ਭਵਿੱਖ ਨੂੰ ਦੇਵੇ ਰਫ਼ਤਾਰ, ਪੱਤਰਕਾਰੀ ਤੇ ਜਨ ਸੰਚਾਰ
ਵਿਜੈ ਗਰਗ
ਅਜੋਕੇ ਦੌਰ ’ਚ ਕੌਣ ਨਹੀਂ ਚਾਹੁੰਦਾ ਕਿ ਉਸ ਦਾ ਭਵਿੱਖ ਸੁਨਹਿਰੀ ਹੋਵੇ? ਇਸੇ ਲਈ ਹਰ ਨੌਜਵਾਨ ਚੰਗੇ ਭਵਿੱਖ ਲਈ ਵਧੀਆ ਨੌਕਰੀ ਦੀ ਭਾਲ ’ਚ ਰਹਿੰਦਾ ਹੈ। ਜੇ ਗੱਲ ਕੁਝ ਕੁ ਸਾਲ ਪਹਿਲਾਂ ਦੀ ਕਰੀਏ ਤਾਂ ਨੌਜਵਾਨਾਂ ਕੋਲ ਚੰਗੀ ਨੌਕਰੀ ਦੇ ਕੁਝ ਕੁ ਹੀ ਸੀਮਤ ਸਾਧਨ ਮੌਜੂਦ ਸਨ ਪਰ ਅਜੋਕੇ ਸਮੇਂ ’ਚ ਇਨ੍ਹਾਂ ਸਾਧਨਾਂ ਵਿਚ ਬੜੀ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਅੱਜ ਦਾ ਨੌਜਵਾਨ ਵਰਗ ਚੰਗੇ ਭਵਿੱਖ ਲਈ ਬਹੁਤ ਸਾਰੇ ਖੇਤਰਾਂ ਨਾਲ ਸਬੰਧਿਤ ਬਦਲਾਂ ਵਿੱਚੋਂ ਆਪਣੀ ਮਰਜ਼ੀ ਅਨੁਸਾਰ ਕੋਈ ਵੀ ਬਦਲ ਚੁਣ ਸਕਦਾ ਹੈ। ਹੁਣ ਨੌਜਵਾਨ ਬਿਨਾਂ ਕਿਸੇ ਮੁਸ਼ਕਿਲ ਦੇ ਵਧੀਆ ਕਰੀਅਰ ਦੀ ਚੋਣ ਸਕਦੇ ਹਨ। ਇਨ੍ਹਾਂ ਬਦਲਾਂ ਵਿੱਚੋਂ ਹੀ ਹੈ ‘ਪੱਤਰਕਾਰੀ ਤੇ ਜਨ ਸੰਚਾਰ’ ਵਿਚ ’ਚ ਕਰੀਅਰ।
ਦਿਲਚਸਪ ਕਿੱਤਾ
ਪੱਤਰਕਾਰੀ ਦਿਲਚਸਪ ਕਿੱਤਾ ਹੈ, ਜਿਸ ’ਚ ਸਾਨੂੰ ਵੱਖ-ਵੱਖ ਲੋਕਾਂ ਨੂੰ ਮਿਲਣ ਅਤੇ ਨਵੀਆਂ-ਨਵੀਆਂ ਥਾਵਾਂ ’ਤੇ ਜਾਣ ਦਾ ਮੌਕਾ ਵੀ ਮਿਲ ਜਾਂਦਾ ਹੈ। ਤਕਨਾਲੋਜੀ ਦੀ ਵਜ੍ਹਾ ਨਾਲ ਮੀਡੀਆ ਦਾ ਸਰੂਪ ਵੀ ਬਦਲ ਰਿਹਾ ਹੈ। ਸਮਾਰਟ ਕੈਮਰੇ ਵਾਲੇ ਫੋਨ ਤੇ ਫੇਸਬੁੱਕ ਲਾਈਵ ਜਿਹੀਆਂ ਤਕਨੀਕਾਂ ਆਉਣ ਨਾਲ ਖ਼ਬਰਾਂ ਨੂੰ ਦੇਖਣਾ-ਪੜ੍ਹਨਾ ਹੁਣ ਦਿਲਚਸਪ ਹੋ ਗਿਆ ਹੈ। ਇਹ ਖ਼ਬਰਾਂ ਖ਼ੁਦ ਲੋਕਾਂ ਤੱਕ ਪਹੰੁਚ ਰਹੀਆਂ ਹਨ, ਜਿਨ੍ਹਾਂ ਨੂੰ ਅਸੀਂ ਆਪਣੀ ਰੁਚੀ ਅਨੁਸਾਰ ਪੜ੍ਹ ਅਤੇ ਵੇਖ ਸਕਦੇ ਹਾਂ। ਜੇ ਤੁਹਾਡੀ ਦਿਲਚਸਪੀ ਇਕ ਪੱਤਰਕਾਰ ਦੇ ਤੌਰ ’ਤੇ ਦੇਸ਼-ਦੁਨੀਆ ਦੀ ਘਟਨਾਵਾਂ ਨੂੰ ਪਾਠਕਾਂ-ਦਰਸ਼ਕਾਂ ਤੱਕ ਰੋਚਕ ਢੰਗ ਨਾਲ ਪਹੰੁਚਾਉਣ ’ਚ ਹੈ ਤਾਂ ਤੁਹਾਡੇ ਕੋਲ ਨਿਊ ਏਜ਼ ਜਰਨਲਿਜ਼ਮ ’ਚ ਆਪਣਾ ਹੁਨਰ ਦਿਖਾਉਣ ਦਾ ਮੌਕਾ ਹੈ।
