ਫੀਫਾ ਵਿਸ਼ਵ ਕੱਪ ਮੁਕਾਬਲਾ-ਅੱਜ ‘ਕਰੋ ਜਾਂ ਮਰੋ’ ਮੁਕਾਬਲਾ
ਅੱਜ ਵਿਸ਼ਵ ਪੱਧਰੀ ਬੈਲਜੀਅਮ ਟੀਮ ਨਾਲ ਭਿੜੇਗੀ ਨਿਊਜ਼ੀਲੈਂਡ ਦੀ ਟੀਮ
-ਪਿਛਲੀ ਹਾਰ ਤੋਂ ਬਾਅਦ ਜਿੱਤ ਦੇ ਇਰਾਦੇ ਨਾਲ ਉਤਰਣਗੇ ‘ਆਲ ਵਹਾਈਟਸ’ ਖਿਡਾਰੀ
-ਹਰਜਿੰਦਰ ਸਿੰਘ ਬਸਿਆਲਾ-
ਔਕਲੈਂਡ, 27 ਜੂਨ, 2026:-ਅੱਜ ਫੀਫਾ ਵਿਸ਼ਵ ਕੱਪ 2026 ਦੇ ਗਰੁੱਪ ਸਟੇਜ ਵਿੱਚ ਨਿਊਜ਼ੀਲੈਂਡ ਦਾ ਇੱਕ ਬਹੁਤ ਹੀ ਅਹਿਮ ਮੁਕਾਬਲਾ ਬੈਲਜੀਅਮ ਦੇ ਖਿਲਾਫ ਹੋਣ ਜਾ ਰਿਹਾ ਹੈ। ਇਹ ਮੈਚ ਨਿਊਜ਼ੀਲੈਂਡ ਦੇ ਤਿੰਨ ਵਜੇ ਸ਼ੁਰੂ ਹੋਵੇਗਾ ਅਤੇ ਸਟੇਡੀਅਮ ਰਹੇਗਾ ਬੀ.ਸੀ. ਪਲੇਸ ਵੈਨਕੂਵਰ (ਕੈਨੇਡਾ)
ਇਸ ਫੀਫਾ ਵਿਸ਼ਵ ਕੱਪ ਵਿੱਚ ਨਿਊਜ਼ੀਲੈਂਡ ਦੀ ਟੀਮ ਨੂੰ ਗਰੁੱਪ ‘ਜੀ’ ਵਿੱਚ ਬੈਲਜੀਅਮ, ਮਿਸਰ (ਅਤੇ ਇਰਾਨ ਵਰਗੀਆਂ ਮਜ਼ਬੂਤ ਟੀਮਾਂ ਦੇ ਨਾਲ ਰੱਖਿਆ ਗਿਆ ਹੈ। ਅੱਜ ਬੈਲਜੀਅਮ ਦੇ ਖਿਲਾਫ ਹੋਣ ਵਾਲਾ ਇਹ ਮੈਚ ਨਿਊਜ਼ੀਲੈਂਡ ਲਈ ਕਰੋ ਜਾਂ ਮਰੋ ਵਾਲੀ ਸਥਿਤੀ ਵਰਗਾ ਹੈ। ਟੀਮ ਟੂਰਨਾਮੈਂਟ ਦੇ ਅਗਲੇ ਦੌਰ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰਨ ਲਈ ਪੂਰੀ ਜੱਦੋ ਜਹਿਦ ਕਰ ਰਹੀ ਹੈ। ਬੈਲਜੀਅਮ ਦੀ ਵਿਸ਼ਵ ਪੱਧਰੀ ਟੀਮ ਨੂੰ ਟੱਕਰ ਦੇਣ ਲਈ ਨਿਊਜ਼ੀਲੈਂਡ ਦੇ ਕਪਤਾਨ ਕ੍ਰਿਸ ਵੁੱਡ ਅਤੇ ਬਾਕੀ ਖਿਡਾਰੀਆਂ ਨੂੰ ਮੈਦਾਨ ’ਤੇ ਆਪਣਾ ਸਭ ਤੋਂ ਸਰਵੋਤਮ ਪ੍ਰਦਰਸ਼ਨ ਦਿਖਾਉਣਾ ਪਵੇਗਾ। ਇਸ ਵੇਲੇ ਨਿਊਜ਼ੀਲੈਂਡ ਕੋਲ ਸਿਰਫ ਅੰਕ ਹੈ।
