(ਨੈਸ਼ਨਲ ਟੇਲੈਂਟ ਸਰਚ ਪ੍ਰੀਖਿਆ) ਇਕ ਕੌਮੀ ਪੱਧਰ ਦੀ ਪ੍ਰੀਖਿਆ ਹੈ ਜੋ ਨੈਸ਼ਨਲ ਕੌਂਸਲ ਆਫ਼ ਐਜੂਕੇਸ਼ਨ ਰਿਸਰਚ ਐਂਡ ਟ੍ਰੇਨਿੰਗ ਦਿੱਲੀ ਦੁਆਰਾ ਯੋਗ ਉਮੀਦਵਾਰਾਂ ਨੂੰ ਵਜ਼ੀਫ਼ਾ ਪ੍ਰਦਾਨ ਕਰਨ ਲਈ ਲਈ ਜਾਂਦੀ ਹੈ। ਇਹ ਪ੍ਰੀਖਿਆ ਸੈਕੰਡਰੀ ਸਕੂਲ ਪੱਧਰ (ਦਸਵੀਂ ਜਮਾਤ) ਲਈ ਉੱਚ ਬੁੱਧੀ ਅਤੇ ਕੁਸ਼ਲਤਾਵਾਂ ਵਾਲੇ ਵਿਦਿਆਰਥੀਆਂ ਦੀ ਪਛਾਣ ਕਰਨ ਲਈ ਹੈI ਇਹ ਪ੍ਰੀਖਿਆ ਹਰ ਸਾਲ 2 ਪੱਧਰਾਂ 'ਤੇ ਆਯੋਜਿਤ ਕੀਤੀ ਜਾਂਦੀ ਹੈ: ਪੜਾਅ 1 (ਰਾਜ ਪੱਧਰ) ਅਤੇ ਪੜਾਅ 2 (ਰਾਸ਼ਟਰੀ ਪੱਧਰ) ਵਜ਼ੀਫ਼ਾ ਪ੍ਰੋਗਰਾਮ ਦਾ ਲਾਭ ਲੈਣ ਲਈ, ਬਿਨੈਕਾਰਾਂ ਨੂੰ ਇਮਤਿਹਾਨ ਦੇ ਦੋਵੇਂ ਪੜਾਵਾਂ ਨੂੰ ਪਾਸ ਕਰਨਾ ਜ਼ਰੂਰੀ ਹੈ।
ਹਰ ਸਾਲ ਲਗਭਗ 1,200,000 ਤੋਂ 1,400,000 ਵਿਦਿਆਰਥੀ ਪ੍ਰੀਖਿਆ ਲਈ ਆਉਂਦੇ ਹਨ, ਜਦਕਿ ਸਿਰਫ਼਼ 5000 ਵਿਦਿਆਰਥੀ ਸਟੇਜ 2 ਲਈ ਚੁਣੇ ਜਾਂਦੇ ਹਨI ਇਨ੍ਹਾਂ 5000 ਵਿਦਿਆਰਥੀਆਂ ਵਿਚੋਂ ਸਿਰਫ 2000 ਉਮੀਦਵਾਰ ਵਜ਼ੀਫ਼ੇ ਲਈ ਚੁਣੇ ਜਾਂਦੇ ਹਨ।
ਵਜ਼ੀਫ਼ਾ: ਸਿੱਖਿਆ ਦੇ ਵੱਖ ਵੱਖ ਪੜਾਵਾਂ ਲਈ ਹੇਠਾਂ ਦਿੱਤੇ ਅਨੁਸਾਰ ਦੋ ਹਜ਼ਾਰ ਸਕਾਲਰਸ਼ਿਪ ਦਿੱਤੀ ਜਾਂਦੀ ਹੈ:
ਜਮਾਤ ਗਿਆਰ੍ਹਵੀਂ ਤੇ ਬਾਰ੍ਹਵੀਂ ਜਮਾਤ ਲਈ ਪ੍ਰਤੀ ਮਹੀਨਾ 1250 / - ਰੁਪਏ ਪ੍ਰਤੀ ਵਜ਼ੀਫ਼ਾ
ਅੰਡਰ ਗ੍ਰੈਜੂਏਟ ਅਤੇ ਪੋਸਟ ਗਰੈਜੂਏਟ ਲਈ. 2000 / - ਪ੍ਰਤੀ ਮਹੀਨਾ ਵਜ਼ੀਫ਼ਾ
ਪੀ.ਐਚ.ਡੀ. ਲਈ ਸਕਾਲਰਸ਼ਿਪ ਦੀ ਮਾਤਰਾ UGC ਨਿਯਮਾਂ ਦੇ ਅਨੁਸਾਰ ਦਿੱਤਾ ਜਾਂਦਾ ਹੈ