ਨੌਕਰੀ ਦੇ ਬਹੁਤ ਸਾਰੇ ਬਦਲ
ਇਹ ਅਜਿਹਾ ਵਿਸ਼ਾਲ ਖੇਤਰ ਹੈ, ਜਿਸ ’ਚ ਨੌਕਰੀ ਦੇ ਬਹੁਤ ਸਾਰੇ ਮੌਕੇ ਹਨ। ਇਹ ਪ੍ਰੋਫੈਸ਼ਨਲ ਵਿਸ਼ਾ ਹੋਣ ਦੇ ਨਾਲ-ਨਾਲ ਅਜਿਹਾ ਖੇਤਰ ਹੈ, ਜਿਸ ਨਾਲ ਤੁਸੀਂ ਤਰੱਕੀ ਦੇ ਨਾਲ-ਨਾਲ ਵੱਖਰੀ ਪਛਾਣ ਵੀ ਬਣਾ ਸਕਦੇ ਹੋ। ਜੇ ਇਸ ਖੇਤਰ ਦੀ ਗੱਲ ਵਿਸਥਾਰ ਨਾਲ ਕਰੀਏ ਤਾਂ ਇਸ ਖੇਤਰ ’ਚ ਬਹੁਤ ਸਾਰੇ ਬਦਲ ਮੌਜੂਦ ਹਨ, ਜਿਨ੍ਹਾਂ ’ਚ ਸੁਨਹਿਰੀ ਭਵਿੱਖ ਬਣਾਇਆ ਜਾ ਸਕਦਾ ਹੈ।
ਬਣਾ ਸਕਦੇ ਹੋ ਪਛਾਣ
ਅੱਜ-ਕੱਲ੍ਹ ਕੌਣ ਨਹੀਂ ਚਾਹੁੰਦਾ ਕਿ ਉਹ ਪ੍ਰਸਿੱਧ ਹੋਵੇ? ਕੌਣ ਨਹੀਂ ਚਾਹੁੰਦਾ ਕਿ ਉਸ ਦੀ ਵੱਖਰੀ ਪਛਾਣ ਹੋਵੇ? ਤਕਨੀਕ ਦੇ ਨਾਲ ਪੱਤਰਕਾਰਤਾ ਦੀ ਸਮਝ ਰੱਖਣ ਵਾਲਿਆਂ ਲਈ ਡਿਜੀਟਲ ਮੀਡੀਆ ਤੋਂ ਇਲਾਵਾ ਰਵਾਇਤੀ ਮੀਡੀਆ ਵੀ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਪਿ੍ਰੰਟ ਮੀਡੀਆ, ਇਲੈਕਟ੍ਰਾਨਿਕ ਮੀਡੀਆ ਤੇ ਪਬਲਿਕ ਰਿਲੇਸ਼ਨ ਜਿਹੇ ਖੇਤਰਾਂ ’ਚ ਸੰਪਾਦਕ, ਰਿਪੋਰਟਰ, ਸਬ-ਐਡੀਟਰ, ਸਮਾਚਾਰ/ਫੀਚਰ ਸੰਪਾਦਕ, ਐਂਕਰ, ਪ੍ਰੋਡਿਊਸਰ, ਕਾਪੀ ਐਡੀਟਰ, ਲੋਕ ਸੰਪਰਕ ਅਫ਼ਸਰ, ਨਿਊਜ਼ ਐਂਕਰ, ਨਿਰਮਾਤਾ, ਟੀਵੀ ਹੋਸਟ, ਰੇਡੀਓ ਜੌਕੀ, ਸੋਸ਼ਲ ਮੀਡੀਆ ਮੈਨੇਜਰ, ਪ੍ਰੋਡਕਸ਼ਨ ਐਗਜ਼ੀਕਿਊਟਿਵ, ਗ੍ਰਾਫਿਕ ਡਿਜ਼ਾਈਨਰ, ਸਕਿ੍ਰਪਟ ਲੇਖਕ ਆਦਿ ਖੇਤਰ ’ਚ ਤੁਸੀਂ ਨੌਕਰੀ ਕਰ ਸਕਦੇ ਹੋ। ਇਸ ਲਈ ਪੱਤਰਕਾਰੀ ਅਤੇ ਜਨ ਸੰਚਾਰ ’ਚ ਤੁਸੀਂ ਨੌਕਰੀ ਦੇ ਨਾਲ-ਨਾਲ ਆਪਣੀ ਵੱਖਰੀ ਪਛਾਣ ਵੀ ਬਣਾ ਸਕਦੇ ਹੋ।
ਵਿਜੈ ਗਰਗ ਰਿਟਾਇਰਡ ਪ੍ਰਿੰਸੀਪਲ ਐਜੂਕੇਸ਼ਨਲ ਕਾਲਮਨਿਸਟ ਮਲੋਟ ਪੰਜਾਬ
-
ਵਿਜੈ ਗਰਗ , ਰਿਟਾਇਰਡ ਪ੍ਰਿੰਸੀਪਲ
vkmalout@gmail.com
00000000000
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.