ਮਾਲੇਰਕੋਟਲਾ ਦੇ ਇਲਾਕਾ ਕਿਲ੍ਹਾ ਰਹਿਮਤਗੜ੍ਹ ਵਿਖੇ ਇਸਲਾਹੀ ਪ੍ਰੋਗਰਾਮ "ਇਸਲਾਹੇ ਮੁਆਸ਼ਰਾ" ਦੇ ਨਾਮ ਤੇ 16 ਨਵੰਬਰ ਨੂੰ
- ਪ੍ਰੋਗਰਾਮ ਵਿੱਚ ਹਿੰਦੁਸਤਾਨ ਦੇ ਮਸ਼ਹੂਰ ਆਲਿਮ ਏ ਦੀਨ ਹਜ਼ਰਤ ਮੌਲਾਨਾ ਮੁਫ਼ਤੀ ਮੁਹੰਮਦ ਖ਼ਾਲਿਦ ਸਾਹਿਬ ਕਾਸਮੀ ਮੇਰਠੀ ਸਾਹਿਬ ਤਸ਼ਰੀਫ਼ ਲਿਆਉਣਗੇ
ਮੁਹੰਮਦ ਇਸਮਾਈਲ ਏਸ਼ੀਆ
ਮਾਲੇਰਕੋਟਲਾ 12 ਨਵੰਬਰ 2024 - ਯਾਦਗਾਰ ਹਜ਼ਰਤ ਕਾਰੀ ਮੁਨੱਵਰ ਆਲਮ ਸਾਹਿਬ ( ਮਰਹੂਮ) ਸਾਬਕਾ ਇਮਾਮ ਬੜੀ ਮਸਜਿਦ ਕਿਲ੍ਹਾ ਰਹਿਮਤਗੜ੍ਹ ਵਿਖੇ ਇੱਕ ਇਸਲਾਹੀ ਪ੍ਰੋਗਰਾਮ ਇਸਲਾਹੇ ਮੁਆਸ਼ਰਾ ਦੇ ਨਾਮ ਤੇ16 ਨਵੰਬਰ ਬਾਅਦ ਨਮਾਜ਼ ਇਸ਼ਾ ਰਾਤ 7:30 ਵਜੇ ਕਰਵਾਇਆ ਜਾ ਰਿਹਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਬੰਧਕ ਮੁਫਤੀ ਮੁਹੰਮਦ ਅਸਅਦ ਸਹਿਬ ਇਮਾਮ ਅਤੇ ਖਤੀਬ ਬੜੀ ਮਸਜਿਦ ਕਿਲਾ ਰਹਿਮਤਗੜ੍ਹ ਨੇ ਦੱਸਿਆ ਕਿ ਇਸ ਪ੍ਰੋਗਰਾਮ ਵਿੱਚ ਹਿੰਦੁਸਤਾਨ ਦੇ ਮਸ਼ਹੂਰ ਆਲਿਮ ਏ ਦੀਨ ਹਜ਼ਰਤ ਮੌਲਾਨਾ ਮੁਫ਼ਤੀ ਮੁਹੰਮਦ ਖ਼ਾਲਿਦ ਸਾਹਿਬ ਕਾਸਮੀ ਮੇਰਠੀ ਸਾਹਿਬ ਤਸ਼ਰੀਫ਼ ਲਿਆ ਰਹੇ ਹਨ ਜੋਂ ਇਸ ਪ੍ਰੋਗਰਾਮ ਵਿੱਚ ਵਿਸ਼ੇਸ਼ ਤੌਰ ਤੇ ਮੌਜੂਦਾ ਸਮੇਂ ਚੱਲ ਰਹੀਆਂ ਕੁਰੀਤੀਆਂ ਨੂੰ ਲੈ ਕੇ ਆਪਣੇ ਇਸਲਾਹੀ ਬਿਆਨ ਨਾਲ ਖਿਤਾਬ ਫਰਮਾਉਣਗੇ। ਦੱਸਣਾ ਬਣਦਾ ਹੈ ਕਿ ਕਾਰੀ ਮੁਨੱਵਰ ਆਲਮ ਮਰਹੂਮ ਸਾਹਿਬ ਵੱਲੋਂ ਆਪਣੇ ਜ਼ਿੰਦਗੀ ਦੇ ਦੌਰਾਨ ਅਕਸਰ ਇਸ਼ਲਾਹੇ ਮੁਆਸ਼ਰਾ ਦੇ ਨਾਮ ਤੇ ਪ੍ਰੋਗਰਾਮਾਂ ਦਾ ਆਯੋਜਨ ਕੀਤਾ ਜਾਂਦਾ ਸੀ ਉਹਨਾਂ ਦੀ ਯਾਦ ਨੂੰ ਮੁੱਖ ਰੱਖ ਕੇ ਹੀ ਇਹ ਪ੍ਰੋਗਰਾਮ ਉਲੀਕਿਆ ਗਿਆ ਹੈ।