ਆਪਰੇਸ਼ਨ ਸਿੰਦੂਰ: ਵੇਦਾਂਤਾ ਪਾਵਰ ਦੀ ਅਣਕਹੀ ਕਹਾਣੀ; ਹਾਈ ਅਲਰਟ ਦੇ ਬਾਵਜੂਦ ਪੰਜਾਬ 'ਚ ਬਿਜਲੀ ਸਪਲਾਈ ਰਹੀ ਨਿਰੰਤਰ ਜਾਰੀ
ਆਪਰੇਸ਼ਨ ਸਿੰਦੂਰ ਦੌਰਾਨ ਵੇਦਾਂਤਾ ਪਾਵਰ ਦੇ ਪੰਜਾਬ ਪਲਾਂਟ ਦੀ ਅਣਕਹੀ ਕਹਾਣੀ ਸੰਕਟਮਈ ਹਾਲਾਤਾਂ ਵਿੱਚ ਵੀ ਬਿਜਲੀ ਸਪਲਾਈ ਰਹੀ ਨਿਰੰਤਰ ਜਾਰੀ
ਦੇਸ਼ ਵਿੱਚ ਆਪਰੇਸ਼ਨ ਸਿੰਦੂਰ ਨੂੰ ਇੱਕ ਸਾਲ ਪੂਰਾ ਹੋਣ ਮੌਕੇ 7 ਮਈ 2025 ਦੀ ਰਾਤ ਅੱਜ ਵੀ ਉੱਤਰੀ ਭਾਰਤ ਦੇ ਕਈ ਹਿੱਸਿਆਂ ਵਿੱਚ ਯਾਦ ਕੀਤੀ ਜਾਂਦੀ ਹੈ। ਉਸ ਰਾਤ ਪੰਜਾਬ, ਰਾਜਸਥਾਨ ਅਤੇ ਜੰਮੂ ਦੇ ਕਈ ਇਲਾਕਿਆਂ ਵਿੱਚ ਡਰੋਨ ਦੇਖੇ ਜਾਣ ਦੀਆਂ ਖਬਰਾਂ ਸਾਹਮਣੇ ਆਈਆਂ, ਜਿਸ ਕਾਰਨ ਪੂਰੇ ਖੇਤਰ ਵਿੱਚ ਚਿੰਤਾ ਅਤੇ ਚੌਕਸੀ ਵੱਧ ਗਈ ਸੀ।
ਹਾਈ ਅਲਰਟ ਵਾਲੇ ਇਲਾਕਿਆਂ ਵਿੱਚੋਂ ਇੱਕ ਬਠਿੰਡਾ ਵੀ ਸੀ। ਇੱਥੇ ਭਾਰਤੀ ਹਵਾਈ ਫੌਜ ਦਾ ਇੱਕ ਮਹੱਤਵਪੂਰਨ ਏਅਰਬੇਸ ਸਥਿਤ ਹੈ ਅਤੇ ਇਹ ਪੰਜਾਬ ਦੇ ਮਾਨਸਾ ਜ਼ਿਲ੍ਹੇ ਵਿੱਚ ਸਥਿਤ ਵੇਦਾਂਤਾ ਪਾਵਰ ਦੇ ਤਲਵੰਡੀ ਸਾਬੋ ਪਾਵਰ ਲਿਮਿਟੇਡ (ਟੀਐੱਸਪੀਐੱਲ) ਪਲਾਂਟ ਤੋਂ ਲਗਭਗ 50 ਕਿਲੋਮੀਟਰ ਦੀ ਦੂਰੀ ‘ਤੇ ਹੈ। ਅਜਿਹੇ ਸੰਵੇਦਨਸ਼ੀਲ ਸਮੇਂ ਦੌਰਾਨ, ਜਦੋਂ ਸਰਹੱਦਾਂ ‘ਤੇ ਤਣਾਅ ਵੱਧ ਰਿਹਾ ਸੀ, ਉਸ ਸਮੇਂ ਪੂਰੇ ਪੰਜਾਬ ਵਿੱਚ ਘਰਾਂ, ਹਸਪਤਾਲਾਂ, ਉਦਯੋਗਾਂ ਅਤੇ ਹੋਰ ਜ਼ਰੂਰੀ ਸੇਵਾਵਾਂ ਲਈ ਬਿਨਾਂ ਰੁਕਾਵਟ ਬਿਜਲੀ ਸਪਲਾਈ ਯਕੀਨੀ ਬਣਾਉਣਾ ਬਹੁਤ ਅਹਿਮ ਹੋ ਗਿਆ ਸੀ।
