ਮਿਸ ਪੀ ਟੀ ਸੀ ਪੰਜਾਬੀ ਕੇਸ: ਮੁਹਾਲੀ ਦੇ ਹੋਟਲ ਦਾ ਐੱਮ ਡੀ ਗ੍ਰਿਫ਼ਤਾਰ
ਮੁਹਾਲੀ, 27 ਅਪ੍ਰੈਲ, 2022: ਮੁਹਾਲੀ ਪੁਲਿਸ ਨੇ ਇੱਥੇ ਫ਼ੇਜ਼ 5 ਵਿਚ ਸਥਿਤ ਹੋਟਲ ਜੇ ਡੀ ਰੈਜ਼ੀਡੈਂਸੀ ਦੇ ਮਾਲਕ ਦਿਨੇਸ਼ ਕੁਮਾਰ ਅਰੋੜਾ ਨੂੰ ਮਿਸ ਪੀ ਟੀ ਸੀ ਪੰਜਾਬੀ ਵਿਵਾਦ ਦੇ ਮਾਮਲੇ ਵਿਚ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਕ ਕੁੜੀ ਨੇ ਦੋਸ਼ ਲਾਇਆ ਸੀ ਕਿ ਇਸ ਹੋਟਲ ਵਿਚ ਕੁੜੀਆਂ ਦਾ ਜਿਣਸੀ ਸ਼ੋਸ਼ਣ ਕੀਤਾ ਜਾਂਦਾ ਹੈ।
ਮਿਸ ਪੀ ਟੀ ਸੀ ਪੰਜਾਬੀ ਮੁਕਾਬਲੇ ਵਿਚ ਭਾਗ ਲੈਣ ਵਾਲੀਆਂ ਕੁੜੀਆਂ ਨੂੰ ਇਸ ਹੋਟਲ ਵਿਚ ਠਹਿਰਾਇਆ ਜਾਂਦਾ ਸੀ। ਕੁੜੀ ਨੇ ਦੋਸ਼ ਲਾਇਆ ਸੀ ਕਿ ਆਡੀਸ਼ਨ ਮਗਰੋਂ ਉਹਨਾਂ ਦਾ ਜਿਣਸੀ ਸ਼ੋਸ਼ਣ ਕੀਤਾ ਜਾਂਦਾ ਸੀ। ਦੋਸ਼ ਲਾਉਣ ਵਾਲੀ ਕੁੜੀ ਨੂੰ ਹਾਈਕੋਰਟ ਵੱਲੋਂ ਨਿਯੁਕਤ ਵਾਰੰਟ ਅਫ਼ਸਰ ਨੇ ਛੁਡਵਾਇਆ ਸੀ।
ਇਸ ਮਾਮਲੇ ਵਿਚ ਪੀ ਟੀ ਸੀ ਦੇ ਐੱਮ ਡੀ ਰਬਿੰਦਰ ਨਰਾਇਣ ਪਹਿਲਾਂ ਹੀ ਗ੍ਰਿਫਤਾਰ ਹਨ ਤੇ ਜੁਡੀਸ਼ੀਅਲ ਹਿਰਾਸਤ ਵਿਚ ਹਨ। ਹੋਟਲ ਮਾਲਕ ਜੋ ਮੁਹਾਲੀ ਹੋਟਲ ਤੇ ਰੈਸਟੋਰੈਂਟ ਐਸੋਸੀਏਸ਼ਨ ਦਾ ਪ੍ਰਧਾਨ ਵੀ ਹੈ, ਨੂੰ ਪੁਲਿਸ ਰਿਮਾਂਡ ’ਤੇ ਭੇਜਿਆ ਗਿਆ ਹੈ।