ਨਿਊਜ਼ੀਲੈਂਡ ਨੂੰ ਕਿਸ ਚੀਜ਼ ਦੀ ਲੋੜ ਹੈ: ਬੈਲਜੀਅਮ ਦੇ ਖਿਲਾਫ ਜਿੱਤ ‘ਆਲ ਵਹਾਈਟਸ’ (ਨਿਊਜ਼ੀਲੈਂਡ ਦੀ ਟੀਮ) ਨੂੰ 4 ਅੰਕਾਂ ’ਤੇ ਪਹੁੰਚਾ ਦੇਵੇਗੀ, ਜੋ ਲਗਭਗ ਯਕੀਨੀ ਤੌਰ ’ਤੇ ਅਗਲੇ ਰਾਊਂਡ ਆਫ਼ 32 (Round of 32) ਨਾਕਆਊਟ ਪੜਾਅ ਵਿੱਚ ਉਹਨਾਂ ਦੀ ਜਗ੍ਹਾ ਪੱਕੀ ਕਰ ਦੇਵੇਗੀ, ਚਾਹੇ ਉਹ ਗਰੁੱਪ 7 ਵਿੱਚ ਦੂਜੇ ਨੰਬਰ (runners-up) ’ਤੇ ਰਹਿਣ ਜਾਂ ਤੀਜੇ ਸਥਾਨ ’ਤੇ ਰਹਿਣ ਵਾਲੀਆਂ ਸਭ ਤੋਂ ਸਰਵੋਤਮ ਟੀਮਾਂ ਵਿੱਚੋਂ ਇੱਕ ਵਜੋਂ ਅੱਗੇ ਵਧਣ। ਨੈਟ ਮੁਤਾਬਿਕ 81% ਬੈਲਜ਼ੀਅਮ ਦੇ ਜਿੱਤਣ ਦੀ ਭਵਿੱਖਬਾਣੀ ਕੀਤੀ ਜਾ ਰਹੀ ਹੈ।
ਪਿਛਲਾ ਨਤੀਜਾ: ਨਿਊਜ਼ੀਲੈਂਡ ਦਾ ਪਿਛਲਾ ਮੁਕਾਬਲਾ 22 ਜੂਨ 2026 ਨੂੰ ਮਿਸਰ ਦੇ ਖਿਲਾਫ ਖੇਡਿਆ ਗਿਆ ਸੀ। ਮਿਸਰ ਨੇ ਨਿਊਜ਼ੀਲੈਂਡ ਨੂੰ 3–1 ਦੇ ਫਰਕ ਨਾਲ ਹਰਾਇਆ ਸੀ। ਇਸ ਰੋਮਾਂਚਕ ਮੈਚ ਦੀ ਸ਼ੁਰੂਆਤ ਨਿਊਜ਼ੀਲੈਂਡ ਲਈ ਬਹੁਤ ਸ਼ਾਨਦਾਰ ਰਹੀ ਸੀ। ਖਿਡਾਰੀ ਫਿਨ ਸਰਮੈਨ ਨੇ ਮੈਚ ਦੇ 15ਵੇਂ ਮਿੰਟ ਵਿੱਚ ਹੀ ਸ਼ਾਨਦਾਰ ਗੋਲ ਕਰਕੇ ਨਿਊਜ਼ੀਲੈਂਡ ਨੂੰ 1-0 ਦੀ ਬੜ੍ਹਤ ਦਿਵਾ ਦਿੱਤੀ ਸੀ। ਪਰ ਦੂਜੇ ਹਾਫ ਵਿੱਚ ਮਿਸਰ ਦੀ ਟੀਮ ਨੇ ਜ਼ਬਰਦਸਤ ਵਾਪਸੀ ਕੀਤੀ। ਮਿਸਰ ਵੱਲੋਂ ਮੁਸਤਫਾ ਜ਼ੀਕੋ (58ਵੇਂ ਮਿੰਟ), ਸਟਾਰ ਖਿਡਾਰੀ ਮੁਹੰਮਦ ਸਾਲਾਹ (67ਵੇਂ ਮਿੰਟ) ਅਤੇ ਟਰੇਜ਼ੇਗੁਏਟ (82ਵੇਂ ਮਿੰਟ) ਨੇ ਇੱਕ ਤੋਂ ਬਾਅਦ ਇੱਕ ਗੋਲ ਕਰਕੇ ਨਿਊਜ਼ੀਲੈਂਡ ਤੋਂ ਮੈਚ ਖੋਹ ਲਿਆ। ਇਸ ਤੋਂ ਪਹਿਲਾਂ 16 ਜੂਨ ਨੂੰ ਖੇਡੇ ਗਏ ਆਪਣੇ ਪਹਿਲੇ ਗਰੁੱਪ ਮੈਚ ਵਿੱਚ ਨਿਊਜ਼ੀਲੈਂਡ ਨੇ ਇਰਾਨ ਦੇ ਖਿਲਾਫ 2-2 ਨਾਲ ਡਰਾਅ ਖੇਡਿਆ ਸੀ। ਅੱਜ ਨਿਊਜ਼ੀਲੈਂਡ ਦੀ ਟੀਮ ਪਿਛਲੀ ਹਾਰ ਨੂੰ ਭੁੱਲ ਕੇ ਬੈਲਜੀਅਮ ਦੇ ਖਿਲਾਫ ਜਿੱਤ ਦੇ ਇਰਾਦੇ ਨਾਲ ਮੈਦਾਨ ਵਿੱਚ ਉਤਰੇਗੀ।
- Download Babushahi App
-
-
