ਚੋਰ ਦੁਕਾਨ ਦਾ ਸ਼ਟਰ ਤੋੜਨ ਦੀ ਕਰਦਾ ਰਿਹਾ ਕੋਸ਼ਿਸ਼ ਨਹੀਂ ਟੁੱਟਿਆ ਸੈਂਟਰ ਲਾੱਕ
ਘਟਨਾ ਸੀਸੀਟੀਵੀ ਵਿੱਚ ਹੋਈ ਕੈਦ
ਰੋਹਿਤ ਗੁਪਤਾ
ਗੁਰਦਾਸਪੁਰ , 20 ਜੁਲਾਈ 2025 :
ਗੁਰਦਾਸਪੁਰ ਦੋਰਾਂਗਲਾ ਰੋਡ ਤੇ ਪਿੰਡ ਆਲੇਚੱਕ ਬਾਈਪਾਸ ਦੇ ਨੇੜੇ ਸਥਿਤ ਕਰਿਆਨੇ ਦੀ ਦੁਕਾਨ ਤੇ ਇੱਕ ਚੋਰ ਅੱਧਾ ਘੰਟਾ ਗੁਦਾਮ ਦਾ ਸ਼ਟਰ ਤੋੜ ਕੇ ਚੋਰੀ ਕਰਨ ਦੀ ਕੋਸ਼ਿਸ਼ ਕਰਦਾ ਰਿਹਾ ਪਰ ਸ਼ਟਰ ਦਾ ਸੈਂਟਰ ਲੋਕ ਨਾ ਟੁੱਟਣ ਕਾਰਨ ਦੁਕਾਨਦਾਰ ਦਾ ਨੁਕਸਾਨ ਹੋਣ ਤੋਂ ਬਚ ਗਿਆ । ਚੋਰ ਵੱਲੋਂ ਗੁਦਾਮ ਦੇ ਤਾਲੇ ਤਾਂ ਤੋੜ ਦਿੱਤੇ ਗਏ ਪਰ ਆਪਣੇ ਨਾਲ ਲਿਆਉਂਦੀ ਲੋਹੇ ਦੀ ਰਾਡ ਨਾਲ ਉਸ ਨੇ ਸ਼ਟਰ ਅਤੇ ਸੈਂਟਰ ਲਾੱਕ ਤੋੜਨ ਦੀ ਕਾਫੀ ਕੋਸ਼ਿਸ਼ ਕੀਤੀ ਪਰ ਨਾਕਾਮ ਰਿਹਾ ਜਿਸ ਕਾਰਨ ਗੋਦਾਮ ਦੇ ਅੰਦਰ ਵੜ ਕੇ ਚੋਰੀ ਨਹੀਂ ਕਰ ਪਾਇਆ । ਚੋਰ ਵੱਲੋਂ ਤਾਲੇ ਤੋੜ ਕੇ ਆਪਣੇ ਨਾਲ ਲੈ ਜਾਣ ਅਤੇ ਸੈਂਟਰ ਲਾੱਕ ਤੋੜਨ ਦੀ ਕੋਸ਼ਿਸ਼ ਕਰਨ ਦੀ ਪੂਰੀ ਘਟਨਾ ਦੁਕਾਨ ਤੇ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੋ ਗਈ ਹੈ।
ਉੱਥੇ ਹੀ ਦੁਕਾਨਦਾਰ ਬਿਕਰਮਜੀਤ ਸਿੰਘ ਬਿੱਕਾ ਦਾ ਕਹਿਣਾ ਹੈ ਕਿ ਇਸ ਰੋਡ ਤੇ ਕਈ ਵਾਰ ਚੋਰੀਆਂ ਹੋ ਚੁੱਕੀਆਂ ਹਨ ਅਤੇ ਉਸ ਦੀ ਆਪਣੀ ਦੁਕਾਨ ਤੇ ਤਿੰਨ ਵਾਰੀ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਜੋ ਅੱਜ ਦੂਸਰੀ ਵਾਰ ਨਾਕਾਮ ਰਹੀ ਹੈ ਜਦਕਿ ਇੱਕ ਵਾਰ ਦੁਕਾਨ ਦੇ ਗੱਲੇ ਵਿੱਚੋਂ ਚੋਰ ਪੈਸੇ ਚੋਰੀ ਕਰਨ ਵਿੱਚ ਕਾਮਯਾਬ ਹੋ ਗਏ ਸਨ। ਉਸਨੇ ਕਿਹਾ ਕਿ ਚੋਰਾਂ ਦੀ ਹਿੰਮਤ ਇੰਨੀ ਵੱਧ ਗਈ ਹੈ ਕਿ ਦੁਕਾਨ ਦੇ ਬਾਹਰ ਭਰਪੂਰ ਰੋਸ਼ਨੀ ਹੋਣ ਦੇ ਬਾਵਜੂਦ ਕਰੀਬ ਅੱਧਾ ਘੰਟਾ ਉਹ ਗੋਦਾਮ ਦਾ ਸ਼ਟਰ ਅਤੇ ਸੈਂਟਰ ਲੋਕ ਤੋੜਨ ਦੀ ਕੋਸ਼ਿਸ਼ ਕਰਦਾ ਰਿਹਾ, ਉਸਨੇ ਮੰਗ ਕੀਤੀ ਹੈ ਕਿ ਰੋਡ ਤੇ ਰਾਤ ਦੇ ਸਮੇਂ ਪੁਲਿਸ ਦੀ ਗਸ਼ਤ ਵਧਾਈ ਜਾਏ ਤਾਂ ਜੋ ਚੋਰੀਆਂ ਨੂੰ ਠੱਲ ਪਾਈ ਜਾ ਸਕੇ ।