ਲ਼ੋਕ ਕਲਾਕਾਰ ਹਰਦੀਪ ਚੰਡੀਗੜ੍ਹ ਅਤੇ ਦਰਸ਼ਨ ਔਲਖ ਵੱਲੋਂ ਪੀ.ਏ.ਯੂ. ਦਾ ਦੌਰਾ

By : Babushahi Bureau
First Published : Thursday, Mar 13, 2025 05:20 PM

Twitter
Whatsapp
Send Email

×
Email this news
← Go Back

Twitter
Whatsapp
Send Email

×
Email this news
← Go Back

ਲ਼ੋਕ ਕਲਾਕਾਰ ਹਰਦੀਪ ਚੰਡੀਗੜ੍ਹ ਅਤੇ ਦਰਸ਼ਨ ਔਲਖ ਵੱਲੋਂ ਪੀ.ਏ.ਯੂ. ਦਾ ਦੌਰਾ

ਲੁਧਿਆਣਾ ੧੩ ਮਾਰਚ, 2025 - ਉੱਘੇ ਲੋਕ ਗਾਇਕ ਹਰਦੀਪ ਚੰਡੀਗੜ੍ਹ ਅਤੇ ਪੰਜਾਬੀ ਫਿਲਮਾਂ ਦੇ ਨਾਇਕ ਦਰਸ਼ਨ ਔਲਖ ਅੱਜ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ, ਲੁਧਿਆਣਾ ਦੇ ਵਿਦਿਆਰਥੀ ਭਵਨ ਵਿਖੇ ਪਹੁੰਚ ਕੇ ਕਲਾ ਨਾਲ ਜੁੜੇ ਵਿਦਿਆਰਥੀਆਂ ਨਾਲ ਸੰਵਾਦ ਰਚਾਇਆ। ਹਰਦੀਪ ਚੰਡੀਗੜ੍ਹ ਨੇ ਕਿਹਾ ਕਿ ਪੰਜਾਬੀ ਲੋਕ ਧਾਰਾ ਅਤੇ ਲੋਕ ਸੰਗੀਤ ਵਿੱਚੋਂ ਖੇਤੀ ਸੱਭਿਆਚਾਰ ਦੀ ਝਲਕ ਪੈਂਦੀ ਹੈ ਕਿਉਂਕਿ ਸਾਡਾ ਸੱਭਿਆਚਾਰ ਮੂਲ ਰੂਪ ਵਿੱਚ ਖੇਤੀਬਾੜੀ ਤੇ ਆਧਾਰਿਤ ਹੈ। ਸ਼੍ਰੀ ਹਰਦੀਪ ਨੇ ਕਿਹਾ ਕਿ ਸਾਡੇ ਲੋਕ ਗੀਤਾਂ ਵਿੱਚ ਖੇਤਾਂ ਵਿੱਚ ਉੱਗਦੀਆਂ ਫਸਲਾਂ, ਵਰਤੇ ਜਾਂਦੇ ਸੰਦ ਅਤੇ ਖੇਤੀਬਾੜੀ ਦਾ ਤੌਰ ਤਰੀਕਾ ਪਰੋਇਆ ਹੋਇਆ ਹੈ। ਉਹਨਾਂ ਵਿਦਿਆਰਥੀਆਂ ਨੂੰ ਪੜਾਈ ਦੇ ਨਾਲ-ਨਾਲ ਸਾਹਿਤ ਕਲਾ ਅਤੇ ਸੰਗੀਤ ਜੁੜਨ ਲਈ ਪ੍ਰੇਰਿਆ। ਦਰਸ਼ਨ ਔਲਖ ਨੇ ਕਿਹਾ ਕਿ ਮੈਨੂੰ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦੇ ਵਿਹੜੇ ਪਹੁੰਚ ਕੇ ਖੁਸ਼ੀ ਹੋਈ ਕਿਉਂਕਿ ਇੱਥੋਂ ਦਾ ਮਾਹੌਲ ਖੁਸ਼ਵਾਲ ਹੈ ਅਤੇ ਸਮੁੱਚੇ ਪੰਜਾਬ ਅਤੇ ਪੰਜਾਬੀਅਤ ਦੇ ਦਰਸ਼ਨ ਹੁੰਦੇ ਹਨ। ਦਰਸ਼ਨ ਔਲਖ ਨੇ ਕਿਹਾ ਕਿ ਨੌਜਵਾਨ ਪੀੜ੍ਹੀ ਨੂੰ ਉਸਾਰੂ ਗਤੀਵਿਧੀਆਂ ਨਾਲ ਜੁੜ ਕੇ ਤੰਦਰੁਸਤ ਸਮਾਜ ਦੀ ਨਿਰਮਾਣ ਵਿੱਚ ਹਿੱਸਾ ਪਾਉਣਾ ਚਾਹੀਦਾ ਹੈ।

ਹਰਦੀਪ ਚੰਡੀਗੜ੍ਹ ਅਤੇ ਦਰਸ਼ਨ ਔਲਖ ਦਾ ਸਵਾਗਤ ਕਰਦਿਆਂ ਯੂਨੀਵਰਸਿਟੀ ਦੇ ਨਿਰਦੇਸ਼ਕ ਭਲਾਈ ਡਾ ਨਿਰਮਲ ਜੌੜਾ ਨੇ ਕਿਹਾ ਕਿ ਇਹ ਦੋਨੇ ਕਲਾਕਾਰ ਧਰਤੀ ਨਾਲ ਜੁੜੇ ਹੋਣ ਕਰਕੇ ਲੋਕ ਮਨਾਂ ਦੇ ਨੇੜੇ ਹਨ। ਡਾ ਨਿਰਮਲ ਜੌੜਾ ਨੇ ਕਿਹਾ ਕਿ ਜਦੋਂ ਵੱਡੇ ਕਲਾਕਾਰ ਨੌਜਵਾਨ ਪੀੜੀ ਵਿੱਚ ਵਿਚਰਦੇ ਹਨ ਤਾਂ ਚੰਗੀ ਕਲਾ ਚੰਗੇ ਹੁਨਰ ਦਾ ਪ੍ਰਸਾਰ ਹੁੰਦਾ ਹੈ। ਯੂਨੀਵਰਸਿਟੀ ਦੇ ਐਸੋਸੀਏਟ ਡਾਇਰੈਕਟਰ ਕਲਚਰ ਡਾ ਰੁਪਿੰਦਰ ਕੌਰ ਨੇ ਦੱਸਿਆ ਕਿ ਪੀਏਯੂ ਦਾ ਮਾਹੌਲ ਸਹਿਤ ਅਤੇ ਕਲਾ ਦੀ ਉਸਾਰੀ ਲਈ ਬਹੁਤ ਸੁਖਾਵਾਂ ਹੈ ਜਿਸ ਕਰਕੇ ਇਸ ਯੂਨੀਵਰਸਿਟੀ ਨੇ ਅਨੇਕਾਂ ਲੇਖਕ ਅਤੇ ਕਲਾਕਾਰ ਪੈਦਾ ਕੀਤੇ ਹਨ। ਯੂਨੀਵਰਸਿਟੀ ਵੱਲੋਂ ਹਰਦੀਪ ਚੰਡੀਗੜ੍ਹ ਅਤੇ ਦਰਸ਼ਨ ਔਲਖ ਦਾ ਸਨਮਾਨ ਕੀਤਾ ਗਿਆ। ਰਜਿਸਟਰਿੰਗ ਅਫਸਰ ਸਤਬੀਰ ਸਿੰਘ ਨੇ ਸਭ ਦਾ ਧੰਨਵਾਦ ਕੀਤਾ ।