ਲੋਕਾਂ ਦੇ ਘਰ ਵਿੱਚ ਵੜ ਰਿਹਾ ਸੀ ਟੁੱਟੇ ਨਾਲੇ ਦਾ ਪਾਣੀ: ਚੇਅਰਮੈਨ ਸੇਖਵਾਂ ਨੇ ਲੋਕਾਂ ਨੂੰ ਸਮੱਸਿਆ ਤੋਂ ਤੁਰੰਤ ਦੁਆਈ ਨਿਜਾਤ
ਰਿਪੋਰਟਰ _ਰੋਹਿਤ ਗੁਪਤਾ
ਗੁਰਦਾਸਪੁਰ, 8 ਅਗਸਤ 2024 - ਸਹੂਲਤਾਂ ਅਤੇ ਵਿਕਾਸ ਦੇ ਹਿਸਾਬ ਨਾਲ ਪਿਛੜਾ ਹੋਇਆ ਜਾਣੇ ਜਾਂਦੇ ਧਾਰੀਵਾਲ ਦੇ ਲੁਧਿਆਣਾ ਮੁਹੱਲੇ ਦਾ ਪਾਣੀ ਦੀ ਨਿਕਾਸੀ ਵਾਲਾ ਨਾਲਾ ਪਿਛਲੇ ਦਿਨੀ ਹੋਈ ਬਰਸਾਤ ਦੇ ਕਾਰਨ ਟੁੱਟ ਗਿਆ ਸੀ। ਹਾਲਾਤ ਇੰਨੇ ਬੱਦਤਰ ਹੋ ਗਏ ਕਿ ਕੁਝ ਦਿਨਾਂ ਦੇ ਵਿੱਚ ਹੀ ਲੋਕਾਂ ਦੇ ਘਰਾਂ ਤੱਕ ਪਾਣੀ ਪਹੁੰਚ ਗਿਆ। ਇਕੱਠੇ ਹੋਏ ਲੋਕਾਂ ਨੇ ਅੱਜ ਸਵੇਰੇ ਤੜਕ ਸਾਰ ਆਮ ਆਦਮੀ ਪਾਰਟੀ ਦੇ ਹਲਕਾ ਕਾਦੀਆਂ ਦੇ ਇੰਚਾਰਜ ਐਡਵੋਕੇਟ ਜਗਰੂਪ ਸੇਖਵਾਂ ਨੂੰ ਫੋਨ ਦੇ ਉੱਤੇ ਆਪਣੇ ਮਾੜੇ ਹਾਲਾਤਾਂ ਤੋਂ ਜਾਣੂ ਕਰਵਾਇਆ। ਜਿਸ ਦੇ ਉੱਪਰ ਤੁਰੰਤ ਵੱਡਾ ਐਕਸ਼ਨ ਲੈਂਦੇ ਹੋਏ ਚੇਅਰਮੈਨ ਜਗਰੂਪ ਸੇਖਵਾ ਨੇ ਨਗਰ ਕੌਂਸਲ ਧਾਰੀਵਾਲ ਦੀ EO ਮੈਡਮ ਕਿਰਨ ਮਹਾਜਨ ਨੂੰ ਇਸ ਦੇ ਹੱਲ ਲਈ ਕਿਹਾ। ਜਿਸ ਦੇ ਕੁਝ ਘੰਟੇ ਦੇ ਬਾਅਦ ਹੀ ਇਸ ਟੁੱਟੇ ਹੋਏ ਨਾਲੇ ਦੀ ਮੁਰੰਮਤ ਦਾ ਕੰਮ ਸ਼ੁਰੂ ਹੋ ਗਿਆ ਹੈ।
ਇਸ ਮੌਕੇ ਤੇ ਪ੍ਰਧਾਨ ਨਿਸ਼ਾਨ ਸਿੰਘ ਗਿੱਲ ਨੇ ਕਿਹਾ ਸੀ ਅਸੀਂ ਚੇਅਰਮੈਨ ਜਗਰੂਪ ਸੇਖਵਾਂ ਦੇ ਬਹੁਤ ਧੰਨਵਾਦੀ ਹਾਂ ਜਿਨਾਂ ਨੇ ਇੱਕ ਸਾਡੇ ਫੋਨ ਤੇ ਹੀ ਏਡੀ ਵੱਡੀ ਸਮੱਸਿਆ ਦਾ ਹੱਲ ਕਰਵਾ ਦਿੱਤਾ ਹੈ। ਉੱਥੇ ਹੀ ਲੁਧਿਆਣਾ ਮਹੱਲਾ ਤੋਂ ਸਾਬਕਾ ਕੌਂਸਲਰ ਅਮਿਤ ਸਹੋਤਾ ਨੇ ਵੀ ਚੇਅਰਮੈਨ ਜਗਰੂਪ ਸੇਖਵਾਂ ਦਾ ਧੰਨਵਾਦ ਕੀਤਾ ਹੈ।