ਦੂਜਿਆਂ ਦੀਆਂ ਉਮੀਦਾਂ ਤੇ ਸਦਾ ਖਰ੍ਹੇ ਉਤਰੋ -- ਅਜੀਤ ਖੰਨਾ
——————————-
ਜ਼ਿੰਦਗੀ ਕੁਦਰਤ ਵੱਲੋਂ ਬਖਸ਼ੀ ਇਕ ਅਜਿਹੀ ਦਾਤ ਹੈ ਜੋ ਸ਼ਾਇਦ ਮੁੜ ਨਹੀਂ ਮਿਲਣੀ ਹੁੰਦੀ। ਇਸ ਵਾਸਤੇ ਸਮਾਜ ਚ ਆਪਣੀ ਛਵੀ ਇਹੋ ਜੇਹੀ ਬਣਾਵੋ ਕਿ ਲੋਕ ਅਸ਼ ਅਸ਼ ਕਰਨ। ਤੁਹਾਡੇ ਤੋਂ ਸਾਹਮਣੇ ਵਾਲਾ ਜੋ ਉਮੀਦ ਲਈ ਬੈਠਾ ਹੈ ਉਸ ਨੂੰ ਹਰ ਹਾਲ ਚ ਪੂਰਾ ਕਰਨ ਦੀ ਕੋਸ਼ਿਸ਼ ਕਰੋ।ਕਿਉਂਕਿ ਦੁਨੀਆ ਉਮੀਦਾਂ ਸਹਾਰੇ ਜਿਉਂਦੀ ਹੈ ।ਇਕ ਆਸ ਉਮੀਦ ਦੇ ਆਸਰੇ ਵਿਅਕਤੀ ਪੂਰੀ ਜ਼ਿੰਦਗੀ ਕੱਟ ਲੈਂਦਾ ਹੈ।
ਸਾਹਮਣੇ ਵਾਲੇ ਦੀਆਂ ਭਾਵਨਾਵਾਂ ਨੂੰ ਸਮਝੋ
—————————————-
ਜੇਕਰ ਕੋਈ ਵਿਅਕਤੀ ਤੁਹਾਡੇ ਕੋਲ ਇਹ ਆਸ ਲੈ ਕੇ ਆਉਂਦਾ ਹੈ ਜਾ ਤੁਹਾਡੇ ਤੋਂ ਇਹ ਉਮੀਦ ਰੱਖਦਾ ਹੈ ਕੇ ਤੁਸੀਂ ਉਸਦੀ ਆਸ ਉਮੀਦ ਪੂਰੀ ਕਰ ਸਕਦੇ ਹੋ ਤਾਂ ਤੁਸੀਂ ਆਪਣੇ ਆਪ ਨੂੰ ਖੁਸ਼ ਕਿਸਮਤ ਸਮਝੋ।ਕਿਉਂਕਿ ਉਮੀਦ ਲੈ ਕੇ ਆਉਣ ਵਾਲੇ ਵਿਅਕਤੀ ਨੂੰ ਤੁਹਾਡੇ ਚ ਕੁਛ ਨਾ ਕੁਛ ਖ਼ਾਸ ਦਿੱਸਿਆ ਹੈ ਤਾਂ ਹੀ ਉਹ ਆਪਣੀ ਉਮੀਦ ਨੂੰ ਪੂਰਾ ਕਿਤੇ ਜਾਣ ਵਾਸਤੇ ਤੁਹਾਡੇ ਕੋਲ ਆਇਆ ਹੈ। ਤੁਸੀਂ ਸਾਹਮਣੇ ਵਾਲੇ ਵਿਅਕਤੀ ਦੀਆਂ ਭਾਵਨਾਵਾਂ ਨੂੰ ਸਮਝਣ ਦੀ ਕਿਸ਼ਿਸ਼ਾ ਕਰਿਆ ਕਰੋ । ਰੱਬ ਨੇ ਤੁਹਾਨੂੰ ਉਹ ਦਾਤ ਬਖਸ਼ੀ ਹੈ ਜੋ ਆਸ ਉਮੀਦ ਲੈ ਕੇ ਆਏ ਵਿਅਕਤੀ ਚ ਨਹੀਂ ਹੈ ।
ਲੋਕ ਤੁਹਾਡੀ ਵਡਿਆਈ ਕਰਨਗੇ
—————-
ਜੇ ਤੁਸੀਂ ਕਿਸੇ ਦੀ ਉਮੀਦ ਉੱਤੇ ਖਰ੍ਹੇ ਨਹੀਂ ਉਤਰਦੇ ਤਾਂ ਉਸਦਾ ਤੁਹਾਡੇ ਤੋ ਭਰੋਸਾ ਟੁੱਟੇਗਾ ਤੇ ਨਾਲ ਹੀ ਉਸਦੀ ਆਸ ਵੀ ਟੁੱਟ ਜਾਵੇਗੀ।ਪਰ ਜੇ ਤੁਸੀਂ ਉਸਦੀ ਉਮੀਦ ਨੂੰ ਪੂਰਾ ਕਰ ਦਿੰਦੇ ਹੋ ਤਾਂ ਉਹ ਤੁਹਾਨੂੰ ਅਸੀਸਾਂ ਦੇਵੇਗਾ ਤੇ ਤੁਹਾਡਾ ਭਲਾ ਮੰਗੇਗਾ ।ਉਹ ਚਾਰ ਹੋਰਨਾਂ ਨੂੰ ਤੁਹਾਡੇ ਇਸ ਚੰਗੇ ਪੱਖ ਬਾਰੇ ਦੱਸੇਗਾ ਜਿਸ ਨਾਲ ਸਮਾਜ ਚ ਤੁਹਾਡੀ ਛਵੀ ਪਹਿਲਾਂ ਨਾਲੋਂ ਹੋਰ ਵਧੀਆ ਬਣੇਗੀ। ਲੋਕ ਤੁਹਾਡੇ ਗੁਣ ਗਾਣਗੇ।
