ਪੰਜਾਬ ਵਿਧਾਨਸਭਾ ਚੋਣਾਂ ਦੌਰਾਨ 13 ਡਾਕਟਰਾਂ ਦਾ ਚੁਣਿਆ ਜਾਣਾ ਇਤਿਹਾਸਕ ਘੜੀ - ਡਾਕਟਰ ਜਿੰਦਲ
ਹਰੀਸ਼ ਕਾਲੜਾ
ਰੂਪਨਗਰ,13 ਮਾਰਚ 2022:ਪੰਜਾਬ ਅਸੈਂਬਲੀ ਚੋਣਾਂ ਵਿਚ ਵੱਖ-ਵੱਖ ਸਿਆਸੀ ਪਾਰਟੀਆਂ ਦੇ 13 ਡਾਕਟਰਾਂ ਦਾ ਚੁਣਿਆ ਜਾਣਾ ਵਿਸ਼ੇਸ਼ ਮਾਣ ਵਾਲੀ ਗਲ ਹੈ।ਇਹ ਪ੍ਰਗਟਾਵਾ ਅੱਜ ਇਥੇ ਡਾਕਟਰ ਅਜੈ ਜਿੰਦਲ ਪ੍ਰਧਾਨ ਜਿਲਾ ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਨੇ ਕਰਦਿਆਂ ਕਿਹਾ ਕਿ ਇਹ ੳਮੀਦ ਹੈ ਕਿ ਇਹ ਸਾਰੇ ਚੁਣੇ ਗਏ ਡਾਕਟਰ ਜੋ ਕਿ ਵੱਖ-ਵੱਖ ਪਾਰਟੀਆਂ ਨਾਲ ਜੁੜੇ ਹੋਏ ਹਨ, ਤੇ ਕਈ ਤਾਂ ਪੀ.ਜੀ.ਆਈ ਵਰਗੇ ਸੰਸਥਾਨ ਤੋਂ ਸਿਖਿਆ ਪ੍ਰਾਪਤ ਹਨ ,ਆਪਣੇ-ਆਪਣੇ ਖੇਤਰ ਦੇ ਲੋੜਵੰਦ ਲੋਕਾਂ ਦੀਆਂ ਮੁਸ਼ਕਲਾਂ ਦਾ ਹਲ ਕਰਨ ਦੀ ਹਰ ਸੰਭਵ ਕੋਸ਼ਿਸ਼ ਕਰਨਗੇ।ਉਨਾਂ ਇਹ ਵੀ ੳਮੀਦ ਜਤਾਈ ਕਿ ਇਹ ਨਵੀਂ ਚੁਣੀ ਡਾਕਟਰਾਂ ਦੀ ਟੀਮ, ਡਾਕਟਰਾਂ ਨਾਲ ਸਬੰਧ ਰਖਦੀਆਂ ਕਈ ਸਮਸਿਆਵਾਂ ਬਹੁਤ ਦੇਰ ਤੋਂ ਲੰਬਿਤ ਪਈਆਂ ਹਨ, ਵਲ ਵੀ ਵਿਸ਼ੇਸ਼ ਧਿਆਨ ਦੇ ਕੇ ਹਲ ਕਰਵਾਉਣਗੇ।ਡਾਕਟਰ ਜਿੰਦਲ ਨੇ ਇਹ ਵੀ ਉਮੀਦ ਜਤਾਈ ਕਿ ਚੁਣੇ ਹੋਏ ਡਾਕਟਰ ਰਾਜਨੀਤੀ ਵਿਚ ਵਿਸ਼ੇਸ਼ ਯੋਗਦਾਨ ਪਾਉਣਗੇ ਤੇ ਸੂਬੇ ਦੀ ਰਾਜਨੀਤੀ ਨੂੰ ਇਕ ਨਵੀਂ ਦਿਸ਼ਾ ਪ੍ਰਦਾਨ ਕਰਨਗੇ।