ਲੁਧਿਆਣਾ ਨਗਰ ਨਿਗਮ 'ਚ ਹਾਊਸ ਦੀ ਮੀਟਿੰਗ ਦੌਰਾਨ ਹੰਗਾਮਾ
ਰਵਿੰਦਰ ਸਿੰਘ
ਖੰਨਾ, 27 ਦਸੰਬਰ 2025: ਲੁਧਿਆਣਾ ਦੇ ਅੰਬੇਡਕਰ ਭਵਨ ਚ ਅੱਜ ਨਗਰ ਨਿਗਮ ਹਾਊਸ ਦੀ ਹੰਗਾਮੀ ਬੈਠਕ ਹੋਈ ਜਿਸ ਵਿੱਚ ਕੌਂਸਲਰਾਂ ਸਮੇਤ ਵਿਧਾਇਕਾਂ ਨੇ ਹਿੱਸਾ ਲਿਆ ਇਸ ਦੌਰਾਨ ਸ਼ਹਿਰ ਦੇ ਵਿਕਾਸ ਕਾਰਜਾਂ ਨੂੰ ਲੈ ਕੇ ਵਿਚਾਰਾਂ ਹੋਈਆਂ ਅਤੇ ਕਈ ਮਤਿਆਂ ਨੂੰ ਪਾਸ ਵੀ ਕੀਤਾ ਗਿਆ ਉਧਰ ਅਹਿਮ ਮੁੱਦਾ ਲੁਧਿਆਣਾ ਸ਼ਹਿਰ 'ਚ ਕਈ ਪਿੰਡਾਂ ਨੂੰ ਸ਼ਾਮਿਲ ਕੀਤਾ ਜਾਣਾ ਰਿਹਾ ਹੈ ਅਤੇ ਇਸ ਦੇ ਨਾਲ ਹੀ ਸੜਕਾਂ ਸੀਵਰੇਜ ਅਤੇ ਸਫਾਈ ਦੀ ਵਿਵਸਥਾ ਨੂੰ ਲੈ ਕੇ ਵੀ ਜ਼ੋਰਦਾਰ ਵਿਰੋਧ ਵੇਖਣ ਨੂੰ ਮਿਲਿਆ ਉਧਰ ਜਿੱਥੇ ਵਿਧਾਇਕਾਂ ਸਮੇਤ ਕੌਂਸਲਰਾਂ ਨੇ ਆਪੋ ਆਪਣੇ ਸਵਾਲ ਰੱਖੇ ਤਾਂ ਨਾਲ ਹੀ ਕਈ ਮਤਿਆਂ ਨੂੰ ਵੀ ਪਾਸ ਕੀਤਾ ਗਿਆ ਵਿਸ਼ੇਸ਼ ਕਾਰ ਵਿਰੋਧੀ ਧਿਰਾਂ ਨੇ ਸੜਕਾਂ ਸਫਾਈ ਅਤੇ ਮੁਲਾਜ਼ਮਾਂ ਦੀ ਕਮੀ ਸਮੇਤ ਕੂੜੇ ਦੀ ਸਮੱਸਿਆ ਨੂੰ ਅਹਿਮ ਮੁੱਦਾ ਦੱਸਿਆ ਤੇ ਕਿਹਾ ਕਿ ਜੋ ਵੀ ਕੰਮ ਕਾਰ ਕੀਤੇ ਨੇ ਪੁਰਾਣੀਆਂ ਸਰਕਾਰਾਂ ਦੇ ਸਮੇਂ ਦੌਰਾਨ ਹੋਏ ਨੇ ਅਤੇ ਇਸ ਸਰਕਾਰ ਨੇ ਸਿਰਫ ਪੈਚ ਵਰਕ ਦਾ ਹੀ ਕੰਮ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਉਹਨਾਂ ਕਿਹਾ ਕਿ ਕੌਂਸਲਰਾਂ ਦੇ ਕੰਮਾਂ ਵਿਚਾਲੇ ਵਿਧਾਇਕਾਂ ਦੀ ਇੰਟਰਫੇਰਂਸ ਹੈ ਜਿਸ ਕਾਰਨ ਕਈ ਕੰਮਾਂ ਚ ਅੜਿਕਾ ਬਣ ਰਿਹਾ ਹੈ। ਕੌਂਸਲਰ ਨਿਰਮਲ ਕੈੜਾ ਨੇ ਜਿੱਥੇ ਇਸ ਗੱਲ ਨੂੰ ਲੈ ਕੇ ਵਿਰੋਧ ਜਤਾਇਆ ਤਾਂ ਉੱਥੇ ਹੀ ਉਹਨਾਂ ਕਿਹਾ ਕਿ ਜੋ 113 ਪਿੰਡਾਂ ਨੂੰ ਲੁਧਿਆਣੇ ਦੇ ਨਾਲ ਸ਼ਾਮਿਲ ਕੀਤਾ ਜਾ ਰਿਹਾ ਹੈ। ਉਹ ਵੀ ਗਲਤ ਹੈ ਕਿਉਂਕਿ ਸ਼ਹਿਰ ਦੇ ਵਿਕਾਸ ਕਾਰਜ ਅਧੂਰੇ ਨੇ ਜੇਕਰ ਪਿੰਡਾਂ ਨੂੰ ਸ਼ਾਮਿਲ ਕਰ ਦਿੱਤਾ ਗਿਆ ਤਾਂ ਕੰਮ ਹੋਰ ਵੀ ਅਧੂਰੇ ਪੈ ਜਾਣਗੇ।
ਉਧਰ ਆਮ ਆਦਮੀ ਪਾਰਟੀ ਦੇ ਕੌਂਸਲਰ ਕਪਿਲ ਕੁਮਾਰ ਸੋਨੂ ਨੇ ਦੱਸਿਆ ਕਿ ਅੱਜ ਕਈ ਅਹਿਮ ਮੁੱਦਿਆਂ ਤੇ ਵਿਚਾਰਾਂ ਹੋਈਆਂ ਨੇ ਅਤੇ ਕਈ ਮੁੱਦਿਆਂ ਨੂੰ ਪਾਸ ਕੀਤਾ ਗਿਆ ਹੈ ਉਹਨਾਂ ਕਿਹਾ ਕਿ ਵਿਸ਼ੇਸ਼ ਕਰ ਕੂੜੇ ਦੀ ਸਮੱਸਿਆ ਅਤੇ ਸੜਕਾਂ ਦਾ ਮੁੱਦਾ ਰਿਹਾ ਹੈ ਪਰ ਇਹ ਹਰ ਵਾਰ ਦੀ ਤਰ੍ਹਾਂ ਇਸੇ ਤਰੀਕੇ ਨਾਲ ਮੁੱਦੇ ਸਾਹਮਣੇ ਆਉਂਦੇ ਨੇ ਉਹਨਾਂ ਕਿਹਾ ਕਿ ਜੋ ਨਗਰ ਨਿਗਮ ਅਧੀਨ ਪਿੰਡਾਂ ਨੂੰ ਲਿਆਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਇਸ ਨਾਲ ਵਿਕਾਸ ਦੀ ਰਫਤਾਰ ਵਧੇਗੀ ਕਿਉਂਕਿ ਦੋ ਮੇਅਰ ਹੋਣ ਦੇ ਨਾਲ ਇੱਕ ਮੇਅਰ ਤੇ ਬੋਝ ਘਟੇਗਾ ਅਤੇ ਰੈਵਨਿਊ ਵੀ ਇਕੱਠਾ ਹੋਵੇਗਾ।