ਅੰਬੂਜਾ ਸੀਮਿੰਟ ਫਾਂਊਡੇਸ਼ਨ ਵੱਲੋਂ ਰੈਡ ਕਰਾਸ ਸੁਸਾਇਟੀ ਨੂੰ ਮਾਸਕ ਭੇਂਟ
ਅਸ਼ੋਕ ਵਰਮਾ
ਬਠਿੰਡਾ,25 ਮਈ2021:ਬਠਿੰਡਾ ਜ਼ਿਲ੍ਹੇ ਵਿੱਚ ਕੋਰੋਨਾ ਦੀ ਰੋਕਥਾਮ ਸੰਬੰਧੀ ਕੀਤੇ ਜਾ ਰਹੇ ਯਤਨਾਂ ਵਿੱਚ ਯੋਗਦਾਨ ਪਾਉਂਦਿਆਂ ਅੰਬੂਜਾ ਸੀਮਿੰਟ ਫਾਂਊਡੇਸ਼ਨ ਵੱਲੋਂ ਸੀਐਸਆਰ ਅਧੀਨ ਅੱਜ ਰੈਡ ਕਰਾਸ ਸੁਸਾਇਟੀ ਬਠਿੰਡਾ ਨੂੰ 500 ਫੇਸ ਮਾਸਕ ਭੇਂਟ ਕੀਤੇ ਗਏ। ਇਹ ਸਮਾਨ ਦੇਣ ਲਈ ਪਹੁੰਚੇ ਅੰਬੂਜਾ ਪਲਾਂਟ ਦੇ ਯੂਨਿਟ ਹੈਡ ਸੁਨੀਲ ਪ੍ਰਕਾਸ਼, ਏਸੀਐਫ ਦੇ ਏਰੀਆ ਪ੍ਰੋਜੈਕਟ ਮੈਨੇਜਰ ਮਾਨਵ ਮੇਟੀ ਅਤੇ ਪ੍ਰੋਜੈਕਟ ਐਗਜੀਕਿਊਟਿਵ ਸੰਜੇ ਕੁਮਾਰ ਨੇ ਇਹ ਸਾਮਾਨ ਸਕੱਤਰ ਰੈੱਡ ਕਰਾਸ ਸੁਸਾਇਟੀ ਦਰਸ਼ਨ ਕੁਮਾਰ ਬਾਂਸਲ ਨੂੰ ਸਪੁਰਦ ਕੀਤਾ। ਇਸ ਮੌਕੇ ਉਹਨਾਂ ਨਾਲ ਸੁਸਾਇਟੀ ਦੇ ਫਸਟ ਏਡ ਮਾਸਟਰ ਟਰੇਨਰ ਨਰੇਸ਼ ਪਠਾਣੀਆ ਵੀ ਮੌਜੂਦ ਸਨ।
ਸੁਨੀਲ ਪ੍ਰਕਾਸ਼ ਨੇ ਇਸ ਮੌਕੇ ਦੱਸਿਆ ਕਿ ਅੰਬੂਜਾ ਸੀਮਿੰਟ ਫਾਂਊਡੇਸ਼ਨ ਵੱਲੋ ਇਸ ਤੋਂ ਪਹਿਲਾਂ ਸਿਵਲ ਹਸਪਤਾਲ ਬਠਿੰਡਾ ਨੂੰ ਇੱਕ ਵਾਟਰ ਕੂਲਰ ਅਤੇ 15 ਆਕਸੀਜਨ ਕਨਸਨਟਰੇਟਰ ਦਿੱਤੇ ਗਏ ਸਨ ਜਦੋਂਕਿ ਅੱਜ 7 ਸਟਰੇਚਰ ਅਤੇ 10 ਨੀਡਲ ਅਤੇ ਹੱਬ ਕਟਰ ਸਿਵਲ ਹਸਪਤਾਲ ਬਠਿੰਡਾ ਨੂੰ ਭੇਂਟ ਕੀਤਾ ਗਿਆ ਹੈ। ਸਕੱਤਰ ਰੈਡ ਕਰਾਸ ਦਰਸ਼ਨ ਬਾਂਸਲ ਅਤੇ ਫਸਟ ਏਡ ਟ੍ਰੇਨਰ ਨਰੇਸ਼ ਪਠਾਣੀਆ ਨੇ ਅੰਬੂਜਾ ਸੀਮਿੰਟ ਫਾਂਊਂਡੇਸ਼ਨ ਵੱਲੋਂ ਪਹੁੰਚੇ ਅਧਿਕਾਰੀਆਂ ਦਾ ਰਾਹਤ ਸਮੱਗਰੀ ਦੇਣ ਲਈ ਧੰਨਵਾਦ ਕੀਤਾ।