ਅੰਤਰਰਾਸ਼ਟਰੀ ਸਰਹੱਦ ਤੋਂ ਕਰੀਬ 125 ਕਿਲੋਮੀਟਰ ਦੂਰ ਸਥਿਤ ਵੇਦਾਂਤਾ ਪਾਵਰ ਦਾ ਟੀਐੱਸਪੀਐੱਲ ਇੱਕ 1,980 ਮੇਗਾਵਾਟ ਦਾ ਥਰਮਲ ਪਾਵਰ ਪਲਾਂਟ ਹੈ। ਇਹ ਪੰਜਾਬ ਦੀ ਬਿਜਲੀ ਦੀ ਲਗਭਗ 35 ਫੀਸਦੀ ਮੰਗ ਨੂੰ ਪੂਰਾ ਕਰਦਾ ਹੈ। ਇਲਾਕੇ ਵਿੱਚ ਵੱਧਦੇ ਤਣਾਅ ਦੇ ਬਾਵਜੂਦ, ਇਸ ਥਰਮਲ ਪਲਾਂਟ ਨੇ ਬਿਨਾਂ ਰੁਕੇ ਬਿਜਲੀ ਉਤਪਾਦਨ ਜਾਰੀ ਰੱਖਿਆ। ਇਹ ਕਦਮ ਇਸ ਗੱਲ ਦੀ ਇੱਕ ਵੱਡੀ ਮਿਸਾਲ ਬਣਿਆ ਕਿ ਕਿਵੇਂ ਜ਼ਰੂਰੀ ਢਾਂਚਾਗਤ ਪ੍ਰਣਾਲੀਆਂ ਕੜੀ ਸੁਰੱਖਿਆ ਸਥਿਤੀਆਂ ਵਿੱਚ ਵੀ ਲਗਾਤਾਰ ਕੰਮ ਕਰਦੀਆਂ ਹਨ।ਮੱਧ-ਪੂਰਬ ਵਿੱਚ ਹਾਲੀਆ ਸੰਘਰਸ਼ਾਂ ਨੇ ਇਹ ਸਪੱਸ਼ਟ ਕਰ ਦਿੱਤਾ ਹੈ ਕਿ ਊਰਜਾ ਦਾ ਬੁਨਿਆਦੀ ਢਾਂਚਾ ਹੁਣ ਸਿਰਫ਼ ਵਿਕਾਸ ਲਈ ਹੀ ਨਹੀਂ, ਸਗੋਂ ਰਾਸ਼ਟਰੀ ਸੁਰੱਖਿਆ ਲਈ ਵੀ ਬਹੁਤ ਅਹਿਮ ਬਣ ਚੁੱਕਾ ਹੈ। ਇਸ ਸੰਦਰਭ ਵਿੱਚ ਵੇਦਾਂਤਾ ਪਾਵਰ ਦਾ ਟੀਐੱਸਪੀਐੱਲ ਇਸ ਗੱਲ ਦੀ ਮਹੱਤਵਪੂਰਨ ਮਿਸਾਲ ਵਜੋਂ ਸਾਹਮਣੇ ਆਇਆ ਹੈ ਕਿ ਕਿਵੇਂ ਜ਼ਰੂਰੀ ਪਾਵਰ ਪ੍ਰਣਾਲੀਆਂ ਵੱਧ ਖਤਰੇ ਵਾਲੇ ਸਮੇਂ ਦੌਰਾਨ ਵੀ ਨਿਰੰਤਰ ਅਤੇ ਸੁਚਾਰੂ ਢੰਗ ਨਾਲ ਕੰਮ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਰਹਿੰਦੀਆਂ ਹਨ।
