ਸਵ: ਚਮਕੀਲਾ ਦੇ ਜਨਮ ਦਿਨ ਮੌਕੇ ਦੋਗਾਣਾ ਹਿੱਟ ਜੋੜੀ ਜਸਪਾਲ ਪਾਲੀ-ਜਸ਼ਪ੍ਰੀਤ ਸ਼ੰਮੀ ਨੇ ਹਿੱਕ ਦੇ ਜ਼ੋਰ 'ਤੇ ਗਾਏ ਗੀਤ
- ਕੇਕ ਕੱਟਣ ਦੀ ਰਸਮ ਕੀਤੀ ਤੇ ਬੂਟੇ ਲਗਾਏ
ਨਿਰਮਲ ਦੋਸਤ
ਰਾਏਕੋਟ, 25ਜੁਲਾਈ 2024 :- ਚਮਕੀਲਾ ਫੈਨ ਗਰੁੱਪ ਅਤੇ ਸਰੋਤਿਆਂ ਦੇ ਦਿਲਾਂ ਦੀ ਧੜਕਣ, ਗਾਇਕੀ ਦੇ ਖੇਤਰ ਦੀ ਬਰਨਾਲਾ ਸ਼ਹਿਰ ਦੀ ਦੋਗਾਣਾ ਹਿੱਟ ਜੋੜੀ ਜਸਪਾਲ ਪਾਲੀ+ਬੀਬਾ ਜਸ਼ਪ੍ਰੀਤ ਸ਼ੰਮੀ ਵੱਲੋਂ ਸਾਂਝੇ ਤੌਰ 'ਤੇ ਸਵ: ਅਮਰ ਸਿੰਘ ਚਮਕੀਲਾ ਦਾ ਜਨਮ ਦਿਨ HB ਹੋਟਲ 'ਚ ਬੜੇ ਜੋਸ਼ੋ-ਖਰੋਸ਼ ਨਾਲ ਮਨਾਇਆ ਗਿਆ।ਇਸ ਮੌਕੇ ਕੇਕ ਕੱਟਣ ਦੀ ਰਸਮ ਕੀਤੀ ਗਈ ਤੇ ਬੂਟੇ ਲਗਾਏ ਗਏ।
ਇਸ ਦੋਰਾਨ ਪ੍ਰਬੰਧਕਾਂ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਪ੍ਰਬੰਧਕਾਂ ਵੱਲੋਂ ਸਵਰਗਵਾਸੀ ਅਮਰ ਸਿੰਘ ਚਮਕੀਲਾ ਦਾ ਜਨਮ ਦਿਨ ਮਨਾਏ ਜਾਂਣ ਦਾ ਕਾਰਨ ਉਨ੍ਹਾਂ(ਚਮਕੀਲਾ) ਦੀ ਯਾਦ ਨੂੰ ਸਦੀਵੀ ਤੌਰ 'ਤੇ ਯਾਦ ਰੱਖਣਾ ਹੈ। ਇਸ ਰੰਗਾ-ਰੰਗ ਪ੍ਰੋਗਰਾਮ ਮੌਕੇ ਜਸਪਾਲ ਪਾਲੀ ਤੇ ਬੀਬਾ ਜਸਪ੍ਰੀਤ ਸ਼ੰਮੀ ਵੱਲੋਂ ਆਪਣੀ ਹਿੱਕ ਦੇ ਜ਼ੋਰ 'ਤੇ ਸਵ.ਚਮਕੀਲਾ ਦੇ ਅਨੇਕਾਂ ਹਿੱਟ ਤੇ ਸਦਾਬਹਾਰ ਗੀਤ ਗਾ ਕੇ ਸਰੋਤਿਆਂ ਦਾ ਭਰਪੂਰ ਮਨੋਰੰਜਨ ਕਰਕੇ ਸਵ.ਚਮਕੀਲਾ ਦੀ ਯਾਦ ਨੂੰ ਤਾਜ਼ਾ ਕਰਨ 'ਚ ਕੋਈ ਘਾਟ ਬਾਕੀ ਨਹੀਂ ਰਹਿਣ ਦਿੱਤੀ। ਇਸ ਮੌਕੇ ਵੱਡੀ ਗਿਣਤੀ 'ਚ ਹਾਜ਼ਰੀਨ ਨੇ ਸਵ.ਅਮਰ ਸਿੰਘ ਚਮਕੀਲਾ ਦੇ ਜਨਮ ਦਿਨ ਦੀਆਂ ਆਪਸੀ ਤੌਰ 'ਤੇ ਸਾਂਝੀਆਂ ਕੀਤੀਆਂ।ਇਹ ਰੰਗਾ-ਰੰਗ ਪ੍ਰੋਗਰਾਮ ਦਰਸ਼ਕਾਂ/ਸਰੋਤਿਆਂ ਦੇ ਮਨਾਂ 'ਤੇ ਆਪਣੀਆਂ ਅਮਿੱਟ ਯਾਦਾਂ ਛੱਡਦਾ ਹੋਇਆ ਯਾਦਗਾਰੀ ਹੋ ਨਿੱਬੜਿਆ।