ਇੱਕ ਖ਼ਬਰ ਨੇ ਕੈਨੇਡਾ ਤੱਕ ਹਿਲਾ 'ਤੇ ਸਾਰੇ...! ਕੈਨੇਡਾ ਦਾ ਮੋਸਟ ਵਾਂਟੇਡ 'ਪਨੇਸਰ' ਚੰਡੀਗੜ੍ਹ 'ਚ ਲੁਕਿਆ!
ਚੰਡੀਗੜ੍ਹ, 15 ਫਰਵਰੀ 2025- ਕੈਨੇਡਾ ਦੇ ਵਿੱਚ ਸਭ ਤੋਂ ਵੱਡੀ ਸੋਨੇ ਦੀ ਚੋਰੀ ਦੀ ਵਾਰਦਾਤ ਨੁੰ ਅੰਜ਼ਾਮ ਦੇਣ ਵਾਲਿਆਂ ਵਿੱਚੋਂ ਇੱਕ ਸਿਮਰਨਪ੍ਰੀਤ ਪਨੇਅਰ ਦੇ ਚੰਡੀਗੜ੍ਹ ਵਿੱਚ ਲੁਕੇ ਹੋਣ ਦਾ ਸ਼ੱਕ ਹੈ। ਇੰਡੀਅਨ ਐਕਸਪ੍ਰੈਸ ਨੇ ਸੀਬੀਸੀ ਨਿਊਜ਼, ਦ ਫਿਫਥ ਅਸਟੇਟ, ਕੈਨੇਡਾ ਦੇ ਸਹਿਯੋਗ ਨਾਲ ਪਨੇਸਰ ਦਾ ਪਤਾ ਲਗਾਇਆ ਹੈ।
ਇਸ ਬਾਰੇ ਐਕਸਪ੍ਰੈਸ ਨੇ ਇੱਕ ਰਿਪੋਰਟ ਵੀ ਪਬਲਿਸ਼ ਕੀਤੀ ਹੈ, ਜਿਸ ਦੇ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਚੰਡੀਗੜ੍ਹ ਵਿੱਚ ਪਨੇਸਰ ਰਹਿ ਰਿਹਾ ਹੈ। ਹਾਲਾਂਕਿ ਐਕਸਪ੍ਰੈਸ ਨੇ ਆਪਣੀ ਰਿਪੋਰਟ ਦੇ ਵਿੱਚ ਪਨੇਸਰ ਦੇ ਘਰ ਦਾ ਪਤਾ ਜਾਂ ਫਿਰ ਲੋਕੇਸ਼ਨ ਬਾਰੇ ਨਹੀਂ ਦੱਸਿਆ। ਸਿਰਫ਼ ਇਹ ਹੀ ਦੱਸਿਆ ਹੈ ਕਿ ਚੰਡੀਗੜ੍ਹ ਦੇ ਬਾਹਰੀ ਇਲਾਕੇ ਵਿੱਚ ਰਹਿ ਕੇ ਪਰਿਵਾਰ ਸਮੇਤ ਰਹਿ ਰਿਹਾ ਹੈ।
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ, ਸੋਨੇ ਦੀ ਸਭ ਤੋਂ ਵੱਡੀ ਚੋਰੀ ਅਪ੍ਰੈਲ 2023 'ਚ ਹੋਈ ਸੀ, ਜਿਸ 'ਚ 400 ਕਿੱਲੋ ਦੀਆਂ 6600 ਸੋਨੇ ਦੀਆਂ ਇੱਟਾਂ ਅਤੇ ਕਰੀਬ 2.5 ਮਿਲੀਅਨ ਡਾਲਰ ਮੁੱਲ ਦੀਆਂ ਵਿਦੇਸ਼ੀ ਮੁਦਰਾਵਾਂ ਟੋਰਾਂਟੋ ਦੇ ਪਿਅਰਸਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਚੋਰੀ ਹੋ ਗਈਆਂ ਸਨ। ਇਹ ਘਟਨਾ ਉਸ ਸਮੇਂ ਹੋਈ, ਜਦੋਂ ਇਹ ਸਮਾਨ ਜਿਊਰਿਖ਼ ਤੋਂ ਆਈ ਇਕ ਉਡਾਣ ਤੋਂ ਉਤਾਰਿਆ ਗਿਆ ਸੀ।
ਰਿਪੋਰਟਾਂ ਵਿੱਚ ਦਾਅਵਾ ਹੈ ਕਿ ਸਿਮਰਨਪ੍ਰੀਤ ਪਨੇਸਰ 20 ਮਿਲੀਅਨ ਡਾਲਰ ਦੀ ਡਕੈਤੀ 'ਚ ਸ਼ਾਮਲ ਹੈ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਪਨੇਸਰ ਦੀ ਪਤਨੀ ਉਸ ਨਾਲ ਉਕਤ ਚੋਰੀ 'ਚ ਸ਼ਾਮਲ ਨਹੀਂ ਸੀ।