ਐਨਟੀਐਸਈ ਪ੍ਰੀਖਿਆ ਵਿਚ ਸਾਰੇ ਵਿਦਿਆਰਥੀ ਭਾਗ ਲੈ ਸਕਦੇ ਹਨ ਜਿਹੜੇ ਹੁਣ ਸਰਕਾਰੀ/ਗੈਰ ਸਰਕਾਰੀ ਮਾਨਤਾ ਪ੍ਰਾਪਤ ਸਕੂਲ ਵਿਚ ਦਸਵੀਂ ਜਮਾਤ ਵਿਚ ਪੜ੍ਹ ਰਹੇ ਹਨ। ਇਸ ਸਾਲ ਜਿਹੜੇ ਵਿਦਿਆਰਥੀ ਓਪਨ ਸਕੂਲ ਤੋਂ ਦਸਵੀਂ ਕਲਾਸ ਵਿਚ ਪੜ੍ਹ ਰਹੇ ਹਨ ਸ਼ਰਤਾਂ ਇਹ ਹੈ ਕਿ ਉਨ੍ਹਾਂ ਦੀ ਉਮਰ 18 ਸਾਲ ਤੋ ਘੱਟ ਹੋਵੇ। ਉਹ ਵਿਦਿਆਰਥੀ ਵੀ ਹਿੱਸਾ ਲੈ ਸਕਦੇ ਹਨ, ਲਗਾਤਾਰ ਚਾਰ ਘੰਟਿਆਂ ( ਸਰੀਰਕ ਤੌਰ ਤੇ ਵਿਸ਼ੇਸ਼ ਲੋੜ ਵਾਲੇ ਵਿਦਿਆਰਥੀਆਂ ਲਈ ਅੱਧਾ ਘੰਟਾ ਵੱਧੋ ਦਿੱਤਾ ਜਾਂਦਾ ਹੈ) ਦੀ ਇਸ ਚੋਣ ਪ੍ਰੀਖਿਆ ਦੇ ਦੋ ਭਾਗ ਹੋਣਗੇ, ਜਿਸ ਵਿਚ ਪਹਿਲਾ ਭਾਗ ਮਾਨਸਿਕ ਯੋਗਤਾ ਅਤੇ ਦੂਜਾ ਭਾਗ ਵਿਸ਼ਿਆਂ ਦੀ ਯੋਗਤਾ ਨਾਲ ਸਬੰਧਿਤ ਹੋਵੇਗਾ। ਹਰ ਭਾਗ ਵਿਚ ਇਕ-ਇਕ ਨੰਬਰ ਵਾਲੇ 100 ਪ੍ਰਸ਼ਨ ਹੋਣਗੇ।
ਇਸ ਪ੍ਰੀਖਿਆ ਵਿਚ ਸਫਲ ਹੋਣ ਵਾਲੇ ਵਿਦਿਆਰਥੀਆਂ ਵਿੱਚੋਂ 15 ਫ਼ੀਸਦੀ ਅਨੁਸੂਚਿਤ ਜਾਤੀ, 7.5 ਫ਼ੀਸਦੀ ਅਨੁਸੂਚਿਤ ਕਬੀਲੇ ,27 ਫ਼ੀਸਦੀ ਦੂਜਿਆਂ ਪਛੜੀਆਂ ਸ਼੍ਰੇਣੀਆਂ ਅਤੇ 4 ਫ਼ੀਸਦੀ ਸਰੀਰਕ ਤੌਰ ਤੇ ਵਿਸ਼ੇਸ਼ ਚੁਣੌਤੀਆਂ ਵਾਲੇ ਵਿਦਿਆਰਥੀਆਂ, 10 ਫ਼ੀਸਦੀ ਈ ਡਬਲਯੂ ਐਸ ਲਈ ਇਹ ਸਕਾਲਰਸ਼ਿਪ ਰਾਖਵੀਂ ਰੱਖੀ ਗਈ ਹੈ। ਕੁੱਲ ਸੀਟਾਂ 183 ਹਨ। ਇਸ ਪ੍ਰੀਖਿਆ ਦੀ ਕੋਈ ਦਾਖ਼ਲਾ ਫੀਸ ਨਹੀਂ ਹੈ। ਪ੍ਰੀਖਿਆ 'ਚ ਨੈਗੇਟਿਵ ਮਾਰਕਿੰਗ ਵੀ ਨਹੀਂ ਕੀਤੀ ਜਾਂਦੀ। ਇਹ ਪ੍ਰੀਖਿਆ ਇਸ ਸਾਲ ਕੋਵਿਡ 19 ਕਰਕੇ 13 ਦਸੰਬਰ2020 ਵਿਚ ਹੋਵੇਗੀ।ਇਸ ਪ੍ਰੀਖਿਆ ਵਿਚੋਂ ਹਰ ਵਿਸ਼ੇ ਨੂੰ ਪਾਸ ਕਰਨ ਲਈ ਅੰਕ 40% ਜਨਰਲ ਵਰਗ ਲਈ ਅਤੇ 32% ਅਨੁਸੂਚਿਤ ਜਾਤੀ/ਅਨੁਸੂਚਿਤ ਕਬੀਲੇ/ ਸਰੀਰਕ ਤੌਰ ਵਿਸ਼ੇਸ਼ ਚੁਣੌਤੀਆ ਵਾਸਤੇ ਜ਼ਰੂਰੀ ਹਨ। ਇਸ ਪ੍ਰੀਖਿਆ ਦਾ ਮੀਡੀਅਮ ਪੰਜਾਬੀ/ਅੰਗਰੇਜ਼ੀ ਹੈ।
-
ਵਿਜੈ ਗਰਗ, ਸਾਬਕਾ ਪੀਈਐਸ-1 ਸਰਕਾਰੀ ਕੰਨਿਆ ਸਕੂਲ , ਮਲੋਟ
vkmalout@gmail.com
9023346816
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.