.ਜਲੰਧਰ ਦੀ ਜ਼ਿਮਨੀ ਚੋਣ ਨਤੀਜੇ ਸਰਕਾਰ ਦੇ ਕੀਤੇ ਕੰਮਾਂ ਨੂੰ ਜਨਤਾ ਦਾ ਫ਼ਤਵਾ ਹੈ - ਬਲਬੀਰ ਸਿੰਘ ਪੰਨੂ
ਇਸ ਜਿੱਤ ਤੋਂ ਬਾਅਦ ਹੁਣ ਆਉਣ ਵਾਲੇ ਸਮੇ ਚ ਪੰਜਾਬ ਚ ਵੱਡੇ ਬੱਦਲ ਦੇਖਣ ਨੂੰ ਮਿਲਣਗੇ - ਬਲਬੀਰ ਸਿੰਘ ਪੰਨੂ
ਰੋਹਿਤ ਗੁਪਤਾ
ਗੁਰਦਾਸਪੁਰ ,13 ਮਈ 2023 : ਜਲੰਧਰ ਜ਼ਮੀਨੀ ਚੋਣਾਂ ਵਿੱਚ ਆਮ ਆਦਮੀ ਪਾਰਟੀ ਦੀ ਜਿੱਤ ਨੂੰ ਲੈਕੇ ਆਪ ਪਾਰਟੀ ਦੇ ਨੇਤਾ ਅਤੇ ਪਨਸਪ ਪੰਜਾਬ ਦੇ ਚੇਅਰਮੈਨ ਬਲਬੀਰ ਸਿੰਘ ਪੰਨੂ ਵਲੋਂ ਹਲਕਾ ਫਤਿਹਗ੍ਹੜ ਚੂੜੀਆਂ ਚ ਜਿੱਤ ਦੀ ਖੁਸ਼ੀ ਮਨਾਈ ਗਈ ਅਤੇ ਢੋਲ ਦੀ ਥਾਪ ਤੇ ਜਸ਼ਨ ਮਨਾਉਂਦੇ ਹੋਏ ਆਪ ਵਰਕਰਾਂ ਨੇ ਲੱਡੂ ਵੰਡੇ।ਉਥੇ ਹੀ ਚੇਅਰਮੈਨ ਪੰਜਾਬ ਬਲਬੀਰ ਪੰਨੂ ਦਾ ਕਹਿਣਾ ਹੈ ਕਿ ਅੱਜ ਆਪ ਪਾਰਟੀ ਦੀ ਇਤਹਾਸਿਕ ਜਿੱਤ ਹੋਈ ਹੈ ਅਤੇ ਆਮ ਆਦਮੀ ਪਾਰਟੀ ਜਿਸਨੂੰ 2022 ਚ ਚੋਣਾਂ ਚ ਪੰਜਾਬ ਦੀ ਜਨਤਾ ਨੇ ਵਿਸ਼ਵਾਸ ਕਰ ਜਿੱਤ ਦਵਾਈ ਸੀ ਉਸ ਤੋਂ ਬਾਅਦ ਜੋ ਆਪ ਵਲੋਂ ਲੋਕਾਂ ਨਾਲ ਵਾਅਦੇ ਕੀਤੇ ਗਏ ਉਹਨਾਂ ਨੂੰ ਇਕ ਸਾਲ ਚ ਪੂਰਾ ਕਰਨ ਤੇ ਅੱਜ ਕੰਮਾਂ ਨੂੰ ਦੇਖਦੇ ਹੋਏ ਵੋਟਰ ਨੇ ਇਹ ਵੱਡੀ ਜਿੱਤ ਦੇ ਰੂਪ ਚ ਫਤਵਾ ਦਿਤਾ ਹੈ |
ਉਥੇ ਹੀ ਚੇਅਰਮੈਨ ਬਲਬੀਰ ਪੰਨੂ ਦਾ ਕਹਿਣਾ ਸੀ ਕਿ ਕਾਂਗਰਸ ਅਤੇ ਅਕਾਲੀ ਦਲ ਨੇ ਪੰਜਾਬ ਦੀ ਜਨਤਾ ਨੂੰ ਬਹੁਤ ਬੇਵਕੂਫ ਬਣਾਇਆ ਹੈ ਜਦਕਿ ਅੱਜ ਪੰਜਾਬ ਦੇ ਲੋਕ ਉਹਨਾਂ ਦੋਵਾਂ ਦੀ ਰਾਜਨੀਤੀ ਨੂੰ ਸਮਝ ਚੁਕੇ ਹਨ ਅਤੇ ਹੁਣ ਆਮ ਆਦਮੀ ਪਾਰਟੀ ਤੇ ਉਹਨਾਂ ਦਾ ਵਿਸ਼ਵਾਸ ਹੈ ਅਤੇ ਇਸ ਚੋਣ ਨਤੀਜੇ ਤੋਂ ਬਾਅਦ ਹੁਣ ਪੰਜਾਬ ਚ ਆਉਣ ਵਾਲੇ ਸਮੇ ਚ ਵੱਡੇ ਬਦਲਾਵ ਦੇਖਣ ਨੂੰ ਮਿਲਣਗੇ |