ਹਾਈ ਅਲਰਟ ਦੌਰਾਨ ਵੇਦਾਂਤਾ ਪਾਵਰ ਟੀਐਸਪੀਐਲ ਨੇ ਕਰਮਚਾਰੀਆਂ, ਬਿਜ਼ਨਸ ਪਾਰਟਨਰ ਟੀਮਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਦੇ ਨਾਲ-ਨਾਲ ਪਲਾਂਟ ਦੇ ਸੁਚੱਜੇ ਅਤੇ ਨਿਰੰਤਰ ਸੰਚਾਲਨ ਲਈ ਵਿਸ਼ੇਸ਼ ਸੁਰੱਖਿਆ ਅਤੇ ਓਪਰੇਸ਼ਨਲ ਇੰਤਜ਼ਾਮ ਕੀਤੇ। ਕੰਮਕਾਜ ਇਸ ਤਰ੍ਹਾਂ ਸੰਭਾਲਿਆ ਗਿਆ ਕਿ ਸਿਰਫ਼ ਜ਼ਰੂਰੀ ਓਪਰੇਸ਼ਨਲ ਸਟਾਫ ਹੀ ਸਾਈਟ ‘ਤੇ ਮੌਜੂਦ ਰਹੇ। ਜਿਨ੍ਹਾਂ ਕਰਮਚਾਰੀਆਂ ਅਤੇ ਪਰਿਵਾਰਾਂ ਨੂੰ ਕਿਸੇ ਹੋਰ ਥਾਂ ਜਾਣ ਲਈ ਮਦਦ ਦੀ ਲੋੜ ਸੀ, ਉਨ੍ਹਾਂ ਲਈ ਵੀ ਸਹਾਇਤਾ ਦਾ ਪ੍ਰਬੰਧ ਕੀਤਾ ਗਿਆ।
ਇਸ ਦੇ ਨਾਲ ਹੀ ਪਲਾਂਟ ਦੀ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਬਣਾਇਆ ਗਿਆ। ਦਿਨ ਅਤੇ ਰਾਤ ਦੌਰਾਨ ਵੱਖ-ਵੱਖ ਖੇਤਰਾਂ ਵਿੱਚ ਬਲੈਕਆਉਟ ਅਭਿਆਸ, ਸੁਰੱਖਿਅਤ ਨਿਕਾਸ ਦੀ ਤਿਆਰੀ ਅਤੇ ਮੌਕ ਡ੍ਰਿਲਾਂ ਕਰਵਾਈਆਂ ਗਈਆਂ। ਕਰਮਚਾਰੀਆਂ ਨੂੰ ਐਮਰਜੈਂਸੀ ਹਾਲਾਤਾਂ ਨਾਲ ਨਜਿੱਠਣ ਅਤੇ ਸੁਰੱਖਿਅਤ ਢੰਗ ਨਾਲ ਕੰਮ ਬੰਦ ਕਰਨ ਸੰਬੰਧੀ ਵਿਸ਼ੇਸ਼ ਟ੍ਰੇਨਿੰਗ ਵੀ ਦਿੱਤੀ ਗਈ। ਇਸ ਤੋਂ ਇਲਾਵਾ, ਬਿਹਤਰ ਤਾਲਮੇਲ ਯਕੀਨੀ ਬਣਾਉਣ ਲਈ ਵਾਧੂ ਲੈਂਡਲਾਈਨ ਸਿਸਟਮ, ਐਮਰਜੈਂਸੀ ਸੰਪਰਕ ਅਤੇ ਸੰਚਾਰ ਨਾਲ ਜੁੜੇ ਹੋਰ ਲੋੜੀਂਦੇ ਪ੍ਰਬੰਧ ਵੀ ਕੀਤੇ ਗਏ।
ਇਸ ਪੂਰੀ ਕਾਰਵਾਈ ਨੂੰ ਮਾਨਸਾ ਅਤੇ ਬਠਿੰਡਾ ਜ਼ਿਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰਾਂ, ਸਥਾਨਕ ਪੁਲਿਸ ਅਧਿਕਾਰੀਆਂ ਅਤੇ ਐਮਰਜੈਂਸੀ ਸੇਵਾਵਾਂ ਸਮੇਤ ਜ਼ਿਲ੍ਹਾ ਪ੍ਰਸ਼ਾਸਨ ਦੇ ਸਹਿਯੋਗ ਨਾਲ ਹੋਰ ਮਜ਼ਬੂਤ ਬਣਾਇਆ ਗਿਆ। ਪਲਾਂਟ ਦੇ ਆਲੇ-ਦੁਆਲੇ ਪੁਲਿਸ ਪੈਟਰੋਲਿੰਗ ਵਿੱਚ ਵਾਧਾ ਕੀਤਾ ਗਿਆ, ਨੇੜਲੇ ਹਸਪਤਾਲਾਂ ਨਾਲ ਸਿਹਤ ਸੇਵਾਵਾਂ ਸੰਬੰਧੀ ਟਾਈਅੱਪ ਕੀਤੇ ਗਏ ਅਤੇ ਐਂਬੂਲੈਂਸਾਂ ਤੇ ਲੋਜਿਸਟਿਕ ਸਹੂਲਤਾਂ ਦੀ ਪੂਰੀ ਤਿਆਰੀ ਵੀ ਯਕੀਨੀ ਬਣਾਈ ਗਈ।
ਤਿਆਰੀ ਦੇ ਤਹਿਤ ਕਰਮਚਾਰੀਆਂ ਅਤੇ ਓਪਰੇਸ਼ਨਲ ਟੀਮਾਂ ਨੂੰ ਵੀ ਪੂਰੀ ਤਰ੍ਹਾਂ ਸਚੇਤ ਅਤੇ ਤਿਆਰ ਕੀਤਾ ਗਿਆ। ਉਨ੍ਹਾਂ ਨੂੰ ਐਮਰਜੈਂਸੀ ਹਾਲਾਤਾਂ ਨਾਲ ਨਜਿੱਠਣ, ਸੁਰੱਖਿਅਤ ਨਿਕਾਸ ਪ੍ਰਕਿਰਿਆ ਅਤੇ ਸਾਈਬਰ ਸੁਰੱਖਿਆ ਪ੍ਰਤੀ ਜਾਗਰੂਕ ਰਹਿਣ ਸੰਬੰਧੀ ਨਿਯਮਿਤ ਜਾਣਕਾਰੀ ਅਤੇ ਟ੍ਰੇਨਿੰਗ ਦਿੱਤੀ ਗਈ। ਇਸ ਦੇ ਨਾਲ ਹੀ ਪਲਾਂਟ ਦਾ ਸੰਚਾਲਨ ਬਿਨਾਂ ਕਿਸੇ ਰੁਕਾਵਟ ਦੇ ਜਾਰੀ ਰਹੇ, ਇਸ ਲਈ ਜ਼ਰੂਰੀ ਖਾਣ-ਪੀਣ ਅਤੇ ਕੈਂਟੀਨ ਨਾਲ ਸੰਬੰਧਿਤ ਸਮਾਨ ਪਹਿਲਾਂ ਹੀ ਪ੍ਰਚੁਰ ਮਾਤਰਾ ਵਿੱਚ ਇਕੱਠਾ ਕਰ ਲਿਆ ਗਿਆ ਸੀ।
ਜਿਵੇਂ-ਜਿਵੇਂ ਵਿਸ਼ਵ ਪੱਧਰ ‘ਤੇ ਤਣਾਅ ਵੱਧ ਰਹੇ ਹਨ, ਤਿਵੇਂ-ਤਿਵੇਂ ਜ਼ਰੂਰੀ ਬੁਨਿਆਦੀ ਢਾਂਚਿਆਂ ਦੀ ਸੁਰੱਖਿਆ ‘ਤੇ ਧਿਆਨ ਵੀ ਕੇਂਦਰਿਤ ਹੋ ਰਿਹਾ ਹੈ। ਅਜਿਹੇ ਸਮੇਂ ਵਿੱਚ ਵੇਦਾਂਤਾ ਪਾਵਰ ਦੀ ਟੀਐਸਪੀਐਲ ਦਾ ਇਹ ਤਜਰਬਾ ਦਰਸਾਉਂਦਾ ਹੈ ਕਿ ਸੰਵੇਦਨਸ਼ੀਲ ਹਾਲਾਤਾਂ ਦੌਰਾਨ ਬਿਨਾਂ ਰੁਕਾਵਟ ਸੇਵਾਵਾਂ ਜਾਰੀ ਰੱਖਣ ਲਈ ਮਜ਼ਬੂਤ ਓਪਰੇਸ਼ਨਲ ਤਿਆਰੀ, ਆਪਸੀ ਤਾਲਮੇਲ ਨਾਲ ਕੀਤਾ ਗਿਆ ਰਿਸਪਾਂਸ ਸਿਸਟਮ ਅਤੇ ਊਰਜਾ ਸੁਰੱਖਿਆ ਕਿੰਨੀ ਅਹਿਮ ਹੈ।
