ਹਰਦਮ ਮਾਨ
150 ਸੋਫੇ ਅਤੇ ਸਾਈਡ ਟੇਬਲ ਮੁਫਤ ਦੇਣ ਦਾ ਐਲਾਨ
ਸਰੀ, 22 ਦਸੰਬਰ 2019 - ਸਰੀ ਵਿਖੇ ਪੰਜਾਬੀਆਂ ਦੀ ਫਰਨੀਚਰ ਕੰਪਨੀ “ਵੈਨਗੋ” ਨੇ ਇਕ ਨਵੀਂ ਮਿਸਾਲ ਕਾਇਮ ਕਰਦਿਆਂ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਨਵੇਂ ਸਾਲ ਦੀ ਆਮਦ ਤੇ 150 ਸੋਫੇ ਅਤੇ ਸਾਈਡ ਟੇਬਲ ਗਿਫਟ ਤੌਰ 'ਤੇ ਦੇਣ ਦਾ ਐਲਾਨ ਕੀਤਾ ਹੈ। ਸਰੀ ਵਿਖੇ 19178-34 ਏ ਐਵੇਨਿਊ ਤੇ ਸਥਿਤ ਇਹ ਪ੍ਰਸਿੱਧ ਫਰਨੀਚਰ ਕੰਪਨੀ ਕੈਨੇਡਾ ਅਤੇ ਅਮਰੀਕਾ ਵਿਚ ਆਪਣਾ ਫਰਨੀਚਰ ਸਪਲਾਈ ਕਰਦੀ ਹੈ।
ਕੰਪਨੀ ਦੇ ਮਾਲਕ ਜਸਵੀਰ ਸਿੰਘ ਅਟਵਾਲ, ਸੁਖਦਿਆਲ ਸਿੰਘ ਗਿੱਲ, ਕਮਲਜੀਤ ਸਿੰਘ ਗਿੱਲ, ਜਸਵੰਤ ਸਿੰਘ ਢੀਂਡਸਾ, ਨਿਰਮਲ ਸਿੰਘ ਧਾਲੀਵਾਲ ਅਤੇ ਜੀਤ ਸਿੰਘ ਢੀਂਡਸਾ ਨੇ ਦੱਸਿਆ ਹੈ ਕਿ ਅੰਤਰਰਾਸ਼ਟਰੀ ਵਿਦਿਅਰਥੀ 2, 3, 4 ਜਨਵਰੀ 2020 ਨੂੰ “ਵੈਨਗੋ” ਦੀ ਫੈਕਟਰੀ ਵਿਖੇ ਆ ਕੇ ਇਹ ਗਿਫਟ ਪ੍ਰਾਪਤ ਕਰ ਸਕਦੇ ਹਨ। ਵਿਦਿਆਰਥੀਆਂ ਲਈ ਇਹ ਪੇਸ਼ਕਸ਼ ਕੀਤੀ ਗਈ ਹੈ ਕਿ ਜੇਕਰ ਉਨ੍ਹਾਂ ਕੋਲ ਡਲਿਵਰੀ ਲਈ ਕੋਈ ਸਾਧਨ ਨਹੀਂ ਹੈ ਤਾਂ ਉਹ ਸਰੀ, ਕਲੋਵਰਡੇਲ, ਵਾਈਟਰੌਕ, ਡੈਲਟਾ, ਲੈਂਗਲੀ ਵਿਚ ਡਲਿਵਰੀ ਵੀ ਕਰ ਦੇਣਗੇ। ਵਿਦਿਆਰਥੀਆਂ ਨੂੰ ਆਪਣਾ ਸਟੂਡੈਂਟ ਵੀਜ਼ਾ ਅਤੇ ਵਿਦਿਆਰਥੀ ਕਾਰਡ ਦਿਖਾਉਣਾ ਪਵੇਗਾ। ਇਹ ਪੇਸ਼ਕਸ਼ ਪਹਿਲਾਂ ਆਓ ਅਤੇ ਪਹਿਲਾਂ ਪਾਓ ਦੇ ਆਧਾਰ 'ਤੇ ਹੋਵੇਗੀ।