ਖਪਤਕਾਰਾਂ ਨੂੰ ਨਿਰਵਿਘਨ ਰਸੋਈ ਗੈਸ ਮੁਹੱਈਆ ਕਰਵਾਉਣ ਲਈ ਕਸੀ ਗੈਸ ਏਜੰਸੀਆਂ ਦੀ ਚੂੜੀ
ਆਮ ਪਬਲਿਕ ਤੇ ਘਰੇਲੂ ਖਪਤਕਾਰਾਂ ਨੂੰ ਗੈਸ ਦੀ ਨਿਰਵਿਘਨ ਸਪਲਾਈ ਬਣਾਈ ਜਾਵੇ ਯਕੀਨੀ
ਗੈਸ ਦੀ ਬੁਕਿੰਗ ਅਤੇ ਆਨਲਾਈਨ ਈ.ਕੇ.ਵਾਈ.ਸੀ. ਕਰਵਾਉਣ ਲਈ ਵੱਖ- ਵੱਖ ਨੰਬਰ ਜਾਰੀ*
ਅਸ਼ੋਕ ਵਰਮਾ
ਬਠਿੰਡਾ, 17 ਮਾਰਚ 2026 : ਡਿਪਟੀ ਕਮਿਸ਼ਨਰ ਸ੍ਰੀ ਰਾਜੇਸ਼ ਧੀਮਾਨ ਦੇ ਦਿਸਾਂ ਨਿਰਦੇਸ਼ਾਂ ਹੇਠ ਜ਼ਿਲ੍ਹਾ ਫੂਡ ਤੇ ਸਿਵਿਲ ਸਪਲਾਈ ਕੰਟਰੋਲਰ ਸ. ਦਲਜੀਤ ਸਿੰਘ ਸੰਧੂ ਵੱਲੋਂ ਜਿਲ੍ਹੇ ਦੀਆਂ ਸਮੂਹ ਗੈਸ ਏਜੰਸੀਆਂ ਨਾਲ ਮੀਟਿੰਗ ਕੀਤੀ ਗਈ। ਮੀਟਿੰਗ ਵਿੱਚ ਸ੍ਰੀ ਸੰਚਿਤ ਸ਼ਰਮਾ ਆਈ.ਓ.ਸੀ.ਐਲ. ਦੇ ਸੇਲਜ਼ ਅਫਸਰ, ਸ੍ਰੀ ਅਸ਼ਿਫ ਮੁਹੰਮਦ ਬੀ.ਪੀ.ਸੀ.ਐਲ ਅਤੇ ਸ੍ਰੀ ਆਯੂਸ਼ ਚੌਹਾਨ ਐਚ.ਪੀ.ਸੀ.ਐਲ ਦੇ ਸੋਲਜ਼ ਅਫਸਰ ਹਾਜ਼ਰ ਹੋਏ। ਮੀਟਿੰਗ ਵਿੱਚ ਜਿਲਾ ਕੰਟਰੋਲਰ ਵੱਲੋਂ ਸਮੂਹ ਗੈਸ ਏਜੰਸੀਆਂ ਨੂੰ ਕਿਹਾ ਗਿਆ ਕਿ ਆਮ ਪਬਲਿਕ ਅਤੇ ਖਪਤਕਾਰਾਂ ਨੂੰ ਘਰੇਲੂ ਗੈਸ ਦੀ ਨਿਰਵਿਘਨ ਸਪਲਾਈ ਯਕੀਨੀ ਬਣਾਈ ਜਾਵੇ।ਇਸ ਮੌਕੇ ਤੇ ਸੇਲਜ਼ ਅਫਸਰਾਂ ਵੱਲੋਂ ਦੱਸਿਆ ਗਿਆ ਕਿ ਉਨ੍ਹਾਂ ਕੋਲ ਘਰੇਲੂ ਗੈਸ ਸਬੰਧੀ ਲੋੜੀਂਦਾ ਸਟਾਕ ਉਪਲਬਧ ਹੈ ਕਿਸੇ ਵੀ ਗੈਸ ਏਜੰਸੀ ਤੇ ਗੈਸ ਦੀ ਕਮੀ ਨਹੀਂ ਆਉਣ ਦਿੱਤੀ ਜਾਵੇਗੀ ਅਤੇ ਗੈਸ ਦੀ ਸਪਲਾਈ ਨਿਰਵਿਘਨ ਚਲਦੀ ਰਹੇਗੀ।
ਇਸ ਦੌਰਾਨ ਜਿਲ੍ਹਾ ਕੰਟਰੋਲਰ ਵੱਲੋਂ ਇਹ ਵੀ ਕਿਹਾ ਗਿਆ ਕਿ ਸਾਰੇ ਪਿੰਡਾਂ ਵਿੱਚ ਵੀ ਜਾ ਕੇ ਰੈਗੂਲਰ ਸਪਲਾਈ ਕਰਨੀ ਯਕੀਨੀ ਬਣਾਈ ਜਾਵੇ ਤਾਂ ਜੋ ਪੇਂਡੂ ਖੇਤਰ ਵਿੱਚ ਵੀ ਗੈਸ ਦੀ ਕੋਈ ਦਿੱਕਤ ਨਾ ਆਵੇ। ਗੈਸ ਏਜੰਸੀਆਂ ਵੱਲੋਂ ਭਰੋਸਾ ਦਿਵਾਇਆ ਗਿਆ ਕਿ ਉਨ੍ਹਾਂ ਵੱਲੋਂ ਖਪਤਕਾਰਾਂ ਨੂੰ ਪਹਿਲ ਦੇ ਆਧਾਰ ਤੇ ਨਿਰਵਿਘਨ ਸਪਲਾਈ ਦਿੱਤੀ ਜਾ ਰਹੀ ਹੈ ਅਤੇ ਉਨ੍ਹਾਂ ਵੱਲੋਂ ਦੱਸਿਆ ਗਿਆ ਕਿ ਬੁਕਿੰਗ ਹੋਣ ਤੋਂ ਬਾਅਦ 3-4 ਦਿਨਾਂ ਵਿੱਚ ਘਰੇਲੂ ਗੈਸ ਦੀ ਹੋਮ ਡਿਲੀਵਰੀ ਦਿੱਤੀ ਜਾ ਰਹੀ ਹੈ।
ਜਿਲ੍ਹਾ ਕੰਟਰੋਲਰ ਦਲਜੀਤ ਸਿੰਘ ਸੰਧੂ ਵੱਲੋਂ ਬਠਿੰਡਾ ਜਿਲ੍ਹੇ ਦੇ ਸਮੂਹ ਖਪਤਕਾਰਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਬਠਿੰਡੇ ਜਿਲ੍ਹੇ ਵਿੱਚ ਘਰੇਲੂ ਗੈਸ ਦੀ ਨਿਰਵਿਘਨ ਸਪਲਾਈ ਦਿੱਤੀ ਜਾ ਰਹੀ ਹੈ ਕਿਸੇ ਵੀ ਕਿਸਮ ਦੀ ਘਬਰਾਉਣ ਦੀ ਲੋੜ ਨਹੀਂ ਹੈ ਅਤੇ ਕੰਪਨੀਆਂ ਪਾਸ ਘਰੇਲੂ ਗੈਸ ਦਾ ਪ੍ਰਾਯਪਤ ਮਾਤਰਾ ਵਿੱਚ ਸਟਾਕ ਉਪਲਬਧ ਹੈ। ਉਨ੍ਹਾਂ ਵੱਲੋਂ ਦੱਸਿਆ ਗਿਆ ਹੈ ਕਿ ਕੋਈ ਵੀ ਖਪਤਕਾਰ ਡਿਲੀਵਰੀ ਤੋਂ 25 ਦਿਨ ਬਾਅਦ ਆਪਣੀ ਬੁਕਿੰਗ ਵੱਖ ਵੱਖ ਤਰੀਕਿਆਂ ਨਾਲ ਆਨਲਾਈਨ ਐਸ.ਐਮ.ਐਸ (SMS) ਅਤੇ ਓ.ਟੀ.ਪੀ. (OTP) ਰਾਹੀਂ ਕਰਵਾ ਸਕਦਾ ਹੈ। ਜਿਹੜੇ ਖਪਤਕਾਰਾਂ ਦੀ ਈ.ਕੇ.ਵਾਈ.ਸੀ ਜਾਂ ਫੋਨ ਨੰਬਰ ਰਜਿਸਟਰਡ ਨਹੀਂ ਹੋਏ ਉਹ ਵੀ ਆਨਲਾਈਨ ਵਿਧੀ ਰਾਹੀਂ ਫੋਨ ਨੰਬਰ ਲਿੰਕ ਕਰਵਾ ਸਕਦੇ ਹਨ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਦੱਸਿਆ ਕਿ ਖਪਤਕਾਰਾਂ ਦੀਆਂ ਘਰੇਲੂ ਗੈਸ ਦੀਆਂ ਸਮੱਸਿਆਵਾਂ ਲਈ ਜਿਲ੍ਹਾ ਪ੍ਰਸਾਸ਼ਨ ਵਲੋਂ ਕੰਟਰੋਲ ਰੂਮ ਟੈਲੀਫੋਨ ਨੰਬਰ 01642921552 ਸਥਾਪਿਤ ਕੀਤਾ ਗਿਆ ਹੈ ਜਿਸ ਤੇ ਕੋਈ ਵੀ ਖਪਤਕਾਰ ਸਵੇਰੇ 8 ਵਜੇ ਤੋਂ ਸ਼ਾਮ 8 ਵਜੇ ਤੱਕ ਸ਼ਿਕਾਇਤ ਦਰਜ ਕਰਵਾ ਸਕਦਾ ਹੈ।
