੱਚ ਬਿਆਸ ਦਰਿਆ ਦੇ ਪਾਣੀ ਨੇ ਰਿਹਾਇਸ਼ੀ ਇਲਾਕਿਆਂ ਵਿੱਚ ਇਸ ਵਾਰ ਤਬਾਹੀ ਨਹੀਂ ਮਚਾਈ ਪਰ ਬਿਆਜ ਦਰਿਆ ਨੇ ਹਜ਼ਾਰਾਂ ਏਕੜ ਕਿਨਾਰੇ ਤੇ ਸਥਿਤ ਖੇਤਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ ਹੈ ਅਤੇ ਇਹ ਖੇਤ ਪੂਰੇ ਦੇ ਪੂਰੇ ਦਰਿਆ ਵਿੱਚ ਸਮਾ ਗਏ ਹਨ । ਕਰੋੜਾਂ ਦਾ ਝੋਨਾ ਅਤੇ ਗੰਨਾ ਵੀ ਦਰਿਆ ਵਿੱਚ ਪੂਰੇ ਦਾ ਪੂਰਾ ਸਮਾ ਚੁੱਕਿਆ ਹੈ। ਪੀੜਿਤ ਕਿਸਾਨਾਂ ਦਾ ਕਹਿਣਾ ਹੈ ਕਿ ਹੁਣ ਇਹ ਉਮੀਦ ਹੀ ਨਹੀਂ ਹੈ ਕਿ ਜਮੀਨ ਦਰਿਆ ਤੋਂ ਬਾਹਰ ਆ ਸਕਦੀ ਹੈ ਜੇਕਰ ਦਰਿਆ ਆਪਣਾ ਰੁੱਖ ਬਦਲਦਾ ਵੀ ਹੈ ਤਾਂ ਉਸਨੂੰ 10 ਸਾਲ ਵੀ ਲੱਗ ਸਕਦੇ ਹਨ। ਇਸ ਤਰ੍ਹਾਂ ਵਿਆਸ ਦਰਿਆ ਦੇ ਕਿਨਾਰੇ ਦੇ ਬਹੁਤ ਸਾਰੇ ਕਿਸਾਨ ਬਿਲਕੁਲ ਬੇਜ਼ਮੀਨੇ ਵੀ ਹੋ ਗਏ ਹਨ । ਇਹਨਾਂ ਵਿੱਚ ਇੱਕ ਫੌਜੀ ਵੀ ਹੈ ਜਿਸ ਨੇ ਰਿਟਾਇਰਮੈਂਟ ਤੋਂ ਬਾਅਦ ਮਿਲੇ ਪੈਸੇ ਨਾਲ ਇੱਥੇ ਜਮੀਨ ਖਰੀਦੀ ਸੀ ਪਰ ਸਾਰੀ ਦੀ ਸਾਰੀ ਜਮੀਨ ਫਸਲ ਸਮੇਤ ਦਰਿਆ ਵਿੱਚ ਸਮਾ ਗਈ ਹੈ । ਜਾਣਕਾਰੀ ਅਨੁਸਾਰ ਬਿਆਜ ਦਰਿਆ ਦੇ ਕਿਨਾਰੇ 19 ਪਿੰਡ ਪ੍ਰਭਾਵਿਤ ਹੋਏ ਹਨ ਅਤੇ ਸੈਂਕੜਿਆਂ ਕਿਸਾਨਾਂ ਦੀ ਜਮੀਨ ਬਿਆਜ ਦੀ ਚਪੇਟ ਵਿੱਚ ਆਈ ਹੈ ।ਰਾਵੀ ਦਰਿਆ ਦੇ ਹੜ ਪੀੜਤ ਇਲਾਕਿਆਂ ਵਿੱਚ ਹੋਏ ਨੁਕਸਾਨ ਦੇ ਤਾਂ ਜਾਇਜੇ ਲਏ ਜਾ ਰਹੇ ਹਨ ਅਤੇ ਉੱਥੇ ਦੇ ਲੋਕਾਂ ਨੂੰ ਮਦਦ ਵੀ ਪਹੁੰਚਾਈ ਜਾ ਰਹੀ ਹੈ ਪਰ ਬਿਆਸ ਦੇ ਦਰਿਆ ਕਿਨਾਰੇ ਓਏ ਉਜਾੜੇ ਵੱਲ ਹਜੇ ਕਿਸੇ ਦਾ ਧਿਆਨ ਨਹੀਂ ਗਿਆ ਹੈ