ਚਰਨਜੀਤ ਸਿੰਘ ਵਾਲੀਆ ਦਾ ਜਨਮ 6 ਜੂਨ 1960 ਨੂੰ ਤਰਨਤਾਰਨ ਵਿਖੇ ਡਾ ਦਿਆਲ ਸਿੰਘ ਅਤੇ ਮਾਤਾ ਸੁਰਜੀਤ ਕੌਰ ਦੀ ਕੁੱਖੋਂ ਹੋਇਆ। ਉਨ੍ਹਾਂ ਨੇ ਆਪਣੀ ਮੁੱਢਲੀ ਪੜ੍ਹਾਈ ਤਰਨਤਾਰਨ ਤੋਂ ਕੀਤੀ ਅਤੇ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਪੰਜਾਬ ਐਂਡ ਸਿੰਧ ਬੈਂਕ ਫਾਈਨਾਂਸ ਕੰਪਨੀ ਵਿੱਚ ਮੈਨੇਜਰ ਦੇ ਤੌਰ ਤੇ ਕਾਫੀ ਲੰਬਾ ਸਮਾਂ ਕੰਮ ਕੀਤਾ। 1990 ਵਿਚ ਉਨ੍ਹਾਂ ਨੇ ਤੇਗ ਫਾਇਨਾਂਸ ਕੰਪਨੀ ਖੋਲ੍ਹੀ। ਇਸ ਤੋਂ ਬਾਅਦ ਉਹ ਸਿੱਖਿਆ ਦੇ ਖੇਤਰ ਵਿੱਚ ਕੁੱਦ ਪਏ ਅਤੇ ਮਾਤਾ ਸਾਹਿਬ ਕੌਰ ਨਰਸਿੰਗ ਕਾਲਜ ਦੀ ਸਥਾਪਨਾ 1998 ਵਿੱਚ ਕੀਤੀ। ਇਸਦੇ ਨਾਲ ਹੀ ਸ੍ਰੀ ਆਨੰਦਪੁਰ ਸਾਹਿਬ ਵਿਖੇ ਆਪਣੇ ਪਿਤਾ ਜੀ ਦੇ ਨਾਂ ਤੇ ਡਾ. ਦਿਆਲ ਸਿੰਘ ਮੈਮੋਰੀਅਲ ਨਰਸਿੰਗ ਕਾਲਜ 2004 ਵਿੱਚ ਖੋਲਿਆ। ਫਿਰ ਉਹ ਮਨੋਰੰਜਨ ਦੀ ਦੁਨੀਆਂ ਵਿੱਚ ਪ੍ਰਵੇਸ਼ ਕਰ ਗਏ ਜਿੱਥੇ ਉਨ੍ਹਾਂ ਤੇਗ ਪ੍ਰੋਡਕਸ਼ਨ ਬਣਾ ਕੇ 2016 ਵਿੱਚ ਫ਼ਿਲਮ "ਠੱਗ ਲਾਈਫ" ਅਤੇ "ਆਟੇ ਦੀ ਚਿੜੀ" ਬਣਾਈਆਂ।
ਉਹ ਨਰਸਿੰਗ ਟ੍ਰੇਨਿੰਗ ਇੰਸਟੀਚਿਊਟ ਐਸੋਸੀਏਸ਼ਨ ਦੇ ਫਾਊਂਡਰ ਪ੍ਰਧਾਨ 1999 ਤੋਂ ਰਹੇ। ਪ੍ਰੋਡਕਸ਼ਨ ਐਸੋਸੀਏਸ਼ਨ ਉਨ੍ਹਾਂ 2018 ਵਿੱਚ ਬਣਾਈ। ਇਸੇ ਦੌਰਾਨ 18 ਮਈ 2021 ਦੀ ਉਹ ਚੰਦਰੀ ਤੇ ਕੁਲਹਿਣੀ ਘੜੀ ਆਈ ਜਦੋਂ ਕੋਰੋਨਾ ਵਰਗੀ ਨਾ ਮੁਰਾਦ ਬਿਮਾਰੀ ਉਨ੍ਹਾਂ ਨੂੰ ਸਾਥੋਂ ਸਦਾ ਲਈ ਖੋਹ ਕੇ ਲੈ ਗਈ। ਉਹ ਜੁਆਇੰਟ ਐਸੋਸੀਏਸ਼ਨ ਆਫ ਕਾਲਿਜਿਜ਼ ਦੇ ਪੈਟਰਨ ਰਹੇ। ਨਵਾਬ ਜੱਸਾ ਸਿੰਘ ਆਹਲੂਵਾਲੀਆ ਚੈਰੀਟੇਬਲ ਟਰੱਸਟ ਉਨ੍ਹਾਂ ਖੁਦ ਤਿਆਰ ਕੀਤਾ ਅਤੇ ਉਸ ਦੇ ਫਾਊਂਡਰ ਚੇਅਰਮੈਨ ਬਣੇ। ਉਹ ਆਪਣੇ ਪਿੱਛੇ ਪਤਨੀ ਜਸਵਿੰਦਰ ਕੌਰ ਵਾਲੀਆ, ਬੇਟਾ ਤੇਗਵੀਰ ਸਿੰਘ ਵਾਲੀਆ ਤੇ ਬੇਟੀ ਜਪਨੀਤ ਕੌਰ ਵਾਲੀਆ ਛੱਡ ਗਏ ਹਨ ਜੋ ਕਿ ਉਨ੍ਹਾਂ ਦੀ ਵਿਰਾਸਤ ਨੂੰ ਸੰਭਾਲ ਰਹੇ ਹਨ।
ਅੱਜ 27 ਮਾਰਚ ਨੂੰ ਮਾਤਾ ਸਾਹਿਬ ਕੌਰ ਨਰਸਿੰਗ ਕਾਲਜ ਬਲੌਂਗੀ ਵਿਖੇ ਉਨ੍ਹਾਂ ਦੀ ਪਹਿਲੀ ਬਰਸੀ ਮੌਕੇ ਉਨ੍ਹਾਂ ਦੀ ਯਾਦ ਵਿਚ ਪਾਠ ਦੇ ਭੋਗ ਪਾਉਣ ਉਪਰੰਤ ਸ਼ਰਧਾਂਜਲੀ ਸਮਾਰੋਹ ਆਯੋਜਿਤ ਕੀਤਾ ਜਾ ਰਿਹਾ ਹੈ ਜੋ ਸਵੇਰੇ ਗਿਆਰਾਂ ਤੋਂ ਬਾਅਦ ਦੁਪਹਿਰ ਇੱਕ ਵਜੇ ਤੱਕ ਹੋਵੇਗਾ ਇਸ ਮੌਕੇ ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਦੇ ਹਜ਼ੂਰੀ ਰਾਗੀ ਜਥੇ ਕੀਰਤਨ ਕਰਨਗੇ। ਵਾਲੀਆ ਪਰਿਵਾਰ ਵੱਲੋਂ ਆਪ ਸਭ ਨੂੰ ਇਸ ਸ਼ਰਧਾਂਜਲੀ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਸੱਦਾ ਦਿੱਤਾ ਜਾ ਰਿਹਾ ਹੈ।
-
ਹਰਜਿੰਦਰ ਸਿੰਘ ਭੱਟੀ, ਲੇਖਕ
bhattimsg@gmail.com
98557 33899
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.