ਕਦੇ ਕਿਸੇ ਨੂੰ ਲਾਰੇ ਚ ਨਾ ਰੱਖੋ
—————————
ਬਹੁਤ ਵਾਰੀ ਵੇਖਿਆ ਗਿਆ ਹੈ ਕੇ ਕੁੱਝ ਲੋਕ ਦੂਜਿਆਂ ਦਾ ਕੰਮ ਕਰਨ ਦੀ ਥਾਂ ਉਸ ਨੂੰ ਲਾਰੇ ਲਾਈ ਜਾਣਗੇ। ਜੋ ਇਕ ਚੰਗੀ ਆਦਤ ਨਹੀਂ ਹੈ। ਕਿਉਂਕਿ ਸਾਹਮਣੇ ਵਾਲਾ ਤੁਹਾਡੇ ਉੱਤੇ ਭਰੋਸਾ ਕਰਦਾ ਹੈ ਪਰ ਤੁਸੀਂ ਉਸਦੇ ਭਰੋਸੇ ਨੂੰ ਤੋੜ ਰਹੇ ਹੁੰਦੇ ਹੋ । ਕਦੇ ਸੋਚ ਕੇ ਦੇਖਣਾ ਜੇ ਕੋਈ ਹੋਰ ਤੁਹਾਡੇ ਨਾਲ ਇੰਝ ਕਰੇ ਜਾਂ ਤੁਹਾਨੂੰ ਲਾਰੇ ਲਾਵੇ ਜਾਂ ਤੁਹਾਡਾ ਭਰੋਸਾ ਤੋੜੇ ਤਾ ਤੁਹਾਨੂੰ ਕਿੰਝ ਲੱਗੇਗਾ ? ਸੋ ਅਗਰ ਤੁਸੀਂ ਕਿਸੇ ਦਾ ਕੋਈ ਕੰਮ ਨਹੀਂ ਕਰ ਸਕਦੇ ਤਾਂ ਉਸ ਨੂੰ ਸਾਫ਼ ਸਪਸ਼ਟ ਦੱਸ ਦੇਵੋ ਕੇ ਤੁਸੀਂ ਉਸਦਾ ਕੰਮ ਨਹੀਂ ਕਰ ਸਕਦੇ। ਪਰ ਕਦੇ ਕਿਸੇ ਨੂੰ ਲਾਰੇ ਚ ਨਾ ਰੱਖੋ।ਅਗਰ ਤੁਸੀਂ ਉਸ ਨੂੰ ਲਾਰਾ ਲਾ ਕੇ ਉਸਦਾ ਕੰਮ ਨਹੀਂ ਕਰਦੇ ਤਾਂ ਉਸਦੀ ਆਸ ਟੁੱਟ ਜਾਵੇਗੀ ।ਜਿਸ ਨਾਲ ਉਸ ਦੇ ਮਨ ਨੂੰ ਠੇਸ ਪਹੁੰਚੇਗੀ ।ਜੋ ਤੁਹਾਡੇ ਆਪਸੀ ਸੰਬੰਧਾਂ ਚ ਦੂਰੀਆਂ ਪੈਦਾ ਕਰ ਸਕਦੀ ਹੈ।ਸੋ ਕੋਸ਼ਿਸ਼ ਕਰਿਆ ਕਰੋ ਜੋ ਉਮੀਦ ਦੂਜਾ ਤੁਹਾਡੇ ਤੋਂ ਕਰਦਾ ਹੈ ਉਸ ਨੂੰ ਪੂਰਾ ਕਰਿਆ ਕਰੋ ।ਇਸ ਨਾਲ ਸਾਹਮਣੇ ਵਾਲੇ ਦੀ ਉਮੀਦ ਤਾਂ ਪੂਰੀ ਹੋਏਗੀ ਹੀ ਨਾਲ ਹੀ ਦੂਜਿਆਂ ਚ ਤੁਹਾਡੀ ਵਡਿਆਈ ਵੀ ਹੋਵੇਗੀ।
——-
ਲੈਕਚਰਾਰ ਅਜੀਤ ਖੰਨਾ
ਐੱਮ ਏ ਐੱਮ ਫਿਲ ਐੱਮਜੀਐੱਮਸੀ ਬੀ ਐਡ
ਮੋਬਾਈਲ :76967-54669
-
ਅਜੀਤ ਖੰਨਾ , ਲੈਕਚਰਾਰ
khannaajitsingh@gmail.com
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.