ਮੇਰਾ ਕੋਨਾ: ਹਮੇਸ਼ਾ ਚੇਤੇ ਰਹਿਣਗੇ ਬੀਬੀ ਗੁਰਨਾਮ ਕੌਰ
ਨਿੰਦਰ ਘੁਗਿਆਣਵੀ
ਅੱਜ ਆਥਣੇ ਖਬਰ ਮਿਲੀ ਕਿ ਬੀਬੀ ਗੁਰਨਾਮ ਕੌਰ ਜੀ ਚਲੇ ਗਏ ਨੇ। ਮੈਂ ਹਮੇਸ਼ਾ ਉਨਾਂ ਨੂੰ ਹੋਰਨਾਂ ਛੋਟਿਆਂ ਬੱਚਿਆਂ ਵਾਂਗ 'ਆਂਟੀ ਜੀ' ਆਖਕੇ ਸੰਬੋਧਨ ਕਰਦਾ ਸਾਂ। ਉਨਾਂ ਦਾ ਨਿਮਰਤਾ ਭਰਿਆ ਸੁਭਾਓ, ਸਲੀਕਾ ਤੇ ਸੰਜੀਦਗੀ, ਆਸ਼ੀਰਵਾਦੀ ਹੱਥ ਬੜੇ ਸਾਲ ਸਾਡੇ ਅੰਗ ਸੰਗ ਰਿਹਾ ਹੈ। ਲੰਬਾ ਸਮਾਂ ਆਪਣੇ ਪਿੰਡ ਮਰਾੜ ਵਿਖੇ ਹੀ ਪੜਾਇਆ ਤੇ ਹਮੇਸ਼ਾ ਇਕ ਸਫਲ ਅਧਿਆਪਕਾ ਵਜੋਂ ਕਾਰਜਸ਼ੀਲ ਰਹੇ। ਉਹ ਹੈਡ ਟੀਚਰ ਸੇਵਾਮੁਕਤ ਹੋਏ ਸਨ। ਘਰੇਲੂ ਸੁਆਣੀ ਵਜੋਂ ਉਨਾਂ ਦੀਆਂ ਹਰ ਵੇਲੇ ਸ਼ਾਨਦਾਰ ਸੇਵਾਵਾਂ ਰਹੀਆਂ ਤੇ ਦੁਨੀਆਂ ਭਰ ਦੇ ਸਤਿਕਾਰਯੋਗ ਗੀਤਕਾਰ ਸ੍ਰ ਬਾਬੂ ਸਿੰਘ ਮਾਨ ਜੀ ਦੇ ਜੀਵਨ ਵਿਚ ਉਨਾਂ ਨੇ ਜੋ ਘਾਲਣਾ ਘਾਲੀ, ਤੇ ਆਪਣੇ ਘਰ ਆਏ ਹਰ ਛੋਟੇ ਵੱਡੇ ਫਨਕਾਰ, ਕਲਾਕਾਰ, ਗੀਤਕਾਰ, ਆਮ ਲੋਕਾਂ ਨੂੰ ਵੀ ਉਹਨਾਂ ਹਮੇਸ਼ਾ ਬਰਾਬਰ ਦਾ ਹੀ ਆਦਰ ਦਿੱਤਾ। ਘਰੋਂ ਕੋਈ ਭੁੱਖਾ ਪਿਆਸਾ ਨਹੀਂ ਗਿਆ। ਉਹ ਹਮੇਸ਼ਾ ਚੜਦੀ ਕਲਾ ਵਿਚ ਰਹਿਣ ਵਾਲੇ ਸਨ ਤੇ ਰਹੇ ਵੀ। ਆਪਣੇ ਪਿੰਡ ਪ੍ਰਤੀ ਮੋਹ ਤੇ ਆਦਰ ਦੀ ਭਾਵਨਾ ਹਮੇਸ਼ਾ ਜਿਊਂਦੀ ਜਾਗਦੀ ਰੱਖੀ।
ਅੱਜ ਅਮਿਤੋਜ ਮਾਨ ਮਾਂ ਦੀ ਛਾਂ ਤੋਂ ਵਿਹੂਣਾ ਹੋ ਗਿਆ ਪਰ ਸਾਡਾ ਇਲਾਕਾ ਸਾਦਿਕ ਵੀ ਇਕ ਸੁਘੜ ਸਿਆਣੀ ਅਧਿਆਪਕਾ, ਇਕ ਵੱਡੀ ਸ਼ਖਸੀਅਤ ਸ੍ਰ ਬਾਬੂ ਸਿੰਘ ਮਾਨ ਦੀ ਧਰਮ ਪਤਨੀ, ਤੇ ਸਾਡੀ ਅਗਵਾਈ ਕਰਨ ਤੇ ਆਸ਼ੀਰਵਾਦ ਦੇਣ ਵਾਲੀ ਮਾਂ ਤੋਂ ਵੀ ਵਾਂਝਾ ਹੋ ਗਿਆ ਜਾਪਦਾ ਹੈ। ਪ੍ਰਮਾਤਮਾ ਮਾਨ ਪਰਿਵਾਰ ਨੂੰ ਇਸ ਦੁਖ ਦੇ ਵੇਲੇ ਤਾਕਤ ਬਖਸ਼ੇ ਤੇ ਮਾਤਾ ਗੁਰਨਾਮ ਕੌਰ ਜੀ ਨੂੰ ਆਪਣੇ ਚਰਨਾਂ ਵਿਚ ਨਿਵਾਸ ਬਖਸ਼ੇ। ਇਹੋ ਅਰਦਾਸ ਹੈ।
.jpg)
-
ਨਿੰਦਰ ਘੁਗਿਆਣਵੀ , ਲੇਖਕ
....
9417421700
Disclaimer : The opinions expressed within this article are the personal opinions of the writer/author. The facts and opinions appearing in the article do not reflect the views of Babushahi.com or Tirchhi Nazar Media. Babushahi.com or Tirchhi Nazar Media does not assume any responsibility or liability for the same.