ਗੈਸ ਦੀ ਬੁਕਿੰਗ ਕਰਵਾਉਣ ਲਈ ਅਤੇ ਆਨਲਾਈਨ ਈ ਕੇ ਵਾਈ ਸੀ ਕਰਵਾਉਣ ਲਈ ਡਿਟੇਲ ਹੇਠ ਲਿਖੇ ਅਨੁਸਾਰ ਹੈ :-
*ਇੰਡੀਅਜ਼ ਆਇਲਜ਼*
1.ਬੀ ਬੀ ਪੀ ਐੱਸ ਐਮਾਜ਼ੋਨ/ਗੂਗਲ ਪੇ/ ਪੇਟੀਐੱਮ/ਭੀਮ/ਫੋਨ ਪੇ
2. ਆਈ.ਵੀ.ਆਰ.ਐੱਸ. ਤਹਿਤ 7718955555 ਤੇ ਕਾਲ ਕਰੋ (ਸ਼ਾਮ 6 ਤੋਂ 10 ਵਜੇ ਤੱਕ )
3. 8454955555 ਤੇ ਮਿਸ ਕਾਲ ਕਰੋ (ਸ਼ਾਮ 6 ਤੋਂ 10 ਵਜੇ ਤੱਕ)
4. ਇੰਡੀਅਨ ਆਈਲ ਐਪ ਡਾਉਣਲੋਡ ਕਰੋ ।ਰਜਿਸਟਰਡ ਮੋਬਾਈਲ ਨਾਲ ਲੋਗਇਨ ਕਰੋ ਤੇ ਰਫਿੱਲ ਵਰਤੋ
ਕਰੋ ।
5. REFILL ਤੇ 7718955555 ਮੈਸੇਜ ਕਰੋ|
6. Cx.indianoil.in ਪੋਰਟਲ ਤੇ ਰਜਿਸਟਰਡ ਮੋਬਾਈਲ ਨਾਲ Refill ਆਪਸ਼ਨ ਵਰਤੋਂ।
7. ਵਾਟਸਐਪ ਰਾਹੀਂ REFILL ਲਿੱਖ ਕੇ 7588888824 ਤੇ ਮੈਸੇਜ ਕਰੋ ।
ਭਾਰਤ ਪੈਟਰੋਲਿਅਮ
1.ਬੀ ਬੀ ਪੀ ਐੱਸ
ਐਮਾਜ਼ੋਨ/ਗੂਗਲ ਪੇ/ ਪੇਟੀਐੱਮ/ਭੀਮ/ਫੋਨ ਪੇ
2. ਆਈ ਵੀ ਆਰ ਐੱਸ 7715012345
7718012345
3. 7710955555 ਤੇ ਮਿਸ ਕਾਲ ਕਰੋ
4. ਬੀ.ਪੀ.ਸੀ.ਐਲ. ਐਪ ਡਾਉਣਲੋਡ ਕਰੋ
5. My.ebharatgas.com ਪੋਰਟਲ ਤੇ ਰਜਿਸਟਰਡ ਮੋਬਾਈਲ ਨਾਲ ਲੋਗਇਨ ਕਰੋ
6. ਵਾਟਸਐਪ ਰਾਹੀਂ ਮੈਸੇਜ ਕਰੋ Hi 1800224344
ਹਿੰਦੋਸਤਾਨ ਪੈਟਰੋਲਿਅਮ
1. ਬੀਬੀਪੀਐੱਸ ਐਪ ਰਾਹੀਂ ਜਿਵੇਂ
ਐਮਾਜ਼ੋਨ/ਗੂਗਲ ਪੇ/ ਪੇਟੀਐੱਮ/ਭੀਮ/ਫੋਨ ਪੇ
2. ਆਈ.ਵੀ.ਆਰ.ਐੱਸ 8888823456 ਤੇ ਕਾਲ ਕਰੋ
3. 9493602222 ਮਿਸ ਕਾਲ ਕਰੋ
4. ਐਚ.ਪੀ. ਪੇ ਡਾਊਨਲੋਡ ਕਰੋ
5. ਵਾਟਸਐਪ ਨੰਬਰ ਤੇ 92222-01122
Click to Follow Babushahi Facebook page →