ਬਿਜਲੀ ਉਤਪਾਦਨ ਤੋਂ ਇਲਾਵਾ ਵੇਦਾਂਤਾ ਪਾਵਰ ਟੀਐਸਪੀਐਲ ਖੇਤਰ ਦੇ ਸਮਾਜਿਕ ਅਤੇ ਆਰਥਿਕ ਵਿਕਾਸ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾ ਰਹੀ ਹੈ। ਪਿਛਲੇ ਪੰਜ ਸਾਲਾਂ ਦੌਰਾਨ ਪਲਾਂਟ ਵੱਲੋਂ ਚਲਾਈਆਂ ਗਈਆਂ ਸਮਾਜਿਕ ਪਹਿਲਕਦਮੀਆਂ ਰਾਹੀਂ ਆਲੇ-ਦੁਆਲੇ ਦੇ ਲਗਭਗ 3 ਲੱਖ ਲੋਕਾਂ ਨੂੰ ਸਿਹਤ, ਸਿੱਖਿਆ, ਰੋਜ਼ਗਾਰ ਅਤੇ ਪਿੰਡਾਂ ਦੇ ਵਿਕਾਸ ਨਾਲ ਸੰਬੰਧਿਤ ਖੇਤਰਾਂ ਵਿੱਚ ਲਾਭ ਪ੍ਰਾਪਤ ਹੋਇਆ ਹੈ। ਇਨ੍ਹਾਂ ਯਤਨਾਂ ਨੇ ਸਥਾਨਕ ਭਾਈਚਾਰਿਆਂ ਨੂੰ ਮਜ਼ਬੂਤ ਅਤੇ ਆਤਮਨਿਰਭਰ ਬਣਾਉਣ ਵਿੱਚ ਵੀ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ।
ਵੇਦਾਂਤਾ ਪਾਵਰ ਬਾਰੇ
ਵੇਦਾਂਤਾ ਪਾਵਰ ਭਾਰਤ ਦੀਆਂ ਅਗੇਤੂ ਨਿੱਜੀ ਬਿਜਲੀ ਕੰਪਨੀਆਂ ਵਿੱਚੋਂ ਇੱਕ ਹੈ। ਕੰਪਨੀ ਦੇਸ਼ ਦੀ ਵੱਧ ਰਹੀ ਬਿਜਲੀ ਦੀ ਮੰਗ ਨੂੰ ਪੂਰਾ ਕਰਨ ਲਈ ਭਰੋਸੇਯੋਗ ਬਿਜਲੀ ਮੁਹੱਈਆ ਕਰਵਾ ਰਹੀ ਹੈ, ਜਿਸ ਨਾਲ ਘਰਾਂ, ਉਦਯੋਗਾਂ ਅਤੇ ਵਿਕਾਸ ਕਾਰਜਾਂ ਨੂੰ ਮਜ਼ਬੂਤੀ ਮਿਲਦੀ ਹੈ। ਕੰਪਨੀ ਦੀ ਕੁੱਲ ਥਰਮਲ ਪਾਵਰ ਸਮਰੱਥਾ 4,780 ਮੇਗਾਵਾਟ ਹੈ। ਵੇਦਾਂਤਾ ਪਾਵਰ ਲੰਬੇ ਸਮੇਂ ਦੇ ਸਮਝੌਤਿਆਂ ਤਹਿਤ ਦੇਸ਼ ਭਰ ਦੀਆਂ ਬਿਜਲੀ ਵੰਡ ਕੰਪਨੀਆਂ ਨੂੰ ਬਿਜਲੀ ਸਪਲਾਈ ਕਰਦੀ ਹੈ ਅਤੇ ਗ੍ਰਿਡ ਦੀ ਵੱਧ ਰਹੀ ਲੋੜ ਨੂੰ ਪੂਰਾ ਕਰਨ ਵਿੱਚ ਵੀ ਅਹਿਮ ਭੂਮਿਕਾ ਨਿਭਾ ਰਹੀ ਹੈ। ਕੰਪਨੀ ਦੇ ਮੁੱਖ ਪਾਵਰ ਪਲਾਂਟ ਪੰਜਾਬ ਦੇ ਮਾਨਸਾ ਵਿੱਚ 1,980 ਮੇਗਾਵਾਟ, ਆਂਧਰਾ ਪ੍ਰਦੇਸ਼ ਦੇ ਨੇੱਲੋਰ ਵਿੱਚ 1,000 ਮੇਗਾਵਾਟ, ਛੱਤੀਸਗੜ੍ਹ ਦੇ ਸਕਤੀ ਵਿੱਚ 1,200 ਮੇਗਾਵਾਟ ਅਤੇ ਓਡੀਸ਼ਾ ਦੇ ਝਾਰਸੁਗੁੜਾ ਵਿੱਚ 600 ਮੇਗਾਵਾਟ ਸਮਰੱਥਾ ਵਾਲੇ ਹਨ।
ਉਤਕ੍ਰਿਸ਼ਟ ਓਪਰੇਸ਼ਨ, ਆਧੁਨਿਕ ਤਕਨਾਲੋਜੀ ਅਤੇ ਸਮਰੱਥਾ ਵਧਾਉਣ ਵਾਲੀਆਂ ਪਹਿਲਕਦਮੀਆਂ ਰਾਹੀਂ ਵੇਦਾਂਤਾ ਪਾਵਰ ਭਾਰਤ ਦੀ ਊਰਜਾ ਸੁਰੱਖਿਆ ਨੂੰ ਹੋਰ ਮਜ਼ਬੂਤ ਬਣਾਉਣ ਅਤੇ ਬਿਜਲੀ ਪ੍ਰਣਾਲੀ ਨੂੰ ਸਥਿਰ ਰੱਖਣ ਵਿੱਚ ਯੋਗਦਾਨ ਪਾ ਰਹੀ ਹੈ। ਕੰਪਨੀ ਵਾਤਾਵਰਣ ਸੁਰੱਖਿਆ ਪ੍ਰਤੀ ਵੀ ਪੂਰੀ ਤਰ੍ਹਾਂ ਵਚਨਬੱਧ ਹੈ ਅਤੇ 100 ਫੀਸਦੀ ਫਲਾਈ ਐਸ਼ ਦੀ ਵਰਤੋਂ, ਬਾਇਓਮਾਸ ਕੋ-ਫਾਇਰਿੰਗ ਅਤੇ ਤਾਜ਼ੇ ਪਾਣੀ ਦੀ ਵਰਤੋਂ ਨੂੰ ਸ਼ੂਨ੍ਯ ਕਰਨ ਵਰਗੀਆਂ ਮਹੱਤਵਪੂਰਨ ਪਹਿਲਾਂ ਕਰ ਰਹੀ ਹੈ। ਇਸ ਦੇ ਨਾਲ ਹੀ, ਕੰਪਨੀ ਸਮਾਜਿਕ ਵਿਕਾਸ ਅਤੇ ਲੋਕ-ਕੇਂਦਰਿਤ ਕੰਮਕਾਜੀ ਸੰਸਕ੍ਰਿਤੀ ਰਾਹੀਂ ਸਮਾਜ ਅਤੇ ਆਪਣੇ ਸਾਰੇ ਹਿੱਸੇਦਾਰਾਂ ਲਈ ਲੰਬੇ ਸਮੇਂ ਤੱਕ ਸਕਾਰਾਤਮਕ ਯੋਗਦਾਨ ਦੇਣ ਲਈ ਵਚਨਬੱਧ ਹੈ। ਹੋਰ ਜਾਣਕਾਰੀ ਲਈ www.vedantapower.com ਵਿਜ਼ਿਟ ਕਰੋ।
-
ਵੇਦਾਂਤਾ ਪਾਵਰ ਟੀਐਸਪੀਐਲ, ਲੇਖਕ
....
...
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.