ਪਹਿਲਗਾਮ ਹਮਲਾ Update : ਚਸ਼ਮਦੀਦ ਗਵਾਹ ਨੇ ਕੀਤਾ ਵੱਡਾ ਖੁਲਾਸਾ
ਨਵੀਂ ਦਿੱਲੀ, 16 ਜੁਲਾਈ 2025 : 22 ਅਪਰੈਲ ਨੂੰ ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਵਿੱਚ ਹੋਏ ਭਿਆਨਕ ਅੱਤਵਾਦੀ ਹਮਲੇ, ਜਿਸ ਵਿੱਚ 26 ਮਾਸੂਮ ਲੋਕਾਂ ਦੀ ਜਾਨ ਚਲੀ ਗਈ, ਦੇ ਮਾਮਲੇ ਵਿੱਚ ਨਵਾਂ ਵੱਡਾ ਖੁਲਾਸਾ ਹੋਇਆ ਹੈ। ਇੱਕ ਚਸ਼ਮਦੀਦ ਗਵਾਹ, ਜੋ ਹੁਣ ਐਨਆਈਏ ਦਾ ਸਟਾਰ ਪ੍ਰੋਟੈਕਟਡ ਵਿਟਨਸ ਹੈ, ਨੇ ਦੱਸਿਆ ਕਿ ਹਮਲੇ ਮਗਰੋਂ ਤਿੰਨ ਪਾਕਿਸਤਾਨੀ ਅੱਤਵਾਦੀਆਂ ਨੇ ਹਵਾ 'ਚ ਗੋਲੀਆਂ ਚਲਾ ਕੇ ਜਸ਼ਨ ਮਨਾਇਆ।
ਗਵਾਹ ਨੇ ਜਾਂਚ ਏਜੰਸੀਆਂ ਨੂੰ ਦੱਸਿਆ ਕਿ ਹਮਲੇ ਤੋਂ ਥੋੜ੍ਹੀ ਦੇਰ ਬਾਅਦ ਤਿੰਨ ਅੱਤਵਾਦੀਆਂ ਉਸਦੇ ਸਾਹਮਣੇ ਆ ਗਏ। ਗਵਾਹ ਨੂੰ ਕਲਮਾ ਪੜ੍ਹਨ ਲਈ ਕਿਹਾ ਗਿਆ, ਪਰ ਜਦ ਉਹ ਸਥਾਨਕ ਕਸ਼ਮੀਰੀ ਬੋਲੀ ਵਿੱਚ ਕਹਿਣ ਲੱਗਾ, ਤਾਂ ਅੱਤਵਾਦੀਆਂ ਨੇ ਉਸਨੂੰ ਛੱਡ ਦਿੱਤਾ। ਅੱਤਵਾਦੀਆਂ ਨੇ ਤੁਰੰਤ ਚਾਰ ਗੋਲੀਆਂ ਹਵਾ ਵਿੱਚ ਚਲਾਈਆਂ — ਇਹ ਗੋਲੀਬਾਰੀ ਜਸ਼ਨ ਦਾ ਸਿਗਨਲ ਸੀ। ਜਾਂਚ ਅਫਸਰਾਂ ਨੇ ਮੌਕੇ ਤੋਂ ਚਾਰ ਖਾਲੀ ਕਾਰਤੂਸ ਵੀ ਬਰਾਮਦ ਕੀਤੇ ਹਨ।
ਪਰਵੇਜ਼ ਅਹਿਮਦ ਜੋਥਰ ਅਤੇ ਬਸ਼ੀਰ ਅਹਿਮਦ — ਦੋ ਨਾਂ ਜੋ ਗਵਾਹ ਨੇ ਦਿੱਤੇ ਹਨ, ਜਿਨ੍ਹਾਂ ਨੂੰ ਉਸਨੇ ਇਕ ਪਹਾੜੀ ਕੋਲ ਅੱਤਵਾਦੀਆਂ ਦੇ ਸਾਮਾਨ ਨੂੰ ਸੰਭਾਲਦੇ ਹੋਏ ਵੇਖਿਆ। ਇਹ ਦੋਵੇਂ ਸਥਾਨਕ ਮੁਲਜ਼ਮ ਅੱਤਵਾਦੀਆਂ ਨੂੰ ਮਦਦ ਅਤੇ ਪਨਾਹ ਦੇਣ ਦੇ ਦੋਸ਼ ਹੇਠਾਂ ਪਹਿਲਾਂ ਹੀ ਗ੍ਰਿਫ਼ਤਾਰ ਹੋ ਚੁੱਕੇ ਹਨ।
- Download Babushahi App
-
-
