ਕਿਸਾਨ ਆਗੂ ਨੂੰ ਮਿਲੀ ਫਿਰੋਤੀ ਦੀ ਧਮਕੀ, ਕੀਤੀ ਸ਼ਿਕਾਇਤ
ਰੋਹਿਤ ਗੁਪਤਾ
ਗੁਰਦਾਸਪੁਰ : ਭਾਰਤੀ ਕਿਸਾਨ ਯੂਨੀਅਨ ਚੜੂਨੀ ਦੇ ਪੰਜਾਬ ਯੂਥ ਪ੍ਰਧਾਨ ਅਤੇ ਸਾਡਾ ਪੰਜਾਬ ਫੈਡਰੇਸ਼ਨ ਦੇ ਕੌਮੀ ਪ੍ਰਧਾਨ ਇੰਦਰਪਾਲ ਸਿੰਘ ਬੈਂਸ ਨੇ ਦਾਵਾ ਕੀਤਾ ਹੈ ਕਿ ਉਸਨੂੰ ਵਿਦੇਸ਼ੀ ਨੰਬਰ ਤੋਂ ਫਿਰੋਤੀ ਲਈ ਧਮਕੀ ਦਿੱਤੀ ਗਈ ਹੈ। ਪੁਲਿਸ ਦੇ ਉੱਚ ਅਧਿਕਾਰੀਆਂ ਨੂੰ ਲਿਖੇ ਸ਼ਿਕਾਇਤ ਪੱਤਰ ਵਿੱਚ ਇੰਦਰਪਾਲ ਸਿੰਘ ਬੈਂਸ ਨੇ ਦੱਸਿਆ ਹੈ ਕਿ ਪਿਛਲੇ ਕੁਝ ਸਮੇ ਤੋ ਉਸਨੂੰ ਜਾਨੋ ਮਾਰਣ ਦੀਆ ਧੰਮਕੀਆ ਮਿਲ ਰਹੀਆ ਹਨ ਅਤੇ ਉਸਨੇ ਪਹਿਲਾ ਵੀ ਸਾਲ 2024 ਵਿੱਚ ਪੁਲਿਸ ਨੂੰ ਇਸ ਬਾਰੇ ਪੱਤਰ ਰਾਹੀਂ ਸੂਚਿਤ ਕੀਤਾ ਸੀ । ਕਿਸਾਨ ਆਗੂ ਅਨੁਸਾਰ ਉਸ ਨੇ ਪਹਿਲਾਂ ਵੀ ਮਹਿਸੂਸ ਕੀਤਾ ਹੈ ਕਿ ਕੁਝ ਸ਼ਕੀ ਵਿਅਕਤੀ ਉਸੜਉਪਰ ਨਿਗਰਾਨੀ ਰੱਖ ਰਹੇ ਹਨ, ਅਤੇ ਉਸਦੇ ਘਰ ਦੀ ਰੈਕੀ ਕੀਤੀ ਜਾਂ ਰਹੀ ਹੈ।
ਕਰੀਬ ਦੋ ਮਹੀਨੇ ਪਹਿਲਾਂ 26-ਮਈ-2025 ਨੂੰ ਵੀ ਉਸ ਨੇ ਪੁਲਿਸ ਦੇ ਅਧਿਕਾਰੀਆਂ ਨੂੰ ਲਿਖਤੀ ਦਰਖਾਸਤ ਦਿੱਤੀ ਸੀ ਪਰ ਉਸ ਉਪਰ ਵੀ ਕੋਈ ਕਾਰਵਾਈ ਨਹੀ ਕੀਤੀ ਗਈ ਹ। ਉਸ ਤੋਂ ਬਾਅਦ 27-ਜੁਲਾਈ 2025 ਨੂੰ ਅਣਪਛਾਤੇ ਵਿਅਕਤੀ ਰੈਕੀ ਕਰਦੇ ਉਸਦੇ ਪਿਛੇ ਆਏ, ਪਰ ਫਿਰ ਵੀ ਪੁਲਿਸ ਵਲੋ ਕੋਈ ਵੀ ਕਾਰਵਾਈ ਨਹੀ ਕੀਤੀ ਗਈ, ਅੱਜ ਫਿਰ ਵਿਦੇਸ਼ੀ ਨੰਬਰ ਤੋ ਕਾਲ ਆਈ ਅਤੇ ਉਸ ਕੋਲੋ 1 ਕਰੋੜ ਦੀ ਮੰਗ ਕੀਤੀ ਗਈ ਅਤੇ ਕਿਹਾ ਜੇਕਰ ਇਹ ਰਕਮ ਨਾ ਦਿੱਤੀ ਤਾਂ ਅਸੀ ਘਰ ਵਿੱਚ ਵੜ ਕੇ ਤੇਰਾ ਜਾਨੀ ਨੁਕਸਾਨ ਕਰਾਂਗੇ।
ਕਿਸਾਨ ਆਗੂ ਦਾ ਕਹਿਣਾ ਹੈ ਕਿ ਬਾਰ-ਬਾਰ ਸ਼ਿਕਾਇਤ ਕਰਨ ਦੇ ਬਾਵਜੂਦ ਪੁਲਿਸ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੀ ਹੈ ਤੇ ਜੇਕਰ ਉਸਦਾ ਜਾ ਉਸਦੇ ਪਰਿਵਾਰ ਦਾ ਕੋਈ ਜਾਨੀ ਮਾਲੀ ਨੁਕਸਾਨ ਹੁੰਦਾ ਹੈ ਤਾਂ ਉਸਦੀ ਜਿੰਮੇਵਾਰੀ ਪ੍ਰਸ਼ਾਸਨ ਦੀ ਹੋਵੇਗੀ । ਦੱਸ ਦਈਏ ਕੇਂਦਰ ਪਾਲ ਸਿੰਘ ਬੈਂਸ 2022 ਵਿੱਚ ਕਿਸਾਨ ਯੂਨੀਅਨ ਵੱਲੋਂ ਵਿਧਾਨ ਸਭਾ ਚੋਣ ਵੀ ਲੜ ਚੁੱਕੇ ਹਨ।