ਅੱਧਾ ਕਿਲੋ ਅਫੀਮ ਸਮੇਤ ਇੱਕ ਕਾਰ ਸਵਾਰ ਗ੍ਰਿਫਤਾਰ
ਰੋਹਿਤ ਗੁਪਤਾ
ਗੁਰਦਾਸਪੁਰ 28 ਜੂਨ 2024 - ਐਸ.ਐਸ.ਪੀ. ਗੁਰਦਾਸਪੁਰ ਦਾਅਮਾ ਹਰੀਸ਼ ਕੁਮਾਰ ਦੇ ਦਿਸ਼ਾ ਨਿਰਦੇਸ਼ਾ ਤਹਿਤ ਵਿੱਡੀ ਗਈ ਡਰੱਗ ਖਿਲਾਫ ਸਪੈਸ਼ਲ ਮੁਹਿੰਮ ਤਹਿਤ ਸ੍ਰੀ ਰਾਜਬੀਰ ਸਿੰਘ ਡੀ.ਐਸ.ਪੀ ਦਿਹਾਤੀ ਅਤੇ ਮੁੱਖ ਅਫਸਰ ਥਾਣਾ ਕਾਹਨੂੰਵਾਨ ਸਾਹਿਲ ਪਠਾਨੀਆ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਥਾਣਾ ਕਾਹਨੂੰਵਾਨ ਦੀ ਪੁਲਿਸ ਪਾਰਟੀ ਸਮੇਤ ਏਐਸਆਈ ਰਸ਼ਪਾਲ ਸਿੰਘ ਅੱਡਾ ਤੁਗਲਵਾਲ ਨਾਕਾਬੰਦੀ ਦੌਰਾਨੇ ਵਹੀਕਲਾਂ ਦੀ ਚੈਕਿੰਗ ਕਰ ਰਹੇ ਸੀ ਤਾਂ ਹਰਚੋਵਾਲ ਸਾਇਡ ਤੋ ਇਕ ਕਾਰ ਨੰਬਰੀ PB-06-BF-4092 ਮਾਰਕਾ ਸਲੈਰੀਓ ਆਈ ਜਿਸ ਨੂੰ ਰੋਕ ਕੇ ਉਸ ਦੇ ਡਰਾਇਵਰ ਦਾ ਨਾਮ ਪਤਾ ਪੁੱਛਿਆ ਜਿਸ ਨੇ ਆਪਣਾ ਨਾਮ ਲਖਵਿੰਦਰ ਸਿੰਘ ਉਰਫ ਸੋਨੂੰ ਪੁੱਤਰ ਅਵਤਾਰ ਸਿੰਘ ਵਾਸੀ ਭੈਣੀ ਬਾਂਗਰ ਥਾਣਾ ਕਾਦੀਆ ਦੱਸਿਆ। ਜਿਸ ਦੀ ਕਾਰ ਦੀ ਤਲਾਸ਼ੀ ਕਰਨ ਤੇ ਉਸ ਵਿੱਚੋ 500 ਗ੍ਰਾਮ ਅਫੀਮ ਬਰਾਮਦ ਹੋਈ। ਬਰਾਮਦ ਅਫੀਮ ਅਤੇ ਕਾਰ ਨੂੰ ਕਬਜਾ ਪੁਲਿਸ ਵਿੱਚ ਲੈ ਕੇ ਮੁਕਦਮਾ ਨੰਬਰ 33 ਮਿਤੀ 28.06.2024 ਜੁਰਮ 18/25-61-85 NDPS Act ਥਾਣਾ ਕਾਹਨੂੰਵਾਨ ਦਰਜ ਰਜਿਸਟਰ ਕੀਤਾ ਗਿਆ ਅਤੇ ਦੋਸੀ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਐਸਐਚ ਓ ਥਾਣਾ ਕਾਹਨੂੰਵਾਨ ਬਲਜਿੰਦਰ ਸਿੰਘ ਨੇ ਦੱਸਿਆ ਕਿ ਗਿਰਫਤਾਰ ਵਿਅਕਤੀ ਨੂੰ ਸਵੇਰੇ ਅਦਾਲਤ ਵਿੱਚ ਪੇਸ਼ ਕਰਕੇ ਉਸ ਦਾ ਰਿਮਾਂਡ ਹਾਸਲ ਕੀਤਾ ਜਾਵੇਗਾ । ਉਸ ਕੋਲੋਂ ਅਜੇ ਵੀ ਸਖਤੀ ਨਾਲ ਪੁਛ ਗਿੱਛ ਕੀਤੀ ਜਾ ਰਹੀ ਹੈ ਅਤੇ ਰਿਮਾਂਡ ਹਾਸਲ ਹੋਣ ਤੋਂ ਬਾਅਦ ਪੁਛ ਗਿੱਛ ਦੋਰਾਨ ਹੋਰ ਵੀ ਰਿਕਵਰੀ ਹੋਣ ਦੀ ਸੰਭਾਵਨਾ ਹੈ।