ਪਿੰਡਾਂ ਵਿੱਚ ਸ਼ੁਰੂ ਹੋਈਆਂ ਫ਼ਸਲ ਖਰਾਬੇ ਦੀਆਂ ਗਿਰਦੌਰੀਆਂ, ਕਿਸਾਨਾਂ ਨੂੰ ਸੁੱਖ ਦਾ ਸਾਹ
ਕਹਿੰਦੇ ਜਲਦੀ ਮਿਲੇ ਮੁਆਵਜ਼ਾ ਤਾਂ ਜ਼ੋ ਸਾਂਭ ਸਕੀਏ ਪਰਾਲੀ ਅਤੇ ਬੀਜ ਸਕੀਏ ਅਗਲੀ ਫਸਲ
ਰੋਹਿਤ ਗੁਪਤਾ
ਗੁਰਦਾਸਪੁਰ : ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਹੜਾਂ ਦੌਰਾਨ ਖਰਾਬ ਹੋਈਆਂ ਫਸਲਾਂ ਦੇ ਖਰਾਬੇ ਦੇ ਸਰਵੇ ਕਰਨ ਦੇ ਹੁਕਮਾਂ ਤੋਂ ਬਾਅਦ ਪਿੰਡਾਂ ਵਿੱਚ ਪਟਵਾਰੀ ,ਖੇਤੀਬਾੜੀ ਵਿਭਾਗ ਅਤੇ ਪੰਚਾਇਤ ਵਿਭਾਗ ਦੇ ਅਧਿਕਾਰੀ ਪਹੁੰਚਣੇ ਸ਼ੁਰੂ ਹੋ ਗਏ ਹਨ। ਕਿਸਾਨਾਂ ਨੇ ਸੁੱਖ ਦਾ ਸਾਹ ਲਿਆ ਹੈ ਤੇ ਉਮੀਦ ਵੱਜ ਗਈ ਹੈ ਕਿ ਜਲਦੀ ਹੀ ਉਹਨਾਂ ਨੂੰ ਖਰਾਬੇ ਦਾ ਮੁਆਵਜ਼ਾ ਮਿਲ ਜਾਵੇਗਾ । ਉੱਥੇ ਹੀ ਪਿੰਡ ਰਹੀਮਾਬਾਦ ਦੇ ਕਿਸਾਨਾਂ ਦਾ ਕਹਿਣਾ ਹੈ ਕਿ ਪਿੰਡ ਦੀ 80 ਫੀਸਦੀ ਫਸਲ ਬਿਲਕੁਲ ਖਰਾਬ ਹੋ ਚੁੱਕੀ ਹੈ। ਫਸਲ ਤਾਂ ਇੰਨੀ ਗੱਲ ਚੁੱਕੀ ਹੈ ਕਿ ਪਰਾਲੀ ਵੀ ਆਸਾਨੀ ਨਾਲ ਨਹੀਂ ਸਾਂਭੀ ਜਾ ਸਕਦੀ। ਹੁਣ ਇਸ ਪਰਾਲੀ ਨੂੰ ਵੀ ਸਾਂਭਣ ਲਈ ਪੈਸੇ ਖਰਚ ਕਰਨੇ ਪੈਣਗੇ ਇਸ ਲਈ ਸਰਕਾਰ ਵੱਲੋਂ ਜਲਦੀ ਤੋਂ ਜਲਦੀ ਫਸਲ ਦੇ ਖਰਾਬੇ ਦੇ ਹਿਸਾਬ ਨਾਲ ਮੁਆਵਜੇ ਵੀ ਜਾਰੀ ਕਰਦੇ ਨੇ ਚਾਹੀਦੇ ਹਨ ਤਾਂ ਜੋ ਕਿਸਾਨ ਅਗਲੀ ਫਸਲ ਬੀਜ ਕੇ ਹੜਾਂ ਕਰਨ ਡਾਵਾਂਡੋਲ ਹੋਈ ਜ਼ਿੰਦਗੀ ਨੂੰ ਮੂੜ ਜ਼ਿੰਦਗੀ ਲੀਹ ਤੇ ਲਿਆ ਸਕਣ ।