ਸ਼ਰਾਬੀ ਹਾਲਤ ਚ ਬੱਸ ਦੇ ਇੰਜਣ 'ਤੇ ਸੁੱਤਾ ਬੱਸ ਦਾ ਡਰਾਈਵਰ, ਸਵਾਰੀ ਨੇ ਚਲਾਈ ਬੱਸ, ਸੋਸ਼ਲ ਮੀਡੀਆ 'ਤੇ ਵੀਡੀਓ ਵਾਇਰਲ
ਗੁਰਪ੍ਰੀਤ ਸਿੰਘ
- ਦੇਖੋ ਪੰਜਾਬ ਰੋਡਵੇਜ਼ ਦੇ ਡਰਾਈਵਰ ਦਾ ਕਾਰਨਾਮਾ
- ਸ਼ਰਾਬੀ ਹਾਲਤ ਚ ਅੰਮ੍ਰਿਤਸਰ ਤੋਂ 50 ਤੋਂ ਵੱਧ ਸਵਾਰੀਆਂ ਲੈ ਕੇ ਚੰਡੀਗੜ੍ਹ ਲਈ ਹੋਇਆ ਰਵਾਨਾ
- ਸ਼ਰਾਬੀ ਡਰਾਈਵਰ ਦੇ ਹਾਲਾਤ ਦੇਖ ਸਵਾਰੀਆਂ ਦੇ ਉੱਡੇ ਹੋਸ਼
- ਅਖੀਰ ਇੱਕ ਸਵਾਰੀ ਨੇ ਹੀ ਬਸ ਚਲਾਣਾ ਸਮਝਿਆ ਮੁਨਾਸਿਬ
- ਸਵਾਰੀਆਂ ਨੇ ਅੱਧ ਰਸਤੇ ਹੀ ਰੁਕਵਾਈ ਬੱਸ
- ਡਰਾਈਵਰ ਬੇਸੁੱਧ ਇੰਜਨ ਤੇ ਰਿਹਾ ਸੁੱਤਾ
- ਸਵਾਰੀਆਂ ਵਲੋਂ ਬਣਾਈ ਵੀਡੀਓ ਹੋਈ ਵਾਇਰਲ
- ਸਵਾਰੀਆਂ ਵੱਲੋਂ ਡਰਾਈਵਰ ਨੂੰ ਟੋਕਣ 'ਤੇ ਡਰਾਈਵਰ ਨੇ ਕਿਹਾ ਬੁਰਾ ਭਲਾ
ਅੰਮ੍ਰਿਤਸਰ, 16 ਜੁਲਾਈ 2024 - ਮੀਡੀਆ ਤੇ ਕੁਝ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਜਿਸ ਦੇ ਵਿੱਚ ਅੰਮ੍ਰਿਤਸਰ ਤੋਂ ਚੰਡੀਗੜ੍ਹ ਜਾ ਰਹੀ ਬੱਸ ਡਰਾਈਵਰ ਜੋ ਕਿ ਸ਼ਰਾਬੀ ਹਾਲਤ ਵਿੱਚ ਬੱਸ ਦੇ ਅੰਦਰ ਹੀ ਸੁੱਤਾ ਦਿਖਾਈ ਦੇ ਰਿਹਾ ਤੇ ਇੱਕ ਸਵਾਰੀ ਵੱਲੋਂ ਹੀ ਬੱਸ ਨੂੰ ਚਲਾਇਆ ਜਾ ਰਿਹਾ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਯਾਦ ਹ ਕਰੀਬ ਸਵਾਰੀਆਂ ਲੈ ਕੇ ਅੰਮ੍ਰਿਤਸਰ ਤੋਂ ਚੰਡੀਗੜ੍ਹ ਨੂੰ ਪੰਜਾਬ ਰੋਡਵੇਜ਼ ਦੀ ਬੱਸ ਰਵਾਨਾ ਹੋਈ ਲੇਕਿਨ ਡਰਾਈਵਰ ਸ਼ਰਾਬੀ ਹਾਲਤ ਚ ਸੀ ਅਤੇ ਉਸਨੂੰ ਜਦੋਂ ਨਸ਼ਾ ਜਿਆਦਾ ਹੋ ਗਿਆ ਤੇ ਉਹ ਬੱਸ ਚਲਾਣ ਵਿੱਚ ਅਸਮਰਥ ਸੀ ਜਿਸ ਤੋਂ ਬਾਅਦ ਬੱਸ ਡਰਾਈਵਰ ਬੱਸ ਵਿੱਚ ਹੀ ਸੋ ਗਿਆ ਅਤੇ ਬੱਸ ਦੇ ਵਿੱਚੋਂ ਹੀ ਇੱਕ ਸਵਾਰੀ ਵੱਲੋਂ ਬੱਸ ਨੂੰ ਚਲਾ ਕੇ ਚੰਡੀਗੜ੍ਹ ਤੱਕ ਲਿਜਾਇਆ ਗਿਆ ਅਤੇ ਡਰਾਈਵਰ ਬੇਸੁੱਧ ਬੱਸ ਦੇ ਅੰਦਰ ਇੰਜਨ ਦੇ ਉੱਪਰ ਹੀ ਸੁੱਤਾ ਰਿਹਾ।
ਜਿਸ ਤੋਂ ਬਾਅਦ ਸਵਾਰੀਆਂ ਵੱਲੋਂ ਹੀ ਇਹ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ ਦੇ ਉੱਪਰ ਵਾਇਰਲ ਕੀਤੀ ਗਈ। ਫਿਲਹਾਲ ਇਸ ਮਾਮਲੇ ਤੇ ਕਿਸੇ ਵੀ ਅਧਿਕਾਰੀ ਦੀ ਕੋਈ ਪੁਸ਼ਟੀ ਨਹੀਂ ਆਈ ਲੇਕਿਨ ਇਹ ਵੀਡੀਓ ਸੋਸ਼ਲ ਮੀਡੀਆ ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।