ਭਾਖੜਾ ਨਹਿਰ ਵਿੱਚੋ ਅਣਪਛਾਤੀ ਲੜਕੀ ਦੀ ਲਾਸ਼ ਬਰਾਮਦ
ਦਰਸ਼ਨ ਸਿੰਘ ਗਰੇਵਾਲ
ਰੂਪਨਗਰ 28 ਜੂਨ 2024: ਰੂਪਨਗਰ ਸ਼ਹਿਰ ਦੇ ਨੇੜਿਓਂ ਲੰਘਦੀ ਭਾਖੜਾ ਨਹਿਰ ਵਿੱਚੋ ਪਿੰਡ ਫੂਲਪੁਰ ਗਰੇਵਾਲ ਨੇੜਿਓਂ ਇੱਕ ਅਣਪਛਾਤੀ ਲੜਕੀ ਦੀ ਲਾਸ਼ ਬਰਾਮਦ ਹੋਈ ਹੈ। ਇਸ ਸਬੰਧੀ ਮੌਕੇ ਤੇ ਹਾਜਰ ਥਾਣਾ ਸਿਟੀ ਰੂਪਨਗਰ ਦੇ ਮੁਲਾਜ਼ਮਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸੂਚਨਾ ਪ੍ਰਾਪਤ ਹੋਈ ਸੀ ਕਿ ਇੱਕ ਅਣਪਛਾਤੀ ਲੜਕੀ ਦੀ ਲਾਸ਼ ਭਾਖੜਾ ਨਹਿਰ ਵਿੱਚ ਤੈਰਦੀ ਵੇਖੀ ਗਈ ਹੈ।
ਉਨ੍ਹਾਂ ਮੌਕੇ ਉਤੇ ਗੋਤਾਖੋਰਾਂ ਦੀ ਮੱਦਦ ਨਾਲ ਲਾਸ਼ ਨਹਿਰ ਤੋਂ ਬਾਹਰ ਕੱਢ ਲਈ ਗਈ ਹੈ। ਲੜਕੀ ਦੀ ਲਾਸ਼ ਜਿਸ ਦੀ ਉਮਰ ਲੱਗਭਗ 20/25 ਸਾਲ ਦੇ ਕਰੀਬ ਲਗਦੀ ਹੈ। ਲੜਕੀ ਨੇ ਨੀਲੇ ਰੰਗ ਦੀ ਪੈਂਟ,ਚਿੱਟੀ ਕਮੀਜ਼ ਅਤੇ ਗੁਲਾਬੀ ਤੇ ਚਿੱਟੇ ਰੰਗ ਦੇ ਬੂਟ ਪਹਿਨੇ ਹੋਏ ਹਨ । ਲਾਸ਼ ਨੂੰ ਸਰਕਾਰੀ ਹਸਪਤਾਲ ਰੂਪਨਗਰ ਦੇ ਮੁਰਦਾ ਘਰ ਵਿੱਚ ਅਗਲੇ 72 ਘੰਟਿਆਂ ਲਈ ਰੱਖਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਕੋਈ ਇਸ ਲੜਕੀ ਨੂੰ ਪਹਿਚਾਣਦਾ ਹੈ ਤਾਂ ਇਸ ਸਬੰਧੀ ਸਿਟੀ ਥਾਣਾ ਰੂਪਨਗਰ ਵਿਖੇ ਸੂਚਨਾ ਦੇ ਸਕਦਾ ਹੈ ।