ਅਜਮੇਰ ਸਿੱਧੂ ਨੂੰ ਡਾ: ਜਸਵੰਤ ਸਿੰਘ ਪੁਰੇਵਾਲ ਅੰਤਰ ਰਾਸ਼ਟਰੀ ਪੁਰਸਕਾਰ 2017 ਮਿਲੇਗਾ
ਹੁਣੇ ਸੂਚਨਾ ਮਿਲੀ ਹੈ ਕਿ ਸਮਰੱਥ ਕਹਾਣੀਕਾਰ ਤੇ ਇਨਕਲਾਬੀ ਸਾਹਿੱਤ ਸੰਪਾਦਕ ਨਵਾਂ ਸ਼ਹਿਰ ਵਾਸੀ ਪਿਆਰੇ ਵੀਰ ਅਜਮੇਰ ਸਿੱਧੂ ਨੂੰ ਨਿਊਯਾਰਕ ਦੀ ਇੱਕ ਸਾਹਿੱਤਕ ਸੰਸਥਾ ਵੱਲੋਂ ਸਥਾਪਤ ਪਹਿਲਾ ਡਾ: ਜਸਵੰਤ ਸਿੰਘ ਪੁਰੇਵਾਲ ਅੰਤਰ ਰਾਸ਼ਟਰੀ ਸਾਹਿੱਤ ਪੁਰਸਕਾਰ 20-7 ਦਿੱਤਾ ਜਾਵੇਗਾ।
ਇਹ ਜਾਣਕਾਰੀ ਪੁਰਸਕਾਰ ਸਥਾਪਤ ਕਰਨ ਵਾਲੀ ਸੰਸਥਾ ਦੇ ਮੋਢੀ ਨਿਊਯਾਰਕ ਵੱਸਦੇ ਸ: ਇੰਦਰਜੀਤ ਸਿੰਘ ਪੁਰੇਵਾਲ ਦੇ ਨਿਕਟ ਸਹਿਯੋਗੀ ਸ: ਧਰਵਿੰਦਰ ਸਿੰਘ ਔਲਂਖ ਨੇ ਸਾਂਝੀ ਕਰਦਿਆਂ ਦੱਸਿਆ ਕਿ ਪੁਰਸਕਾਰ ਜੂਨ ਮਹੀਨੇ ਵਿੱਚ ਪੰਜਾਬ ਵਿੱਚ ਹੀ ਪ੍ਰਦਾਨ ਕੀਤਾ ਜਾਵੇਗਾ।
ਖੁਸ਼ੀ ਦੀ ਖ਼ਬਰ ਇਹ ਹੈ ਕਿ ਇਹ ਪੁਰਸਕਾਰ ਅੰਤਰ ਰਾਸ਼ਟਰੀ ਪੱਧਰ ਤੇ ਦਿੱਤਾ ਜਾਵੇਗਾ। ਕਿਸੇ ਵੀ ਦੇਸ਼ ਚ ਰਹਿੰਦਾ ਲੇਖਕ, ਹਰ ਵਿਧਾ ਚ ਲਿਖਣ ਵਾਲਾ ਇਸ ਪੁਰਸਕਾਰ ਲਈ ਯੋਗ ਮੰਨਿਆ ਜਾਵੇਗਾ।
ਅਜਮੇਰ ਸਿੱਧੂ ਨੇ ਪਹਿਲੇ ਕਹਾਣੀ ਸੰਗ੍ਰਹਿ ਨਚਿਕੇਤਾ ਦੀ ਮੌਤ ਨਾਲ ਪਾਠਕਾਂ ਤੇ ਗਲਪ ਆਲੋਚਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਸੀ। ਦੂਜਾ ਕਹਾਣੀ ਸੰਗ੍ਰਹਿ ਖੂਹ ਗਿੜਦਾ ਹੈ ਛਪਣ ਨਾਲ ਉਸਨੂੰ ਕੌਮੀ ਤੇ ਕੌਮਾਂਤਰੀ ਪੱਧਰ ਤੇ ਕਈ ਇਨਾਮ ਹਾਸਲ ਹੋਏ। ਸ਼ਾਇਦ ਰੰਮੀ ਮੰਨ ਜਾਏ ਵਿੱਚ ਉਸ ਦੀਆਂ ਚੋਣਵੀਆਂ ਕਹਾਣੀਆਂ ਹਨ ਅਤੇ ਵਿਦਵਾਨ ਆਲੋਚਕ ਡਾ: ਰਾਮਿੰਦਰ ਕੌਰ ਨੇ ਇਸ ਦਾ ਸੰਪਾਦਨ ਕੀਤਾ ਹੈ।
ਪੁਰਸਕਾਰ ਵਿੱਚ ਇੱਕ ਲੱਖ ਰੁਪਏ ਦੀ ਨਕਦ ਧਨ ਰਾਸ਼ੀ , ਸ਼ਲਾਘਾ ਪੱਤਰ ਤੇ ਦੋਸ਼ਾਲਾ ਸ਼ਾਮਿਲ ਹੈ।
ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ ਅਜਮੇਰ ਸਿੱਧੂ ਨੂੰ ਸਾਲ 2003 ਵਿੱਚ ਹੀ ਯੁਵਾ ਕਹਾਣੀਕਾਰ ਪੁਰਸਕਾਰ ਨਾਲ ਸਨਮਾਨਿਤ ਕਰ ਚੁਕੀ ਹੈ।
ਮੈਂ ਅਜਮੇਰ ਸਿੱਧੂ ਅਤੇ ਇਸ ਪੁਰਸਕਾਰ ਦੀ ਸੰਸਥਾਪਕ ਸੰਸਥਾ ਨੂੰ ਮੁਬਾਰਕ ਦਿੰਦਾ ਹਾਂ।
ਗੁਰਭਜਨ ਗਿੱਲ
98726 31199
-
ਗੁਰਭਜਨ ਗਿੱਲ, ਲੇਖਕ
gurbhajansinghgill@gmail.com
98726 31199
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.