ਸਿੱਖਿਆ ਵਿਭਾਗ ਮਨਿਸਟਰੀਅਲ ਸਟਾਰ ਯੂਨੀਅਨ ਦੀ 16 ਦੀ ਰੈਲੀ ਦੀਆਂ ਤਆਰੀਆਂ ਸਬੰਧੀ ਮੀਟਿੰਗ ਲੁਧਿਆਣਾ ਤੋਂ ਵੱਡੀ ਗਿਣਤੀ ਵਿੱਚ ਮਨਿਸਟਰੀਅਲ ਕਾਮੇ ਡੇਰਾ ਬਾਬਾ ਨਾਨਕ ਵਿਖੇ ਜਾਣਗੇ: ਪ੍ਰਧਾਨ ਖੱਟੜਾ
ਰਵਿੰਦਰ ਸਿੰਘ ਢਿੱਲੋਂ
ਖੰਨਾ, 12 ਨਵੰਬਰ 2024 - ਮਨਿਸਟਰੀਅਲ ਸਟਾਰ ਐਸੋਸੀਏਸ਼ਨ ਸਿੱਖਿਆ ਵਿਭਾਗ ਪੰਜਾਬ ਦੀ ਜ਼ਿਲ੍ਹਾ ਲੁਧਿਆਣਾ ਦੇ ਸਮੂਹ ਮਨਿਸਟਰੀਅਲ ਕਾਮਿਆ ਦੀ ਮੀਟਿੰਗ ਸੂਬਾ ਜਨਰਲ ਸਕੱਤਰ/ ਜ਼ਿਲ੍ਹਾ ਪ੍ਰਧਾਨ ਗੁਰਪ੍ਰੀਤ ਸਿੰਘ ਖੱਟੜਾ ਅਤੇ ਜ਼ਿਲ੍ਹਾ ਜਨਰਲ ਸਕੱਤਰ ਸਤਪਾਲ ਦੀ ਅਗਵਾਈ ਹੇਠ ਹੋਈ। ਜਿਸ ਵਿੱਚ ਸੂਬਾ ਪ੍ਰਧਾਨ ਸਰਬਜੀਤ ਸਿੰਘ ਡਿਗਰਾ ਵੱਲੋਂ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ ਗਈ। ਮੀਟਿੰਗ ਵਿੱਚ ਤਹਿਸੀਲ ਪ੍ਰਧਾਨ ਤੇ ਜਰਨਲ ਸਕੱਤਰ ਹਾਜ਼ਰ ਸਮੇਤ ਯੂਨੀਅਨ ਦੇ ਪੁਰਾਣੇ ਸਾਥੀਆ ਨੇ ਸ਼ਮੂਲੀਅਤ ਕੀਤੀ। ਸਭ ਤੋਂ ਯੂਨੀਅਨ ਦੇ ਆਗੂਆਂ ਵੱਲੋਂ ਮਨਿਸਟਰੀਅਲ ਕਾਮਿਆਂ ਨੂੰ ਆ ਰਹੀਆਂ ਸਮੱਸਿਆਵਾਂ ਅਤੇ ਯੂਨੀਅਨ ਦੀਆਂ ਮੁੱਖ ਮੰਗਾ ਸਟੇਟ ਕਮੇਟੀ ਦੇ ਧਿਆਨ ਵਿੱਚ ਲਿਆਂਦੀਆਂ ਗਈਆਂ। ਜਿਨ੍ਹਾਂ ਨੂੰ ਸੂਬਾ ਪ੍ਰਧਾਨ ਸਰਬਜੀਤ ਸਿੰਘ ਡਿਗਰਾ ਅਤੇ ਸੂਬਾ ਜਨਰਲ ਸਕੱਤਰ ਗੁਰਪ੍ਰੀਤ ਸਿੰਘ ਖੱਟੜਾ ਵੱਲੋਂ ਜਲਦੀ ਤੋਂ ਜਲਦੀ ਹੱਲ ਕਰਵਾਉਣ ਦਾ ਭਰੋਸਾ ਦਿੱਤਾ ਗਿਆ।
ਇਸ ਮੌਕੇ ਜ਼ਿਲ੍ਹਾ ਬਾਡੀ ਲੁਧਿਆਣਾ ਵੱਲੋਂ ਮਿਤੀ 16 ਨਵੰਬਰ ਨੂੰ ਕੀਤੀ ਜ ਰਹੀ ਰੋਸ ਰੈਲੀ ਵਿੱਚ ਲੁਧਿਆਣਾ ਜ਼ਿਲ੍ਹੇ ਤੋਂ ਵੱਧ ਤੋਂ ਵੱਧ ਸਾਥੀਆਂ ਦੇ ਪਹੁੰਚਣ ਦਾ ਭਰੋਸਾ ਵੀ ਦਿਵਾਇਆ। ਇਸ ਤੋਂ ਬਾਅਦ ਜ਼ਿਲ੍ਹਾ ਲੁਧਿਆਣਾ ਦੇ ਸਿੱਖਿਆ ਵਿਭਾਗ ਦੇ ਮਨਿਸਟਰੀਆਂ ਕਾਮਿਆਂ ਦੀ ਜ਼ਿਲ੍ਹਾ ਬਾਡੀ ਦਾ ਵੀ ਗਠਨ ਕੀਤਾ ਗਿਆ। ਜਿਸ ਵਿੱਚ ਚੇਅਰਮੈਨ ਪਰਮਜੀਤ ਸਿੰਘ ,ਸਰਪ੍ਰਸਤ ਨਰਿੰਦਰ ਪਾਲ ਸ਼ਰਮਾ, ਵਿੱਤ ਸਕੱਤਰ ਪ੍ਰਤਾਪ ਇੰਦਰ ਵੀਰ ਸਿੰਘ, ਸੀਨੀ ਮੀਤ ਪ੍ਰਧਾਨ ਗੁਰਦੀਪ ਸਿੰਘ ਜਗਰਾਉਂ, ਪਰਮਿੰਦਰ ਸਿੰਘ ਸਮੀਟਰੀ ਰੋਡ ਮੀਤ ਪ੍ਰਧਾਨ ਹਰਅਮਰਦੀਪ ਸਿੰਘ, ਮੁੱਖ ਸਲਾਹਕਾਰ ਮਹਿੰਦਰ ਸਿੰਘ ,ਪਰੇਮਜੀਤ ਸਿੰਘ ,.ਸਲਾਹਕਾਰ ਅਮਰਜੀਤ ਸਿੰਘ ,ਪ੍ਰੈੱਸ ਸਕੱਤਰ ਗੁਰਪ੍ਰੀਤ ਸਿੰਘ ਲਹਿਲ,ਸੋਸ਼ਲ ਮੀਡੀਆ ਇੰਚਾਰਜ ਪਰਮਿੰਦਰ ਪਾਲ ਪ੍ਰੈਸ਼ਰ, ਗੁਰਵਿੰਦਰ ਸਿੰਘ ਭੰਗੂ,ਜਗਦੀਪ ਸਿੰਘ ਗੋਲਡੀ,ਸਿਮਰਨ ਲਲਹੇੜੀ,ਗੌਤਮ ਆਲਮਗੀਰ,ਕਮਲਜੀਤ ਸਿੰਘ ਰਾਏਕੋਟ,ਜਗਰੂਪ ਸਿੰਘ ਕਮਾਲਪੁਰਾ,ਗੁਰਬੀਰ ਸਿੰਘ ਮੈਂਬਰ ਚੁਣੇ ਗਏ।
ਇਸ ਤੋ ਇਲਾਵਾ ਉਹਨਾਂ ਵੱਲੋਂ ਜ਼ਿਲ੍ਹਾ ਇਕਾਈ ਦਾ ਇਸਤਰੀ ਵਿੰਗ ਵੀ ਚੁਣਿਆ ਗਿਆ,ਜਿਸ ਵਿੱਚ ਸਵਤਿਾ ਜੀ ਨੂੰ ਪ੍ਰਧਾਨ ਕਮਲਜੀਤ ਕੌਰ ਜਨਰਲ ਸਕੱਤਰ ਰੇਨੂੰ ਮੀਤ ਪ੍ਰਧਾਨ ਅਤੇ ਪਾਰੂਲ, ਮਨੀ ਸੇਠੀ, ਅਮਤਿੋਜ ਕੌਰ ,ਜਸਪ੍ਰੀਤ ਕੌਰ ਕਮਲਜੀਤ ਕੌਰ.ਸ਼ੈਲੀ ਮੈਂਬਰ ਚੁਣੇ ਗਏ।ਇਸ ਮੌਕੇ ਤਹਿਸੀਲ ਪ੍ਰਧਾਨ ਹਰਪਾਲ ਸਿੰਘ ਭੂੰਦੜੀ,ਤਹਿਸੀਲ ਪ੍ਰਧਾਨ ਜਸਪਾਲ ਸਿੰਘ ਪਾਇਲ,ਰਵਿੰਦਰ ਸਿੰਘ ਰਾਏਕੋਟ,ਅਮਨ ਖੰਨਾ,ਗੁਰਮੀਤ ਸਿੰਘ ਰਾਜਗੜ੍ਹ,ਅਮਨਦੀਪ ਸਿੰਘ ਦੋਰਾਹਾ,ਅਮਨਇੰਦਰ ਸਿੰਘ ਘੁਡਾਣੀ,ਰਵਿੰਦਰ ਸਿੰਘ ਦੋਰਾਹਾ,ਰਾਜ ਕੁਮਾਰ ਸਾਹਨੇਵਾਲ,ਸੁਖਵੀਰ ਸਿੰਘ ਲਾਪਰਾਂ,ਦੀਪ ਸੋਈਆਂ, ਦਿਲਸ਼ਾਦ ਗਰੇਵਾਲ ਆਦਿ ਸੈਂਕੜੇ ਸਾਥੀ ਹਾਜ਼ਰ ਹੋਏ।